Юсупов Шерзод Алишеровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Пахта териш аппарати вертикал шпинделлари харакат юритмасини кўп понали тасма ўрнатиш орқали такомиллаштириш”, 05.07.01 - Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: В2025.4.PhD/Т4508
Илмий раҳбар: Абдиллаев Тулеген, техника фанлари номзоди, доцент.
Диссертация бажарилган муассаса номи: “Тошкент ирригация ва қишлоқ хўжалигини механизациялаш муҳандислари институти” Миллий тадқиқот университети
ИК фаолият кўрсатаётган муассаса номи, ИК рақами: “Тошкент ирригация ва қишлоқ хўжалигини механизациялаш муҳандислари институти” Миллий тадқиқот университети, DSc.03/30.12.2019.Т.10.01
Расмий оппонентлар: Ризаев Анвар Абдуллаевич, техника фанлари доктори, профессор; Қодиралиев Акбаржон, техника фанлари бўйича фалсафа доктори.
        Етакчи ташкилот: Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалиги техникаси ва технологияларини сертификатлаш ва синаш маркази. 
        Диссертация йўналиши: назарий ва амалий аҳамиятга молик.
II. Тадқиқотнинг мақсади: вертикал шпинделли пахта териш машинасида пахтани сифатли териб олиш учун кўп понали фриксион тасма асосида шпинделларнинг юритма параметрларини асослаш ва ишлаб чиқаришга тавсиялар беришдан иборат.
III. Тадқиқотнинг илмий янгилиги: 
вертикал шпинделли пахта териш машинаси терим аппарати шпинделларининг ҳаракат юритмаси конструкцияси кўп понали тасма ўрнатиш орқали такомиллаштирилган ва уларнинг айланиш барқарорлиги таъминланган; 
тортиш кучи катта ва нисбатан эгилувчанлиги юқори боʻлган коʻп понали фриксион тасма учун вертикал шпиндел ҳаракат ғалтагининг янги конструкцияси ишлаб чиқилган ва уларнинг равон ишлаши асосланган;
пахта териш аппаратининг териш ва  ажратиш зоналарида шпинделларни реверсли айланма ҳаракатларини таъминлайдиган кўп понали қўзғалмас тасма ҳамда ғилдиракдан иборат янги планетар механизми ва унинг стабилизаторлари конструксияси яратилган;
вертикал шпиндел ҳаракат механизмидаги унинг стабилизаторлари ва шпиндел ғалтагининг кинематик ва динамик параметрлари шпинделларнинг барқарор айланиш шартидан асосланган. 
 IV. Тадқиқот натижаларининг жорий қилиниши: Пахта териш аппарати вертикал шпинделлари ҳаракат юритмасини кўп понали тасма ўрнатиш орқали такомиллаштириш бўйича бажарилган тадқиқотлар натижалари асосида: 
вертикал шпинделни айлантирадиган фриксион юритмага Ўзбекистон Республикаси Адлия вазирлиги Интеллектуал мулк марказининг ихтирога ИАП 7636 ва ИАП 7723 рақамли патентлар олинган (Қишлоқ хўжалиги вазирлигининг 2024-йил 
31-январдаги 06/22-05/553-сон маълумотномаси). Натижада пахта териш аппаратидаги фриксион юритма конструктив схемасини ишлаб чиқиш ва фриксион юритма иш кўрсаткичлари ошириш имкони яратилган;
вертикал шпинделли пахта териш машинаси шпинделлари учун такомиллаштирилган фриксион юритмасининг синовлари “Қишлоқ хўжалиги машинасозлиги конструкторлик технологик маркази” МЧЖда синовдан ўтказилиб, амалиётда жорий этилган (Қишлоқ хўжалиги вазирлигининг 2024-йил 31-январдаги 06/22-05/553-сон маълумотномаси). Натижада мавжуд учта понасимон тасмалар билан кенглиги уларга нисбатан анча оз бўлган кўп понали тасмалар бир хил тарангликда ўрнатилганида, кўп понали тасманинг ишқаланиш кучи 30 % га ошганлиги аниқланган.
вертикал шпинделли пахта териш машинасининг шпинделлари учун такомиллаштирилган фриксион юритмасининг технологик жараёнлари бажарилишининг сифат кўрсаткичларини баҳолашга дастлабки талаблар ва қурилма конструксиясини лойиҳалашга техник топшириқ ишлаб чиқилган (Қишлоқ хўжалиги вазирлигининг 2024-йил 31-январдаги 06/22-05/553-сон маълумотномаси). Натижада фриксион юритма параметрлари асосланиб, шпиндел ғалтаги конструксиясини саноат усулида ишлаб чиқариш имкони яратилган.