Эшмуратов Зайниддин Норбоевичнинг 
фалсафа доктори (PhD) диссертация ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): «Silybum marianum L. асосида гепатопротектор биофаол қўшимча таркибини танлаш ва технологиясини ишлаб чиқиш», 15.00.01 - Дори технологияси (фармацевтика фанлари).
Диссертация мавзуси рўйхатга олинган рақам: В2023.2.PhD/Far106.
Илмий раҳбарлар: Камилов Хусан Масудович, фармацевтика фанлари доктори, профессор. 
Диссертация бажарилган муассаса номи: Тошкент вакцина ва зардоблар илмий-тадқиқот институти. 
ИК фаолият кўрсатаётган муассаса номи, ИК рақами: Тошкент вакцина ва зардоблар илмий-тадқиқот институти, DSc.04/30.09.2022.Far.134.01.
Расмий оппонентлар: Халилов Равшанжон Муратджанович, техника фанлари доктори, профессор; Зупарова Зулфия Ахрор қизи, фармацевтика фанлари доктори, доцент.
Етакчи ташкилот: Ўзбекистон кимё ва фармацевтика илмий-тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: маҳаллийлаштирилган Silybum marianum L. ўсимлиги уруғи ва қора мурчдан қуруқ экстрактлар  ажратиб олиш ҳамда майдаланган доривор ўсимликлар зарчава, оддий арпабодиён аралашмаси асосида капсула ва фиточой шаклидаги биологик фаол қўшимчалар таркиби ва технологиясини ишлаб чиқишдан иборат. 
III. Тадқиқотнинг илмий янгилиги:
илк бор маҳаллийлаштирилган Silybum marianum L. ўсимлиги уруғи экстракти, майдаланган арпабодиён, зарчава ҳамда қора мурч экстракти  асосида гепатопротектор таъсирга эга биофаол қўшимчанинг илмий асосланган  капсула таркиби ишлаб чиқилган; 
Silybum marianum L. ўсимлиги уруғидан олинган қуруқ экстракт асосида мураккаб таркибли капсуланинг сифат меъёрлари ва технологияси ишлаб чиқилган;
Silybum marianum L. ўсимлиги уруғидан олинган қуруқ экстракт асосида гепатопротектор таъсирга эга мураккаб таркибли капсулани сифат меъёрларини таъминловчи ишлаб чиқариш технологик шароитлари илмий асосланган;
илк бор маҳаллийлаштирилган Silybum marianum L. ўсимлигидан гепатопротектор фаолликга эга бўлган мураккаб таркибли фиточойнинг оптимал таркиби ва технологияси ишлаб чиқилган.
IV. Тадқиқот натижаларининг жорий қилиниши: Гепатопротектор таъсирга эга бўлган ўсимликлардан биологик фаол қўшимча яратиш бўйича олинган натижалар асосида:
«GEPO НИИВС» капсула биологик фаол қўшимчаси учун технологик йўриқнома Ўзбекистон Республикаси Санитария-эпидемиологик осойишталик ва жамоат саломатлиги қўмитаси томонидан тасдиқланган (ТИ 018979371-009:2024). Натижада, капсула шаклидаги биологик фаол қўшимчани саноат миқёсида ишлаб чиқариш имконини берган;
«GEPO НИИВС» фиточой биологик фаол қўшимчаси учун технологик йўриқнома Ўзбекистон Республикаси ССВ ҳузуридаги Санитария-эпидемиологик осойишталик ва жамоат саломатлиги қўмитаси томонидан тасдиқланган (ТИ 018979371-010:2024). Натижада, гепатопротектор таъсирга эга биологик фаол қўшимчалар ассортиментини кенгайтириш имконини берган.