Илмий даражалар ва илмий унвонлар бўйича аттестация ишларини қабул қилиш бўйича «Диссертация ҳимояси ҳақидаги эълонлар дастурий модули», «Илмий даражалар комплекс-таҳлилий ахборот тизими», «Илмий унвонлар комплекс-таҳлилий ахборот тизими», шунингдек «Бир марталик илмий кенгаш тузиш бўйича ҳужжатларни тақдим қилиш дастурий модули» ва «Илмий даража дипломини нострификациялаш бўйича ҳужжатларни тақдим қилиш дастурий модули» дастурий тизимларида 2025 йил 18 декабрдан 2026 йил 10 январга қадар дастурий-техник ва профилактик ишлар амалга оширилади. Шу муносабат билан мазкур муддатлар тегишли аттестация ишлари ва ҳужжатларни ОАКга тақдим этиш муддатларини ҳисоблашда эътиборга олинади.