Yusupov Qudratillo Madaminjon o‘g‘lining
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar. Dissertatsiya mavzusi, ixtisoslik shifri (ilmiy daraja beriladigan tarmog‘i nomi): «N-butanol bilan modifikatsiya qilingan melamin formaldegid smolasini olish», 02.00.11 – Kolloid va membrana kimyosi (texnika fanlari).
Dissertatsiya mavzusi ro‘yxatga olingan raqam: B2024.3.PhD/T4827.
Ilmiy rahbar: Erkabaev Furqat Ilyasovich, texnika fanlari doktori, professor.
Dissertatsiya bajarilgan muassasa nomi: Umumiy va noorganik kimyo instituti. 
IK faoliyat ko‘rsatayotgan muassasa nomi, IK raqami: Namangan davlat texnika universiteti, DSc.03/29.08.2023.K/T.66.02.
Rasmiy opponentlar: Anorov Rustamjon Abduraxmonovich, texnika fanlari doktori, professor; Ismailov Ravshan Isroilovich, kimyo fanlari doktori, professor.
Yetakchi tashkilot: Toshkent kimyo-texnologiya instituti.
Dissertatsiya yo‘nalishi: nazariy va amaliy ahamiyatga molik. 
II. Tadqiqotning maqsadi: lak-bo‘yoq mahsulotlari ishlab chiqarishda qo‘llaniladigan n-butanol bilan modifikatsiya qilingan melamin-formal`degid smolasini  olish texnologiyasini yaratishdan iborat.
III. Tadqiqotning ilmiy yangiligi: 
melamin-formaldegid qatronlarini 80-140 minut oralig‘ida 10-60 minut davomida qotishida plyonka hosil qiluvchi tizimning shakllanishi ularning tuzilishi va tarkibini aminokislotalar va ftal angidridi bilan (1:8) modifikatsiyalash bilan bog‘liqligi aniqlanib, bu yuqori qovushqoq va elastik xususiyatlarga ega issiqlikka chidamli qatronlar ishlab chiqarishni ta’minlashi aniqlangan; 
sintez qilingan melamin-formaldegid qatronlarini n-butanolning rezol turidagi oligomerlari bilan 1:8:6 nisbatda modifikatsiyasi barqaror plyonka hosil qiluvchi strukturaning shakllanishini taminlab, bu esa formaldegidning metilol-guruhlari va n-butanolning gidroksil guruhlarining selektiv o‘zaro ta’siriga bog‘liqligi isbotlangan;    
melamin-formaldegid qatronlarini n-butanol bilan bilan 2-6 mol oralig‘ida modifikatsiya qilish darajasi 25-100°S da ularning qovushqoqligining statistik pasayishiga olib kelishi, bu zanjirlararo o‘zaro ta’sirlarni kamaytiradigan va lak- bo‘yoq eritmalarining oquvchanligini yaxshilaydigan butiloksigrouplarning ta’siri bilan bog‘liqligi asoslangan;
melamin-formaldegid qatronlarini n-butanol bilan modifikatsiya qilish darajasining 1:8:2 dan 1:8:6 gacha oshishi bilan tomchining shisha yuzasidagi namlash burchagi 3,5° va metallda 15° ga kamayib, bu qatronlarning qutbliligining ortishi va ularning turli yuzalarga adgeziyasi yaxshilashini isbotlaydi; 
n-butanol bilan modifikatsiyalangan melamin-formaldegid qatronini qo‘llagan holda barqaror bir komponentli bo‘yoq qoplamalarini ta’minlaydigan, adgeziyani 1 balldan yuqori qiymatlarga oshiradigan va quritish vaqtini 24 daqiqagacha qisqartiradigan (30 daqiqaga qarshi) bo‘yoq va lak materiallarini ishlab chiqarish texnologiyasi yaratilgan. 
IV. Tadqiqot natijalarining joriy qilinishi. Melamin formal`degid smolasini sintez qilish va modifikatsiyalash bo‘yicha olingan ilmiy natijalar asosida:
n-butanol bilan modifikatsiya qilingan melamin-formal`degid smolasini olish texnologiyasi “Uz-Dongju Paint Company” qo‘shma korxonasining “2026-2030 yillarda amaliyotga joriy etish bo‘yicha istiqbolli ishlanmalar ro‘yxati”ga kiritilgan (“Uz-Dongju Paint Company” qo‘shma korxonasining 2024 yil 24 iyundagi 06/05-137-sonli ma’lumotnomasi). Natijada, import qilinadigan lak-bo‘yoq mahsulotlarini to‘liq mahalliy ishlab chiqarilgan mahsulot bilan almashtirish iqtisodiy samaradorlikka erishish imkonini beradi; 
modifikatsiyalangan melamin-formal`degid smolasini yuqori sifatli bo‘yoqlar olishda qo‘llash texnologiyasi “Uz-Dongju Paint Company” qo‘shma korxonasining “2026-2030 yillarda amaliyotga joriy etish bo‘yicha istiqbolli ishlanmalar ro‘yxati”ga kiritilgan (“Uz-Dongju Paint Company” qo‘shma korxonasining 2024 yil 24 iyundagi 06/05-137-sonli ma’lumotnomasi). Natijada, chet eldan valyuta evaziga keltiriladigan mahsulotning o‘rnini bosuvchi modifikatsiyalangan melamin-formal`degid smolasini olish imkonini beradi.