Қадиров Абдулхошим Абдужалоловичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): «Ўсимлик мойи мисселласини пуркаш жараёни гидродинамикасини тадқиқ этиш ва янги форсунка конструксиясини ишлаб чиқиш», 02.00.16 – Кимё технологияси ва озиқ-овқат ишлаб чиқариш жараёнлари ва аппаратлари (техника фанлари).
Диссертация мавзуси рўйхатга олинган рақам: B2025.1.PhD/Т5254.
Илмий раҳбар: Худайбердиев Абсалом Абдурасулович, техника фанлари доктори, профессор.
Диссертация бажарилган муассаса номи: Наманган давлат техника университети.
ИК фаолият кўрсатаётган муассаса номи, ИК рақами: Наманган давлат техника университети ҳузуридаги DSc.03/29.08.2023.К/Т.66.02 рақамли илмий кенгаш асосидаги бир марталик илмий кенгаш.
Расмий оппонентлар: Абдурахимов Ахрор Анварович, техника фанлари доктори, профессор; Султанова Шаҳноза Абдувоҳитовна, техника фанлари доктори, профессор.
Етакчи ташкилот: Бухоро давлат техника университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: ўсимлик мойи мисселласини пуркаш жараёни гидродинамикаси ва форсунканинг янги конструксиясини ишлаб чиқишдан иборат.
III. Тадқиқотнинг илмий янгилиги:
якуний босқич дистилляторидаги ишчи босим, мисселла ҳарорати, суюқлик ва буғ фазалар сарфи ҳамда унинг ўлчамларини мисселла таркибидан эритувчини пуркаш жараёни гидродинамикасига таъсири аниқланган;
 жараённинг турлича гидродинамик режимларида форсунка каналининг баландлиги ҳк = 8 мм, узунлиги лк = 20 мм ва эквивалент диаметри дт = 11,4 мм бўлганда призматик форсунка воситасида суюқликни сочилиш бурчаги cосφ = 170о бўлиши аниқланган;
призматик форсунка воситасида пахта мойи мисселласини пуркаб дистилляциялаш жараёнининг математик модели ва унинг МАТЛАБ Симулинк дастуридаги компютер модели шакллантирилиб, мисселла таркибидан учувчан компонентларни сув буғи мухитида ҳайдаш жараёнининг технологик ва гидродинамик режимларининг оптимал чегаралари аниқланган;
мисселлани призматик форсунка воситасида горизонтал ва вертикал йўналишда пуркаш жараёнида технологик самарадорлик 19,9 % га ортиши исботланган;
пахта мойи мисселласини якуний дистилляциялаш жараёнини амалга ошириш учун призматик форсункалар билан бутланадиган қурилманинг такомиллаштирилган янги конструксияси ишлаб чиқилган.
IV. Тадқиқот натижаларининг жорий қилиниши. Ўсимлик мойи мисселласини пуркаш жараёни гидродинамикасини тадқиқ этиш ва янги форсунка конструксиясини ишлаб чиқиш бўйича олинган илмий натижалар асосида:
якуний босқич дистилляторининг призматик форсункалар билан таъминланган янги конструксияси намунаси “Наманган тола-текстил” ва “Абдурахмон Асқарович” МЧЖ корхоналарининг “2025-2030 йилларда амалиётга жорий этиш бўйича истиқболли ишланмалар рўйҳати”га киритилган (Ўзбекистон Республикаси Ёғ-мой саноати корхоналари Уюшмасининг 2025 йилнинг 5 майдаги КC/3-161- сонли маълумотномаси). Натижада, олинган экстраксион мойнинг ранги 19 сариқ бирликни ташкил этиб, унинг кислота сони 3,5 мг КОН/г гача пасайган, рафинацияланадиган мойнинг чиқишини 1,85 % гача ошириш имконини беради;
призматик форсункалардан якуний дистилляция жараёнида фойдаланиш технологияси “Наманган тола-текстил” ва “Абдурахмон Асқарович” МЧЖ корхоналарининг “2025-2030 йилларда амалиётга жорий этиш бўйича истиқболли ишланмалар рўйҳати”га киритилган (Ўзбекистон Республикаси Ёғ-мой саноати корхоналари Уюшмасининг 2025 йилнинг 5 майдаги КC/3-161- сонли маълумотномаси). Натижада, корхона стандарти ТР 18121-3-328-21 ва ЎзДСТ 816:2015 талабларига мос рафинацияланган ва дезодорацияланган товар пахта мойи ишлаб чиқариш имконини беради.