Bakhramov Jasurbek Abduvali o‘g‘lining
falsafa doktori (PhD) dissertatsiyasi himoyasi haqidagi e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Issiqlik tarqalish tenglamasi uchun suboptimal boshqaruv sintezi”, 01.01.02 – Differensial tenglamalar va matematik fizika (fizika-matematika fanlari). 
Dissertatsiya mavzusi ro‘yxatga olingan raqam: № B2020.2.PhD/FM458
Dissertatsiya bajarilgan muassasa nomi: V.I.Romanovskiy nomidagi Matematika instituti.
IK faoliyat ko‘rsatayotgan muassasa nomi, IK raqami: V.I.Romanovskiy nomidagi Matematika instituti huzuridagi DSc.02/30.12.2019.FM.86.01 raqamli Ilmiy kengash.
Ilmiy rahbar: Azamov Abdulla Azamovich, fizika-matematika fanlari doktori, akademik.
Rasmiy opponentlar: Durdiev Durdimurod Qalandarovich, fizika-matematika fanlari doktori, professor; Ruziboev Marks Botirboevich, fizika-matematika fanlari doktori.
Yetakchi tashkilot: O‘zbekiston milliy universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi bir o‘lchovli issiqlik o‘tkazuvchanlik tenglamasi uchun vaqt bo‘yicha optimal boshqaruv masalasini echish va suboptimal boshqaruvlarni sintez qilishning konstruktiv usullarini ishlab chiqishdan iborat.
III. Tadqiqotning ilmiy yangiligi quyidagilardan iborat:
issiqlik tarqalish tenglamasida Fure metodi yordamida hadlarni guruhlash orqali cheksiz bir o‘lchovli sistemani 2 o‘lchovli masalaga olib kelingan va optimal boshqaruv qurilgan; 
issiqlik tarqalish tenglamasida Fure metodi yordamida boshqaruv funksiyasiga qo‘yilgan chegaralanishda (1,2) va (1,3) hadlar hamda ularga karrali hadlarni guruhlash orqali optimal o‘tkazish vaqti topilgan va boshqaruv funksiyasi qurilgan; 
sterjenda issiqlik tarqalish tenglamasida Fure usuli yordamida boshqaruv funksiyasiga qo‘yilgan chegaralanishda (1,2,3) had va unga karrali hadlarni olib 3 o‘lchamli boshqaruv masalasiga keltirilgan hamda uning uchun suboptimal boshqaruv masalasi qaralgan. 
IV. Tadqiqot natijalarining joriy qilinishi. Sterjenda issiqlik o‘tkazuvchanlik tenglamasi uchun Fure yoyilmasi yordamida suboptimal boshqaruv sintezini qurish bo‘yicha olingan natijalar asosida:
bir o‘lchovli issiqlik o‘tkazuvchanlik tenglamasi uchun tezkorlik masalasida suboptimal boshqaruv funksiyasining sintezi bo‘yicha olingan natijalardan MRU-OT-1/2017 raqamli “Noklassik differensial va operator-differensial tenglamalar uchun nolokal chegaraviy va teskari masalalar” mavzusidagi fundamental  loyihada  noklassik operator-differensial tenglamalar uchun teskari masalalarni echishda foydalanilgan (O‘zbekiston milliy universitetining 2022-yil 1-iyuldagi №04/11-3913 raqamli ma’lumotnomasi). Ilmiy natijalarni qo‘llanilishi loyiha doirasida ishlab chiqilgan metodlar erishiladigan to‘plamlarning geometrik xossalarini o‘rganishda va suboptimal boshqaruvlarni aniq konstruksiyada qurish imkonini bergan;
bir o‘lchovli issiqlik o‘tkazuvchanlik tenglamasi uchun suboptimal boshqaruvlarni sintez qilishning Fure yoyilmasidagi hadlarni guruhlashga asoslangan yangi konstruktiv yondashuvidan 01-01-17-1921FR raqamli “Evklid metrikali ko‘pxilliklarda ko‘p ta’qib etuvchilar ishtirokidagi quvish va qochish differensial o‘yinlarini echishning yangi usuli” mavzusidagi xorijiy loyihada ko‘pxilliklarda bir nechta quvuvchilar qatnashgan differensial o‘yinlarni echishda  tadbiq etilgan (Malayziyaning Putra universitetining 2020-yil 2-dekabrdagi ma’lumotnomasi). Ilmiy natijani qo‘llanilishi konstruktiv metodlar quvish-qochish masalalarida Evklid metrikali ko‘pxilliklarda adekvat matematik modelini yaratish imkonini bergan.