Казаков Умрбек Аллабергановичнинг
фалсафа доктори (PhD) диссертация ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): «Маҳаллий хомашёлар асосида вулканлаш жараёни тезлаштиргичлари ва уларни қўллаб эластомер композициялари яратиш», 02.00.14 - Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: В2025.1.PhD/Т5246.
Илмий раҳбар: Икрамов Абдувахоб Икрамович, техника фанлари доктори, профессор.
Диссертация бажарилган муассаса номи: Тошкент кимё-технология институти.
ИК фаолият кўрсатаётган муассаса номи, ИК рақами: Тошкент кимё-технология институти, DSc.03/30.12.2019.Т.04.01.
Расмий оппонентлар: Тешабаева Элмира Убайдуллаевна, техника фанлари доктори, профессор; Вафаев Хусниддин Мирзоевич, техника фанлари доктори, профессор.
Етакчи ташкилот: Тошкент давлат техника университети «Фан ва тараққиёт» ДМ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: маҳаллий хомашёлар асосида ҳар хил структурали эластомер композицияларни вулканланиш жараёни учун тезлаштиргичлар яратиш ва уларни қўллаб резинатехника буюмлари олиш таркиби ва технологияларини ишлаб чиқишдан иборат.
III. Тадқиқотнинг илмий янгилиги:
формальдегид, кротон фракцияси ва тиомочевина ҳамда мочевиналар асосида эластомерларни вулканлаш жараёни тезлаштиргичларини олиш кўрсатгичлари ва технологияси ишлаб чиқилган; 
формальдегид, кротон фракцияси ва тиомочевина ҳамда мочевиналар асосида олинган эластомерларни вулканлаш жараёни тезлаштиргичларини физик-кимёвий хоссалари ва структураси асосида эластомерлар ва уларнинг композицияларида ишлатиш мумкинлиги илмий асосланган; 
яратилган вулканлаш жараёни тезлаштиргичларини эластомер композицияларида ишлатилувчи бошқа ингредиентлар билан аралишиши ва уларни миқдорини эластомер композициялари структурасига, вулканланиш кинетикасига, гистерезис, физик-механик, динамик, махсус ва эксплуатaцион хоссаларига таъсири аниқланган; 
яратилган вулканлаш жараёни тезлаштиргичларини қўллаб органоминерал композициялар ва резинатехника буюмлари олиш таркиби ва технологиялари ишлаб чиқилган. 
IV. Тадқиқот натижаларининг жорий қилиниши: Резинотехника буюмлари вулқонлаш жараёнини тартибли тезлаштирувчи, физик-механик, динамик ва структуравий хоссалари олдиндан белгиланган талаблар асосида шакллантирувчи тезлаштиргичлар яратиш бўйича олинган илмий натижалар асосида:
барқарор сифат ва саноат стандартларига мос эластомерларни вулқонлаш жараёни тезлаштиргичларини ишлаб чиқариш технологияси «Ўзкимёсаноат» АЖнинг «2026-2028 йилларда амалиётга жорий этиш бўйича истиқболли ишланмалари рўйхати»га киртилган («BIRINCHI REZINOTEXNIKA ZAVODI» МЧЖ ХКнинг 2025 йил 8 апрелдаги 08/1-221-сон маълумотномаси). Натижада, махаллий хомашёлар асосида эластомерларни вулканловчи тезлатгичлар олиш имконини беради; 
формалдегид ва тиомочевина асосида олинган эластомерларни вулқонлаш жараёни тезлаштиргичларини қўллаб органоминерал композициялар ва резинотехник буюмлари олиш таркиби ва ишлаб чиқариш технологияси «Ўзкимёсаноат» АЖнинг «2026-2028 йилларда амалиётга жорий этиш бўйича истиқболли ишланмалари рўйхати»га киртилган («BIRINCHI REZINOTEXNIKA ZAVODI» МЧЖ ХКнинг 2025 йил 8 апрелдаги 08/1-221-сон маълумотномаси). Натижада, махаллий хомашёлар асосида олинган вулканловчи тезлатгичларни қўллаб эластомер композициялари ишлаб чиқариш имконини беради.