Камагурова Светлана Владимировнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Сарибатир олтин маъданли конида маъданлашув жойлашувининг геологик омиллари ва қидирув усулларини такомиллаштириш», 04.00.02 – Қаттиқ фойдали қазилма конларининг геологияси, уларни қидириш ва разведка қилиш. Металлогения ва геокимё (геология-минералогия фанлари).
Диссертация мавзуси рўйхатга олинган рақам: B2025.3.PhD/GM279.
Илмий рахбар: Исоқов Мақсуд Узоқович, геология-минералогия фанлари доктори.
Диссертация бажарилган муассаса номи: “Минерал ресурслар институти” давлат муассасаси.
ИК фаолият кўрсатаётган муассаса номи, ИК рақами: “Минерал ресурслар институти” ДМ, DSc.24/30.12.2019.GM.40.01.
Расмий оппонентлар: Турапов Мирали Камалович, геология-минералогия фанлари доктори, профессор; Антонов Александр Евгеньевич, геология-минералогия фанлари доктори, профессор.
Етакчи ташкилот: “Ўзбек геология қидирув” АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Сарибатир конини разведка қилиш услубиётини маъдан таналарининг морфологияси ва уларнинг жойлашиш қонуниятларини ўрганиш асосида такомиллаштириш.
III. Тадқиқотнинг илмий янгилиги:
Сарибатир конида олтин маъданлашувининг жойлашиш қонуниятларини белгиловчи структуравий, литологик-стратиграфик, метасоматик ва жинсларнинг эпигенетик ўзгариш омиллари ажратилди;
қидирув тармоғи зичлигининг олтин кони захираларини баҳолаш ишончлигига таъсири асосли равишда кўрсатиб берилган;
коннинг чуқур қатламларида олтин маъданлашувининг фазовий ривожланиш имконияти асослаб берилди;
олтин конларида оксидланган ва аралаш маъданларни ажратиш учун ер қаъридан тўлиқ фойдаланишни таъминлайдиган мезонлар тизими ишлаб чиқилди.
IV. Тадқиқот натижаларининг жорий қилиниши.
Сариботир кони бўйича олинган илмий натижалар асосида:
коннинг геологик-структуравий хусусиятлари таҳлили натижалари “Ўзбек геология қидирув” АЖ амалиётига жорий этилган. (Тоғ-кон саноати ва геология вазирлигининг 2025 йил 24 июндаги 08-1764-сонли маълумотномаси). Натижалар олтин маъданлашувининг жойлашувига таъсир етувчи структуравий, литологик ва эпигенетик омилларни аниқлаш ҳамда коннинг геологик тузилишининг мураккаблик даражасини белгилаш имконини берган;
конни қидириш ва ўзлаштириш маълумотларини таққослаш ҳамда унинг истиқболларини баҳолаш бўйича хулосалар “Ўзбек геология қидирув” АЖ амалиётига жорий етилган. (Тоғ-кон саноати ва геология вазирлигининг 2025 йил 24 июндаги 08-1764-сонли маълумотномаси). Чуқур горизонтларни баҳолашдан олинган натижалар 7а маъдан танасида олтин маъданлашувининг чуқурликка тарқалишини тасдиқлаш орқали захираларнинг ўстиришда ҳисобга олинган;
замонавий талаблар асосида конни қидириш услубиётини такомиллаштириш ва ресурс салоҳиятини баҳолаш бўйича тавсиялар “Ўзбек геология қидирув” АЖ амалиётига жорий этилган. (Тоғ-кон саноати ва геология вазирлигининг 2025 йил 24 июндаги 08-1764-сонли маълумотномаси). Натижада, олтин конларида оксидланган ва аралаш маъданларни ажратиш мезонлари ишлаб чиқилган.