Халиков Йўлчи Мухаммадюсуповичнинг
фалсафа доктори (PhD) диссертацияси ҳимояси ҳақидаги эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): “Ижтимоий хизматлар соҳасини ривожлантириш ва ташкилий-иқтисодий механизмларини такомиллаштириш ”, 08.00.05 -  Хизмат кўрсатиш тармоқлари иқтисодиёти (Иқтисодиёт фанлари).
Диссертация мавзуси рўйхатга олинган рақам: B2019.3.PhD/Iqt1102.
Илмий раҳбар: Қулмамат Жонузоқович Мирзаев, иқтисодиёт фанлари доктори, профессор.
Диссертация бажарилган муассаса номи: Самарқанд иқтисодиёт ва сервис  институти. 
ИК фаолият кўрсатаётган муассаса номи, ИК рақами: Бердақ номидаги Қорақалпоқ давлат университети,  PhD.03/30.01.2020.I.20.06.
Расмий оппонентлар: Матякубов Умиджон Рахимович, иқтисодиёт фанлари доктори, профессор, Ережепова Бибисaра Абибуллaевна   иқтисодиёт фанлари фалсафа доктори (PhD).
Етакчи ташкилот: Тошкент давлат иқтисодиёт университети Самарқанд филиали.
Диссертация йўналиши: назарий ва амалий аҳамиятга молик.
II. Тадқиқотнинг мақсади рақамли иқтисодиётни шакллантириш жараёнида ижтимоий хизматлар соҳасини ривожлантириш ва унинг ташкилий-иқтисодий механизмларини такомиллаштириш бўйича илмий-амалий таклиф ва тавсиялар ишлаб чиқишдан иборат.
III Тадқиқотнинг илмий янгилиги:
услубий ёндашувга кўра “ижтимоий хизматлар соҳаси” тушунчасининг ижтимоий-иқтисодий мазмуни аҳолининг ҳаётий эҳтиёжларини қондириш, турмуш сифатини ошириш ва ижтимоий барқарорликни таъминлашга қаратилган ижтимоий хизматларнинг турлари, таснифи, ташкилий-иқтисодий механизмларини ишлаб чиқиш асосида такомиллаштирилган;
ҳудуддаги ижтимоий хизматларни ривожлантиришни таъминловчи ижтимоий хизматлар агентлиги,  нодавлат ташкилотлар, ижтимоий хизматлар, овқатланиш, транспорт ва суғурта корхоналари, ахборот соҳасига тегишли ташкилотларни ўз ичига олган уч босқичли ижтимоий хизматлар соҳаси кластер модели асосида “Самарқанд ҳудудий ижтимоий хизматлар кластери”ни ташкил этиш таклифи ишлаб чиқилган;
ижтимоий хизматлар соҳасида тадбиркорлик фаолиятини ривожлантириш асосида давлат хизматларида давлат-хусусий шерикчилик тизимини жорий этиш ва давлат улушини 30-40% гача камайтириш орқали соҳанинг умумий хизмат ҳажмини кенгайтириш таклифи асосланган;
Ўзбекистонда ижтимоий хизматлар соҳасини ривожлантиришнинг ташкилий-иқтисодий механизмларини такомиллаштириш омилларининг эконометрик таҳлили асосида хизмат кўрсатиш ҳажмининг 2030 йилга қадар прогноз кўрсаткичлари ишлаб чиқилган.
IV Тадқиқот натижаларининг жорий қилиниши.
Ижтимоий хизматлар соҳасини ривожлантириш ва ташкилий-иқтисодий механизмларини такомиллаштириш тадқиқот мавзуси бўйича олинган илмий натижалар асосида:
услубий ёндашувга кўра “ижтимоий хизматлар соҳаси” тушунчасининг ижтимоий-иқтисодий мазмунини аҳолининг ҳаётий эҳтиёжларини қондириш, турмуш сифатини ошириш ва ижтимоий барқарорликни таъминлашга қаратилган ижтимоий хизматларнинг турлари, таснифи, ташкилий-иқтисодий механизмларини ишлаб чиқиш асосида такомиллаштиришга оид назарий-услубий материаллардан олий ўқув юртлари талабалари учун тавсия этилган “Иқтисодиёт назарияси” номли дарсликни тайёрлашда фойдаланилган (Самарқанд иқтисодиёт ва сервис институти Кенгашининг 2022 йил 31 октябрдаги №3-сон қарори). Ушбу таклиф ва тавсиялардан фойдаланиш талабаларда ижтимоий хизматларнинг турлари, таснифи, ташкилий-иқтисодий механизмларини ишлаб чиқиш асосида такомиллаштирилган “ижтимоий хизматлар соҳаси” тушунчаси бўйича назарий билимларни  кенгайтириш имкони яратилган;
ҳудуддаги ижтимоий хизматларни ривожлантиришни таъминловчи ижтимоий хизматлар агентлиги, нодавлат ташкилотлар, ижтимоий хизматлар, овқатланиш, транспорт ва суғурта корхоналари, ахборот соҳасига тегишли ташкилотларни ўз ичига олган уч босқичли ижтимоий хизматлар соҳаси кластер модели асосида “Самарқанд ҳудудий ижтимоий хизматлар кластери”ни ташкил этиш таклифи Ўзбекистон Савдо-саноат палатаси томонидан 2024-2027-йилларга мўлжалланган йўл харитасини  ишлаб чиқишда ҳамда Самарқанд вилоятида фаолият олиб бораётган ижтимоий хизмат кўрсатиш корхоналарида қўлланилган (Ўзбекистон Савдо-саноат палатасининг 2023 йил 2 августдаги 11/05-26-9230-сон маълумотномаси). Мазкур тавсиялардан фойдаланиш ижтимоий хизматларнинг сифатини ошиши, аҳоли фаровонлигини юксалиши, хавфсизлигини таъминлаши, шунингдек, назорат қилиш имконини яратган;
ижтимоий хизматлар соҳасида тадбиркорлик фаолиятини ривожлантириш асосида давлат хизматларида давлат-хусусий шерикчилик тизимини жорий этиш ва давлат улушини 30-40% гача камайтириш орқали соҳанинг умумий хизмат ҳажмини кенгайтириш таклифи Ўзбекистон Республикаси Президентининг 2018 йил 20 октябрдаги ПҚ-3980-сон “Давлат-хусусий шерикликни ривожлантиришнинг ҳуқуқий ва институционал базасини яратиш бўйича биринчи навбатдаги чора-тадбирлар тўғрисида”ги қарорининг “Иқтисодиёт ва ижтимоий соҳанинг устувор йўналишларида давлат-хусусий шерикликни ривожлантириш бўйича тармоқ дастурларини ишлаб чиқишда иштирок этиш” йўналишидаги вазифаларни шакллантириш, Ўзбекистон Савдо-саноат палатаси томонидан 2024-2027-йилларга мўлжалланган йўл харитасини  ишлаб чиқиш ҳамда Самарқанд вилоятида фаолият олиб бораётган ижтимоий хизмат кўрсатиш корхоналари фаолиятида фойдаланилган (Ўзбекистон Савдо-саноат палатасининг 2023 йил 2 августдаги 11/05-26-9230-сон маълумотномаси). Ушбу таклифнинг амалиётга жорий этилиши давлат-хусусий шериклик лойиҳаларини тайёрлаш ва ташкилотларнинг жорий ва стратегик мақсадларига эришиш имконини берган;
Ўзбекистонда ижтимоий хизматлар соҳасини ривожлантиришнинг ташкилий-иқтисодий механизмларини такомиллаштириш омилларининг эконометрик таҳлили асосида хизмат кўрсатиш ҳажмининг 2030 йилга қадар ишлаб чиқилган прогноз кўрсаткичларидан Ўзбекистон Савдо-саноат палатасининг 2024-2027-йилларга мўлжалланган келгуси даврдаги дастурларини ишлаб чиқиш ва ривожлантиришда фойдаланилган (Ўзбекистон Савдо-саноат палатасининг 2023 йил 2 августдаги 11/05-26-9230-сонли маълумотномаси). Мазкур илмий натижанинг амалиётга жорий этилиши 2022-2026-йилларда ижтимоий хизмат кўрсатиш тизими субъектлари фаолиятини ривожлантиришда, масалан, коммунал хизмат кўрсатиш субъектлари сонини 40,0%га, асосий капиталга киритилган инвестицияларда коммунал хизмат кўрсатишнинг улушини 70,0% га ошириш имкони аниқланган.