Ibragimov Farxod Xayrulloevichning

falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.

Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Paxta tozalash mashinalari uchun arralararo qistirmalarning yangi konstruksiyasini ishlab chiqish va uning parametrlarini asoslash», 05.02.03–Texnologik mashinalar. Robotlar, mexatronika va robototexnika tizimlari (texnika fanlari).

Dissertatsiya mavzusi ro‘yxatga olingan raqam: B2018.4.PhD/T621.

Ilmiy rahbar: Muxammadiev Davlat Mustafoevich, texnika fanlari doktori, dotsent.

Dissertatsiya bajarilgan muassasa nomi: Mexanika va inshootlar seysmik mustahkamligi instituti.

IK faoliyat ko‘rsatayotgan muassasa (muassasalar) nomi, IK raqami: Toshkent to‘qimachilik va engil sanoat instituti, DSc.27.06.2017.T.08.01.

Rasmiy opponentlar: Usmankulov Alisher Kadirkulovich, texnika fanlari doktori, dotsent; Abdugaffarov Xusniddin Jurabekovich, texnika fanlari bo‘yicha falsafa doktori (PhD).

Yetakchi tashkilot: Namangan muhandislik-texnologiya instituti.

Dissertatsiya yo‘nalishi: amaliy ahamiyatga molik.

II. Tadqiqotning maqsadi: arrali jinning ish unumdorligini oshirish maqsadida arralararo qistirmalarning yangi resurstejamkor konstruksiyasini yaratish va parametrlarini asoslashdan iborat.

III. Tadqiqotning ilmiy yangiligi:

arrali jin uchun resurs- va energiyatejamkor arralararo qistirmalarning konstruksiyasi ishlab chiqilgan;

arrali jin qistirmalar geometriyasi va massasi hamda tayyorlanadigan materiallari hisobga olingan holda radial tebranishlar o‘zgarishining bog‘lanishlari ishlab chiqilgan;

arralararo qistirma siqilish kuchining va arra silindri vali burilish burchagining maksimal qiymatlari umumlashgan va yoyilgan kuchlarni hisobga olgan holda aniqlangan;

jinning arralararo qistirmalari harakatining o‘zgarish bog‘lanishlari ishlab chiqilgan, arrali silindrning texnologik qarshiliklarini hisobga olgan holda aylanishning kritik chastotasi aniqlangan.

IV. Tadqiqot natijalarining joriy qilinishi.

Jin arralararo qistirmasining takomillashtirilgan konstruksiyasini ishlab chiqish bo‘yicha olingan natijalari asosida:

paxta tozalash mashinalari uchun arralararo qistirmaning yangi konstruksiyasi bo‘yicha Intellektual mulk agentligining foydali modelga patenti olingan  (“Paxta tozalash mashinalari uchun arralararo qistirma”, №FAP 01182-2017 y.). Natijada radial tebranish amplitudasini 4,5 martaga, siqish kuchini 2 martaga kamaytirish imkoni yaratilgan;

tolani chigitdan ajratish mashinalari uchun arralararo qistirmalarga Intellektual mulk agentligining foydali modelga patenti olingan  («Paxta tozalash mashinalari uchun arrali silindr», №FAP 00786-2012y). Natijada arrali silindrning arralararo qistirmalari resurstejamkorligini hamda ishlash muddatini ikki barobarga oshirish  imkoniyati yaratilgan;

jin arralararo qistirmaning yangi konstruksiyasi «O‘zpaxtasanoat» AJ tizimiga kiruvchi korxonalarda, xususan «Qorasuv paxta tozalash» hamda «Bo‘ka paxta tozalash» korxonalariga joriy qilingan («O‘zpaxtasanoat» AJning  2018 yil 5 iyuldagi 02-29/4573-son ma’lumotnomasi). Natijada arrali silindrning energiya sarfini 7,1%ga kamaytirish va arralararo qistirmaning resurtejamkorligini 46,5%ga oshishiga imkon yaratilgan.