Нуралиев Ойбек Улуғбек ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Иккиламчи техноген хом ашёларни металлургияда қайта ишлашга тайёрлашда тикланиш жараёнларини тадқиқоти”, 05.02.01 – Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси. Камёб, нодир ва радиоактив элементлар технологияси (қуймачилик ва металларга ишлов бериш йўналиши) (техника фанлари).
Диссертация мавзуси рўйхатга олинган рақам: В2024.2.PhD/Т4660
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Тошкент давлат техника университети хузуридаги DSc.03/30.12.2019.Т.03.04. рақамли Илмий Кенгаш.
Илмий раҳбар: Бердияров Баҳриддин Тиловқабулович, техника фанлари доктори, профессор.
Расмий оппонентлар: техника фанлари доктори, профессор Дуняшин Никалай Сергеевич, техника фанлари доктори, доцент Пармонов Сарвар Тошпўлатович                                                      
Етакчи ташкилот: “Миллий технологик тадқиқотлар университети “МИСиС”нинг Олмалиқ шаҳридаги филиали.
Диссертация йўналиши: назарий ва амалий аҳамиятга молик.
II. Тадқиқотнинг мақсади Иккиламчи техноген хом ашёларни металлургияда қайта ишлашга тайёрлашда тикланиш жараёнларини такомиллаштиришдан иборат.
III. Тадқиқотнинг илмий янгилиги:
қувур айланмали печда қайта ишланадиган пўлат ишлаб чиқаришда ҳосил бўладиган окалиналарни иккиламчи автомобил шиналари билан қайта ишлаш технологияси металлашган гранулаларинг ҳосил бўлиш ҳарорати ва охакнинг реакцияга киришиш шартлари асосида ишлаб чиқилган;
иккиламчи автомобил шиналари ёрдамида пўлат ишлаб чиқаришда ҳосил бўладиган окалиналарни қайта ишлаш жараёни ва окалина таркибидаги темир оксидларини тиклаш технологияси, окалина таркибидаги олтингугуртнинг кимёвий хоссаларининг ҳароратга боғлиқлик даражаси асосида ишлаб чиқилган;
пўлат ишлаб чиқаришда ҳосил бўладиган окалинани иккиламчи автомобил шиналари билан тиклаш технологияси жараён учун харажатларнинг ўзгариш динамикаси асосида ишлаб чиқилган ;
окалиналарни автомобил шиналари ёрдамида тикланиш жараёнларидан кейин ҳосил бўлган металлашган гранулаларнинг магнитга тортилиш хоссалари асосида ажратиб олиш усули ишлаб чиқилган;
окалина таркибидаги темир оксидларини автомобил шиналари ёрдамида тикланиш босқичларини оптимал ҳароратини аниқлашда термодинамик қонуниятларни жараёнга таъсирини белгилаш орқали ишлаб чиқилган. 
IV. Тадқиқот натижаларининг жорий қилиниши. Иккиламчи техноген хом ашёларни металлургияда қайта ишлашга тайёрлашда тикланиш жараёнларини ўрганиш бўйича олинган илмий натижалар асосида:
Қувур айланмали печда қайта ишланадиган пўлат ишлаб чиқаришда ҳосил бўладиган окалиналарни иккиламчи автомабил шиналари билан қайта ишлаш технологияси “ОКМК” АЖ нинг Марказий механика таъмирлаш заводининг қуйиш цехида жорий қилинган. (“ОКМК” АЖ нинг 4-ноябр 2024-йилдаги № СЛ-001075 сонли маълумотномаси). Бунинг натижасида окалиналарни қайта ишлаш натижасида 91% гача металлашган гранулалар олишга эришилган.
Иккиламчи автомабил шиналари ёрдамида пўлат ишлаб чиқаришда ҳосил бўладиган окалиналарни қайта ишлаш жараёни қувур айланма печларида окалина таркибидаги темир оксидларини тиклаш технологияси Марказий механика таъмирлаш заводининг қуйиш цехида жорий қилинган.. (“ОКМК” АЖ нинг 4-ноябр 2024-йилдаги № СЛ-001075 сонли маълумотномаси).. Жорий қилиш натижасида окалина таркибидаги олтингугуртни 0.12 % камайтиришга эришилган;
Пўлат ишлаб чиқаришда ҳосил бўладиган окалинани иккиламчи автомабил шиналари билан қайта ишлаш жараёнида қувур айланмали печга шихта массасига нисбатан 15,4 % автомабил шина чиқиндилари қўшиб тиклаш технологияси  “ОКМК” АЖ нинг Марказий механика таъмирлаш заводининг қуйиш цехида жорий қилинган. (“ОКМК” АЖ нинг 4-ноябр 2024-йилдаги №  СЛ-001075- сонли маълумотномаси). Натижада темир таркибли окалинани қайта ишлаш ҳаражатларини 20% га камайтиришга эришилган.