Холмирзаев Бахтиёр Нурмирза ўғлининг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
    Диссертация мавзуси, ихтисослик шифри (илмий даража бериладиган фан тармоғи номи): “Синфдан ташқари спорт машғулотларида ўқувчиларнинг миллий ғурур туйғусини ривожлантириш технологияси”, 13.00.01 – Педагогика назарияси. Педагогик таълимотлар тарихи.
Диссертация мавзуси рўйхатга олинган рақам: B2022.4.PhD/Ped4043
Илмий раҳбар: Сулаймонов Мўминжон Юсуфжонович, филология фанлари номзоди, доцент.
Диссертация бажарилган муассаса номи: Наманган давлат университети.
ИК фаолият кўрсатаётган муассаса (муассасалар) номи: Наманган давлат университети, PhD.03/04.06.2020.Ped.76.02.   
Расмий оппонентлар: Эгамбердиева Турғуной Ахмаджоновна, педагогика фанлари доктори, профессор; Азизов Собитхон Валиевич, педагогика фанлари номзоди, профессор. 
Етакчи ташкилот: Бухоро давлат университети. 
Диссертация йўналиши: назарий ва амалий аҳамиятга молик.
II. Тадқиқотнинг мақсади синфдан ташқари спорт машғулотларида миллий ғурур туйғусини ривожлантиришга доир таклиф ва тавсиялар ишлаб чиқишдан иборат.
III. Тадқиқотнинг илмий янгилиги қуйидагилардан иборат:
ўқувчиларда миллий ғурур туйғусини ривожлантиришнинг ижтимоий педагогик зарурияти фанлараро  (педагогик, социологик, фалсафий) қиёсий таҳлил қилиш орқали уларнинг фаол фуқаролик позицияси, танқидий тафаккури ва қадриятларга асосланган дунёқарашини шакллантириш, шахсга йўналтирилган ёндашув ва амалий фаолият интеграциясига устуворлик бериш асосида аниқланган;
синфдан ташқари спорт машғулотларида миллий ғурур туйғусини ривожлантиришнинг амалий-тарбиявий иш шакллари ва интерфаол методларга асосланган педагогик механизмлари ўқувчиларда ватанпарварлик ҳисси, жамоавийлик туйғуси ва ижтимоий масъулият кўникмаларини ташхислашнинг консентрик ва мунтазамлилик тамойиллари асосида такомиллаштирилган;
ўқувчиларда миллий ғурур туйғусини ривожлантиришнинг мақсад, жараён ва натижани узвий боғлаган интегратив модели компетенсиявий, аксиологик (қадриятли) ва шахсга йўналтирилган ёндашувлар билан уйғунлаштирилган ҳамда ривожланиш даражалари (репродуктив, изланишли, креатив) аниқ белгиланган когнитив (билим), эмоционал-қадриятли (муносабат) ва фаолиятга оид (амалий ҳаракат) мезонлар асосида ишлаб чиқилган;
шахснинг индивидуал ва ижтимоий муносабатларини намоён бўлиш даражаси, спорт кўникмаси ҳамда аксиологик билимини ривожлантириш жараёнини мактаб ўқитувчилари фаолиятида мужассамлаштириш ва бадиий адабиёт қаҳрамонлари образлари орқали ўзлаштириш механизми воситасида ўқувчиларга миллий ғурур туйғусини сингдириш, имитация (кўчириш, тақлид қилиш) асосида шакллантириш билан боғлиқ илмий-методик тавсиялар ишлаб чиқилган.
IV. Тадқиқот натижаларининг жорий қилиниши. Синфдан ташқари спорт машғулотларида ўқувчиларнинг миллий ғурур туйғусини ривожлантириш технологияси юзасидан олинган натижалар асосида:
ўқувчиларда миллий ғурур туйғусини ривожлантиришнинг ижтимоий педагогик зарурияти фанлараро  (педагогик, социологик, фалсафий) қиёсий таҳлил қилиш орқали уларнинг фаол фуқаролик позицияси, танқидий тафаккури ва қадриятларга асосланган дунёқарашини шакллантириш, шахсга йўналтирилган ёндашув ва амалий фаолият интеграциясига устуворлик беришга доир таклиф ва тавсиялардан Халқ таълими вазирининг 2020-йил 10-апрелдаги 102-сонли буйруғи билан тасдиқланган “Тарбия” фанининг 1-9-синфларга мўлжалланган ўқув дастурлари ҳамда дарсликларни яратиш жараёнида фойдаланилган (Ўзбекистон Республикаси Халқ таълими Вазирлиги ҳузуридаги Республика Таълим марказининг 2022-йил 15-ноябрдаги 01/11-02/02-1747-сонли маълумотномаси). Натижада, синфдан ташқари спорт машғулотларида ўқувчиларнинг миллий ғурур туйғусини ривожлантиришга эришилган; 
синфдан ташқари спорт машғулотларида миллий ғурур туйғусини ривожлантиришнинг амалий-тарбиявий иш шакллари ва интерфаол методларга асосланган педагогик механизмлари ўқувчиларда ватанпарварлик ҳисси, жамоавийлик туйғуси ва ижтимоий масъулият кўникмаларини ташхислашнинг консентрик ва мунтазамлилик тамойиллари асосида такомиллаштиришга доир таклиф ва тавсиялардан, хулосалар ва илмий янгиликлардан Ўзбекистон Миллий телерадиокомпанияси “Ўзбекистон-24” ижодий бирлашмаси “Ўзбекистон” телерадиоканалининг 2025-йил март ва июл ойларидаги “Миллат ва маънавият”, “Ўзбекистон ёшлари”, “Таълим ва тараққиёт” дастурларини самарали ташкил этишда, уларнинг дастур ва сенарийларини тайёрлашда фойдаланилди.  (Ўзбекистон Миллий телерадиокомпанияси “Ўзбекистон-24” ижодий бирлашмаси давлат муассасасининг 2025-йил 26-августдаги 05-09-1364-сонли маълумотномаси). Натижада, синфдан ташқари спорт машғулотларида ўқувчиларнинг миллий ғурур туйғусини ривожлантиришга эришилган; 
ўқувчиларда миллий ғурур туйғусини ривожлантиришнинг мақсад, жараён ва натижани узвий боғлаган интегратив модели компетенсиявий, аксиологик (қадриятли) ва шахсга йўналтирилган ёндашувлар билан уйғунлаштирилган ҳамда ривожланиш даражалари (репродуктив, изланишли, креатив) аниқ белгиланган когнитив (билим), эмоционал-қадриятли (муносабат) ва фаолиятга оид (амалий ҳаракат) мезонлар асосида ишлаб чиқилган таклиф ва тавсиялардан Президент Администрациясининг 2022-йил 10-октябрдаги 14-сонли йиғилиш (ПА2/1-3053) баёнида белгиланган вазифаларни таъминлаш мақсадида, жисмоний тарбия фанидан ўқув дастурларини такомиллаштиришда фойдаланилган (Ўзбекистон Республикаси Мактабгача ва мактаб таълими Вазирлиги ҳузуридаги Республика Таълим марказининг 2025-йил 30-майдаги 01/11-10-357-сон маълумотномаси). Натижада синфдан ташқари спорт машғулотларида ўқувчиларнинг миллий ғурур туйғусини ривожлантиришга эришилган;
шахснинг индивидуал ва ижтимоий муносабатларини намоён бўлиш даражаси, спорт кўникмаси ҳамда аксиологик билимини ривожлантириш жараёнини мактаб ўқитувчилари фаолиятида мужассамлаштириш ва бадиий адабиёт қаҳрамонлари образлари орқали ўзлаштириш механизми воситасида ўқувчиларга миллий ғурур туйғусини сингдириш, имитация (кўчириш, тақлид қилиш) асосида шакллантириш билан боғлиқ илмий-методик тавсиялардан Олий таълим, фан ва инновациялар вазирлиги ҳузуридаги Инновацион ривожланиш агентлиги томонидан 2023-йил 23-июнда 202306161313-сонли буйруғи билан тасдиқланган “Спорт муассасаларида селекция, саралаш, башорат қилиш ва олий спорт ютуқларини ривожланиш мониторингини жорий қилиш учун рақамли технологияларни яратиш” лойиҳасини амалга оширишда фойдаланилган (Жисмоний тарбия ва  спорт илмий тадқиқотлар институтининг АЛМ202306161313-сонли маълумотномаси). Натижада синфдан ташқари спорт машғулотларида ўқувчиларнинг миллий ғурур туйғусини ривожлантиришга эришилган.