Гуломов Лазиз Худойбердиевичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Тупроқни полиз экинлари экиш учун тайёрлаш билан бирга плёнка ётқизадиган машина юмшаткичлари параметрларини асослаш” 05.07.01 - Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: B2025.2.PhD/Т5723
Илмий раҳбар: Маматов Фармон Муртозевич, техника фанлари доктори, профессор. 
Диссертация бажарилган муассаса номи: Қарши давлат техника университети, 
ИК фаолият кўрсатаётган муассаса номи, ИК рақами: Қарши давлат техника университети, PhD.03/30.06.2020.Т.111.02. 
Расмий оппонентлар: Мусурмонов Аззам Турдиевич, техника фанлари доктори, профессор; Товашов Рустам Хўжахмат ўғли, техника фанлари бўйича фалсафа доктори, доцент 
Етакчи ташкилот: Бухоро давлат техника университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади лалми ерларга плёнка остида полиз экинлари экиш учун тупроқни экишга тайёрлашда меҳнат унумдорлигини ошириш ва энергия-ресурстежамкорликни таъминлайдиган машинанинг тупроққа ағдаргичсиз ишлов берадиган ишчи қисмини ишлаб чиқишдан иборат.
III. Тадқиқотнинг илмий янгилиги: 
юқори ва пастки юмшаткичлар билан жиҳозланган ҳар хил баландликдаги четки ва ўрта чуқурюмшаткичлардан ташкил топган машина ишчи қисмининг конструксияси полиз экинлари экиладиган йўлакни талаблар даражасида юмшатишини эътиборга олган ҳолда ишлаб чиқилган;
четки ва ўрта чуқурюмшаткичларнинг юқори юмшаткичлари параметрлари 12 см гача юқори қатлам тупроғини сифатли юмшатилишини ҳисобга олган ҳолда асосланган; 
четки чуқурюмшаткичлар пастки юмшаткичининг параметрлари ҳайдов остидаги ўркачлар баландлиги агротехник талабларда белгиланган баландликдан катта бўлмаслигини ҳисобга олган ҳолда асосланган; 
ҳар хил баландликдаги четки ва ўрта чуқуюмшаткичлар орасидаги кўндаланг ва бўйлама масофалар уларни тупроқ билан таъсирлашиш зоналари ва палахсаларни сифатли юмшатилишини ҳисобга олган ҳолда асосланган. 
IV. Тадқиқот натижаларининг жорий қилиниши: 
Тупроқни полиз экинлари экиш учун тайёрлаш билан бирга плёнка ётқизадиган машинанинг тупроққа ағдаргичсиз ишлов берадиган ишчи қисмининг параметрларини асослаш бўйича олинган натижалар асосида:
полиз экинлари экиш учун тупроққа ишлов бериш қуролига Россия Федерациясининг интеллектуал мулк бўйича Федерал хизматининг фойдали моделга патенти олинган (“Почвообрабатываюшее орудие для бахчеводства”, патент РУ 205451-2021 й.). Натижада плёнка ётқизиладиган йўлакка ишлов берадиган ва уни экишга тайёрлайдиган машинанинг конструксиясини ишлаб чиқиш имкони яратилган;
плёнка остига полиз экинларини экиш учун тупроқни экишга тайёрлаш билан бирга плёнка ётқизадиган машинага дастлабки талаблар ва техник топшириқ тасдиқланган (Қишлоқ хўжалиги вазирлигининг 2025-йил 9-июлдаги 05/04-04-363-сон маълумотномаси). Натижада, плёнка остига полиз экинларини экиш учун тупроқни агротехник талаблар даражасида тайёрлаш билан бирга плёнка ётқизишни амалга оширадиган юқори иш сифатли машинанинг конструксиясини ишлаб чиқиш имконияти яратилган;
плёнка остига полиз экинларини экиш учун тупроқни экишга тайёрлаш билан бирга плёнка ётқизадиган машинани ишлаб чиқаришни ўзлаштириш учун лойиҳа-конструкторлик ҳужжатлари (дастлабки талаблар, техник топшириқ, техникавий шартлар ва чизмалар) “БМКБ-Агромаш” АЖ да лойиҳалаш жараёнига жорий этилган (Қишлоқ хўжалиги вазирлигининг 2025-йил 9-июлдаги         05/04-04-363-сон маълумотномаси). Натижада асосланган параметрларга эга бўлган плёнка остига полиз экинларини экиш учун тупроқни экишга тайёрлаш билан бирга плёнка ётқизадиган машинанинг саноат нусхаларини ишлаб чиқариш имкони яратилган.
плёнка остига полиз экинларини экиш учун тупроқни экишга тайёрлаш билан бирга плёнка ётқизиш учун машина Ўзбекистон Республикаси қишлоқ хўжалиги вазирлиги тасарруфидаги фермер хўжаликларида, жумладан Қашқадарё вилояти Қамаши ва Кўкдала тумани фермер хўжаликларида жорий этилган (Қишлоқ хўжалиги вазирлигининг 2025-йил 9-июлдаги 05/04-04-363-сон маълумотномаси). Натижада плёнка остига полиз экинларини экиш учун тупроқни экишга тайёрлаш билан бирга плёнка ётқизишда ёнилғи сарфи 31,88 фоизга ва фойдаланишдаги харажатлар эса 28,79 фоизга камайган