Исмайлов Рахат Аминбаевичнинг 
фалсафа доктори (PhD) диссертация ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража берадиган фан тармогʼи номи): “Ҳуқуқни шарҳлашнинг назарий-ҳуқуқий асосларини такомиллаштириш масалалари”, 12.00.01 – “Давлат ва ҳуқуқ назарияси ва тарихи. Ҳуқуқий таълимотлар тарихи” ихтисослиги бўйича (юридик фанлар).
Илмий раҳбар: Утемуратов Махмут Ажимуратович, юридик фанлар номзоди, профессор.
Диссертация бажарилган муассаса номи: Бердақ номидаги Қорақалпоқ Давлат университети
ИК фаолият кўрсатаётган муассаса номи, ИК рақами: Бердақ номидаги Қорақалпоқ Давлат университети PhD.03/30.12.2019.Yu.20.02.
Расмий оппонентлар: Ахмедова Муқаддасхон Турсуновна юридик фанлар доктори, профессор; Бердиёров Шухрат Намозбоевич юридик фанлар доктори, профессор.
Етакчи ташкилот: Ўзбекистон Республикаси Президенти ҳузуридаги Давлат сиёсати ва бошқаруви академияси 
Диссертация йўналиши: назарий ва амалий аҳамиятга молик.
II.Тадқиқотнинг мақсади: Ўзбекистон Республикасида ҳуқуқни шарҳлашнинг назарий-ҳуқуқий асосларини такомиллаштиришга қаратилган таклиф ва тавсиялар ишлаб чиқиш.
III.Тадқиқотнинг илмий янгилиги:
ижтимоий муносабатлардан келиб чиқаётган муаммоларга лойиҳада таклиф этилаётган ечимларнинг шаклан ва мазмунан илмий услубларга мувофиқ ишлаб чиқилганлигини атрофлича баҳолаш лозимлиги асосланган;
лойиҳаларнинг илмий экспертизаси қонунийлик, мустақиллик, холислик ва комплекслик каби асосий принципларни ҳисобга олган ҳолда ўтказилиши зарурлиги асослаб берилган;
лойиҳани илмий экспертизадан ўтказувчи ташкилот лойиҳани инновацион илмий услублар ва ёндашувга асосланган ҳолда илмий экспертизадан ўтказиши лозимлиги асослаб берилган;
лойиҳанинг сифатли илмий экспертизадан ўтказилишини таъминлаш мақсадида зарур ҳолларда илмий экспертизани ўтказиш давомида учинчи шахсларни жалб этиш зарурлиги асослаб берилган.
IV.Тадқиқот натижаларининг жорий қилиниши. Тадқиқот натижаларига кўра қуйидаги таклифлар ишлаб чиқилди ва жорий қилинди: 
ижтимоий муносабатлардан келиб чиқаётган муаммоларга лойиҳада таклиф этилаётган ечимларнинг шаклан ва мазмунан илмий услубларга мувофиқ ишлаб чиқилганлигини атрофлича баҳолашга оид таклифлари Норматив-ҳуқуқий ҳужжатлар лойиҳаларини илмий экспертизадан ўтказиш тартиби тўғрисидаги низомнинг 2-банди биринчи қисми иккинчи хатбошисини ишлаб чиқишда инобатга олинган. (Ўзбекистон Республикаси Бош вазири Котибиятининг Ахборот-таҳлил ва юридик таъминлаш департаментининг 2025-йил 3-апрелдаги 25-сон далолатномаси). Ушбу таклифнинг амалга оширилиши норматив-ҳуқуқий ҳужжатлар бўйича шарҳларга эҳтиёжни камайтиришга хизмат қилган; 
лойиҳаларнинг илмий экспертизаси қонунийлик, мустақиллик, холислик ва комплекслик каби асосий принципларни ҳисобга олган ҳолда ўтказилиши тўғрисидаги таклиф Норматив-ҳуқуқий ҳужжатлар лойиҳаларини илмий экспертизадан ўтказиш тартиби тўғрисидаги низомнинг 3-бандини ишлаб чиқишда ҳисобга олинган (Ўзбекистон Республикаси Бош вазири Котибиятининг Ахборот-таҳлил ва юридик таъминлаш департаментининг 2025-йил 3-апрелдаги 25-сон далолатномаси). Ушбу таклифнинг амалга оширилиши зарур принципларнинг ҳуқуқни шарҳлаш фаолиятига кириб келишига хизмат қилган;
лойиҳани илмий экспертизадан ўтказувчи ташкилот лойиҳани инновацион илмий услублар ва ёндашувга асосланган ҳолда илмий экспертизадан ўтказиши лозимлиги тўғрисидаги таклиф Норматив-ҳуқуқий ҳужжатлар лойиҳаларини илмий экспертизадан ўтказиш тартиби тўғрисидаги низомнинг 13-бандини ишлаб чиқишда ишлаб чиқишда фойдаланилган (Ўзбекистон Республикаси Бош вазири Котибиятининг Ахборот-таҳлил ва юридик таъминлаш департаментининг 2025-йил 3-апрелдаги 25-сон далолатномаси). Ушбу таклифнинг амалга оширилиши ҳуқуқни шарҳлаш жараёнини назарий  ва илмий жиҳатдан асослашга хизмат қилади.
лойиҳанинг сифатли илмий экспертизадан ўтказилишини таъминлаш мақсадида зарур ҳолларда илмий экспертизани ўтказиш давомида учинчи шахсларни жалб этиш тўғрисидаги таклифлари Норматив-ҳуқуқий ҳужжатлар лойиҳаларини илмий экспертизадан ўтказиш тартиби тўғрисидаги низомнинг 14-бандини шакллантиришда эътиборга олинган (Ўзбекистон Республикаcи Бош вазири Котибиятининг Ахборот-таҳлил ва юридик таъминлаш департаментининг 2025-йил 3-апрелдаги 25-сон далолатномаси). Ушбу таклифнинг амалга оширилиши ҳуқуқни шарҳлаш жараёнига кенг халқ оммасини жалб қилишга хизмат қилган.