Мирзаев Аваз Эгамбердиевичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Сплайн-функциялар асосида сигналларни рақамли ишлаш алгоритмларни самарадорлигини ошириш», 05.01.04–Хисоблаш машиналари, мажмуалари ва компьютер тармоқларининг математик ва дастурий таъминоти (техника фанлари).

Диссертация мавзуси рўйхатга олинган рақам: B2019.1.PhD/T970.

Илмий раҳбар: Зайнидинов Хакимжон  Насиридинович, техника фанлари доктори.

Диссертация бажарилган муассаса номи: Тошкент ахборот технологиялари университети.

ИК фаолият кўрсатаётган муассаса (муассасалар) номи, ИК рақами: Тошкент ахборот технологиялари университети, DSc.27.06.2017.Т.07.01.

Расмий оппонентлар: Мухамедиева Дилноз Тулкуновна, техника фанлари доктори профессор; Қаххоров Аълохон Аброрович, техника фанлари номзоди, доцент.

Етакчи ташкилот: Тошкент темир йўл муҳандислари институти.

Диссертация йўналиши: назарий ва амалий аҳамиятга молик.

II. Тадқиқотнинг мақсади: кубик ва бикубик сплайнлар ёрдамида функционал боғланишларни рақамли ишлаш алгоритмларининг самарадорлигини ошириш усулларини яратиш ва дастурий таъминотини ишлаб чиқишдан иборат.

III. Тадқиқотнинг илмий янгилиги:

функциялар ва тажрибадан олинган функционал боғланишларни  яқинлаштириш усулларини тадқиқ қилиш натижасида танлаб олинган сигналлар синфи учун сплайн-функциялар усули аналитик таҳлил натижаси асосида такомиллаштирилган; 

автомобиль қисмларини синаш жараёнидан олинган сигналларни рақамли ишлашга мўлжалланган параллел алгоритмлар  ишлаб чиқилган;

кубик ва бикубик базисли сплайнлар асосида вибро сигналларни кўп ядроли процессорларда рақамли ишлашга мўлжалланган самарадор алгоритмлари  яратилган;

бир ва икки ўлчовли функционал боғланишларни сплайнлар ёрдамида рақамли ишлаш жараёнларини моделлаштириш учун дастурий таъминот тузилмаси ишлаб  чиқилган.

IV. Тадқиқот натижаларининг жорий қилиниши.

кубик ва бикубик базис сплайнлар ёрдамида функционал боғланишларни рақамли ишлаш жараёнларининг самарадорлигини ошириш алгоритмлари ва дастурий таъминотини ишлаб чиқиш бўйича олинган натижалар асосида:

сплайн-усуллар асосида маълумотларни рақамли ишлаш ва силлиқлаш алгоритми  «GM-Uzbekistan» акциядорлик компаниясида жорий қилинган (Ахборот технологиялари ва коммуникацияларини ривожлантириш вазирлигининг 2018 йил 6 декабрдаги 33-8/9165-сон маълумотномаси). Натижада яратилган алгоритм ва  тизим ҳисоблашларга кетадиган вақтни 12%га,  натижаларни ҳужжатлаштириш вақтини 26%га ва хатоликларни 7–15%га қисқартиш, ишлаб чиқариш самарадорлигини 40–45%га ошириш имконини берган;

сейсмик сигналларни сплайн усулида  таҳлил қилиш  ва рақамли ишлашга мўлжалланган, қурилмаларнинг ишлаш жараёнида сейсмик тебранишларни назорат қилиш учун ишлаб чиқилган алгоритм «GM-Uzbekistan» акциядорлик компаниясида жорий этилган (Ахборот технологиялари ва коммуникацияларини ривожлантириш вазирлигининг 2018 йил 6 декабрдаги 33-8/9165-сон маълумотномаси). Натижада ҳисоблашларга сарфланадиган вақт 14%га, натижаларни ҳужжатлаштириш вақтини  25%га қисқартириш имконини берган;

автомобиль қисмларини синаш жараёнидан олинган вибро сигналларни кубик ва бикубик базисли сплайнлар усулда рақамли ишлаш учун мўлжалланган алгоритм «UMID UCHKUNI AUTO» масъулияти чекланган жамиятига жорий қилинган (Ахборот технологиялари ва коммуникацияларини ривожлантириш вазирлигининг 2018 йил 6 декабрдаги 33-8/9165-сон маълумотномаси). Натижасида автомобил қисмларидаги носозликларни аниқлаш 15%га ошириш, дастурий таъминот ҳисоблаш жараёнлари 4-5 баробарга камайтириш имконини берган;

кубик ва бикубик базисли сплайнлар асосида вибро сигналларни  кўп ядроли процессорларда рақамли ишлашга мўлжалланган самарадор алгоритм «TOP TRANSPORT TASHKENT» масъулияти чекланган жамиятига жорий қилинган (Ахборот технологиялари ва коммуникацияларини ривожлантириш вазирлигининг 2018 йил 6 декабрдаги 33-8/9165-сон маълумотномаси). Натижада автомобиль қисмларидаги носозликларини топиш аниқлигини 18%га ошириш, натижалар аниқлиги 15%га ошириш, дастурий таъминот ҳисоблаш жараёнларига сарфланадиган вақт 2–4 баробарга камайтириш имконини берган.