Ganieva Dilnora Umirzakovnaning
falsafa doktori (PhD) dissertatsiyasi himoyasi haqidagi e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi):
«Quduqlar guruhining o‘zaro ta’sirlanishini bartaraf qilish va ular ishlashini barqarorlashtirish usulini ishlab chiqish», 05.09.04-Suv ta’minoti. Kanalizatsiya. Suv havzalarini muhofazalovchi qurilish tizimlari (texnika fanlari).
Dissertatsiya mavzusi ro‘yxatga olingan raqam: B2024.3.PhD/T4967
Ilmiy rahbar: Gadaev Abror Niyazovich, texnika fanlari nomzodi, professor.
Dissertatsiya bajarilgan muassasa nomi: Mirzo Ulug‘bek nomidagi Samarqand davlat arxitektura-qurilish universiteti.
Ilmiy Kengash faoliyat ko‘rsatayotgan muassasa nomi, Ilmiy Kengash nomi: Mirzo Ulug‘bek nomidagi Samarqand davlat arxitektura-qurilish universiteti huzuridagi ilmiy darajalar beruvchi PhD.26/26.01.2023.T.109.03. raqamli Ilmiy Kengash.
Rasmiy opponentlar: Xo‘jaqulov Rustam, texnika fanlari doktori, professor; 
Mirzaev Abdialim, texnika fanlari nomzodi, dosent.
Yetakchi tashkilot: Jizzax politexnika instituti
Dissertatsiya yo‘nalishi nazariy va amaliy ahamiyatga molik.
II. Tadqiqotning maqsadi. Guruh bo‘lib ishlaydigan quduqlarning o‘zaro ta’sirlanishini bartaraf qilish va oldini olish usulini ishlab chiqish.
III. Tadqiqotning ilmiy yangiligi:
Mahalliy sharoitda quduqlar guruhining o‘zaro ta’sirlashuv natijasida debitini pasayishi sabablari kompleks tizimlashtirilib ulardagi global va mahalliy iqlim o‘zgarishi hisobiga o‘zaro ta’sirlashuv omili ishlab chiqildi;
Quduqlarning o‘zaro ta’sirlashuvi muammosining amaliy echimi sifatida texnik reglamentlar ishlab chiqildi;
Quduqlar guruhi ishlashining murakkab gidrodinamik holati modellashtirilib amaliy echimlar ishlab chiqildi; 
Guruh bo‘lib ishlaydigan quduqlarning joylashuv o‘rni va muammoli holatning amaliy echimi bo‘yicha umumlashgan usuli ishlab chiqildi.
IV. Tadqiqot natijalarining joriy qilinishi. Quduqlar guruhining o‘zaro ta’sirlanishini bartaraf   qilish va ular ishlashini barqarorlashtirish usulini ishlab chiqish bo‘yicha olingan ilmiy natijalar asosida:
mahalliy sharoitda ishlaydigan quduqlar guruhining o‘zaro ta’sirlashuvi natijasida suv sathi va debitini pasayishi sabablari kompleks tizimlashtirilib ulardagi global va mahalliy iqlim o‘zgarishi hisobiga o‘zaro ta’sirlashuv omili “Samarqand suv ta’minoti” AJning Dahbed suv inshootlari hududida  joylashgan 17, 18 va 19-raqamli quduqlarda joriy etilgan (O‘zbekiston Respublikasi Qurilish va uy-joy kommunal xo‘jaligi vazirligining 2024-yil 13-noyabrdagi 24-06/12000-son ma’lumotnomasi). Natijada, quduqlarni uzoq muddat ishlashi natijasida ulardagi debit va sath o‘zgarishlarini kelgusida bartaraf qilish taklifi ishlab chiqilgan;
laboratoriya va dasla sharoitidagi tadqiqotlar natijalarini ishonchliligini oshirish maqsadida  quduqlar guruhi ishlashining murakkab gidrodinamik holati modellashtirilib amaliy echimlari “Qashqadaryo suv ta’minoti” AJning Kitob tumani hududidagi Shahrisabz-Qarshi suv inshootining “7 eski”, 7yangi” va “7a eski” raqamli quduqlarda joriy etildi (O‘zbekiston Respublikasi Qurilish va uy-joy kommunal xo‘jaligi vazirligining 2024-yil 13-noyabrdagi 24-06/12000-son ma’lumotnomasi). Natijada, uzoq muddat ishlaydigan quduqlarda iqlim o‘zgarishi natijasida er osti suvlari sathi va zaxiralari kamayib ketishining oqibatida beqaror ishlashini oldini olishning real imkoniyati yaratilgan; 
guruh bo‘lib ishlaydigan quduqlar joylashuv o‘rni va muammoli holatning amaliy echimi bo‘yicha umumlashgan usuli Kommunal loyiha ilmiy-tadqiqot institutida himoya qilingan va vazirlik ma’lumotnomasi olingan (O‘zbekiston Respublikasi Qurilish va uy-joy kommunal xo‘jaligi vazirligining 2024-yil 13-noyabrdagi 24-06/12000-son ma’lumotnomasi). Natijada quduqlar guruhida kutilmagan o‘zaro ta’sirlashuv va debit o‘zgarishining oldini olish orqali quduqlarni barqaror ishlash davrini uzaytirish imkoniyati yaratilgan.