Шамуратова Барно Ювбасаровнанинг 
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтиссослик шифри (илмий даража бериладиган фан тармоғи): “Мутафаккирларнинг  ижтимоий-фалсафий қарашлари асосида ёшларда соғлом турмуш тарзи кўникмаларини ривожлантириш методикаси (Ар Розий ва Ибн Синонинг илмий-фалсафий мероси асосида)”, 13.00.02-Таълим ва тарбия назарияси ва методикаси (педагогика фанлари).
Диссертация мавзуси рўйхатга олинган рақам: B2024.2.PhD/Ped4935
Илмий тадқиқот иши бажарилган муассаса номи: Урганч давлат университети.
Илмий раҳбар: Хажиева Мақсуда Султановна, педагогика фанлари доктори (DSc), профессор.
ИК фаолият кўрсатаётган муассаса (муассасалар) номи, ИК рақами: Чирчиқ давлат педагогика университети, DSc.03/30.04.2021.Ped.82.01.
Расмий оппонентлар: Хурвалиева Тармиза Латиповна, педагогика фанлари доктори (DSc), профессор; Абдуллаева Шахзода Абдуллаевна; педагогика фанлари доктори, профессор.
Етакчи ташкилот: Гулистон давлат университети.
Диссертация йўналиши: назарий ва амалий аҳамиятга молик.
II.Тадқиқотнинг мақсади ёшларда соғлом турмуш тарзи ва маънавий тарбия кўникмаларини ривожлантиришда Ар-Розий ва Ибн Синонинг ижтимоий-фалсафий қарашларидан фойдаланиш методикасини такомиллаштириш бўйича таклиф ва тавсиялар ишлаб чиқишдан иборат. 
III. Тадқиқотнинг илмий янгилиги қуйидагилардан иборат:
ёшларда соғлом турмуш тарзи кўникмаларини ривожлантиришнинг педагогик имкониятлари Ар-Розий ва Ибн Синонинг ёшларда соғлом турмуш тарзи ва маънавий тарбия кўникмаларини ривожлантириш борасидаги қарашларининг фалсафий ҳамда педагогик жиҳатларини таҳлилий ўрганиш ва доминант илмий мулоҳазаларни ретроспектив таҳлил усулида назарий тавсифлаш асосида аниқлаштирилган;
ёшларда соғлом турмуш тарзи кўникмаларини ривожлантириш методикаси Ар-Розий ва Ибн Синонинг маʼнавий-ахлоқий ва фалсафий-педагогик қарашларининг метакогнитив, мултиперспектив ва синергетик омилларни касбий фаолиятга татбиқ этишнинг таъсирчан механизмларини кун талаблари ракурсида аниқлаш ҳамда ўқитишнинг методик компонентларига когнитив ва прагматик ёндашувларга мувофиқ интеграциялш асосида такомиллаштирилган;
ёшларда соғлом турмуш тарзи кўникмаларини ривожлантириш жараёни Ар-Розий ва Ибн Синонинг инсон саломатлигини таъминлаш ва маънавиятини тарбиялш борасидаги фалсафий-педагогик қарашларини оғзаки ва ёзма рефлекция, аргументация, мобилизация методларини  таʼлим жараёнига татбиқ этиш ва назарий билимларни таълим олувчиларнинг ривожланиш векторига мувофиқ қўллашнинг эргономик талабларини моделаштириш асосида такомиллштирилган;
ёшларда соғлом турмуш тарзи кўникмаларини ривожлантириш самарадорлиги таълим олувчиларда жисмоний маданиятнинг фалсафий моҳиятини англаш, аждодларимизнинг илмий меросидан конструктив, интерпретатив, трансмиссив ва симулятив ёндашувларга мувофиқ фойдаланиш ҳамда шахсга йўналтирилган таълим жараёнида фойдаланишнинг педагогик имкониятлари оила, жамоа, устоз ва шогирд муносабатларини оптималлаштириш асосида такомиллаштирилган.
IV. Тадқиқот натижаларининг жорий қилиниши:
 “Мутафаккирларнинг ижтимоий-фалсафий қарашлари асосида ёшларда соғлом турмуш тарзи кўникмаларини ривожлантириш методикаси (Ар-Розий ва Ибн Синонинг илмий-фалсафий мероси мисолида)” мавзусида олиб борилган тадқиқот натижалари асосида: 
мутафаккирларнинг илмий меросини бугунги кун талаблари ракурсида аксиологик-герменевтик дескрипсион таҳлил қилиш асосида очиб берилган Ар-Розий ва Ибн Синонинг ёшларда соғлом турмуш тарзи кўникмаларини ривожлантириш борасидаги қарашларининг фалсафий ҳамда педагогик жиҳатларига оид хулосалар Хоразм вилояти телерадиоканали томонидан эфирга узатилган “Ассалом, Хоразм” дастурининг ссенарийсини тайёрлашда фойдаланилган (Хоразм вилояти телерадиокомпаниясининг 2024-йил 18-апрелдаги 570-сонли маълумотномаси). Натижада, ёшлар учун соғлом турмуш тарзини юксалтиришга хизмат қилувчи замонавий фалсафий ёндашувларни ишлаб чиқишда кенг фойдаланилган;
тадқиқот обектига хос метакогнитив (чуқур тафаккурга қаратилган), мултиперспектив (кенг қамровли) ва синергетик (биргаликдаги ҳаракат) омилларни касбий фаолиятга татбиқ этишнинг амалий механизмларини гуманитар фанларни ўқитишнинг дидактик ва методик компонентларига когнитив ва прагматик ёндашувлар орқали интеграциялаш асосида такомиллаштирилган Ар-Розий ва Ибн Синонинг маънавий-ахлоқий ва фалсафий-педагогик қарашларининг методик хусусиятларига оид таклиф ва тавсиялар “Глобаллашув асослари” номли дарслик мазмунига сингдирилган. (Ўзбекистон республикаси олий таълим, фан ва инновациялар вазирининг буйруғи 2024 йил 6 сентябр  № 333- сон.) Натижада, талабаларнинг маʼнавий-ахлоқий ва фалсафий-педагогик қарашлари такомиллашган.
таълим олувчиларда жисмоний маданиятнинг фалсафий моҳиятини англаш билан боғлиқ педагогик-психологик жараённинг самарадорлигини оширишда аждодларимизнинг илмий меросидан конструктив, интерпретатив (татбиқий), трансмиссив (алоқадорлик) ва симулятив (моделлаштириш) ёндашувларга мувофиқ фойдаланишнинг амалий механизмларини такомиллаштириш бўйича ишлаб чиқилган методик тавсиялардан Ўзбекистон Республикаси Олий таълим фан ва инновациялар вазирлиги Ўзбекистон педагогика илмий-тадқиқот институти Қорақалпоғистон филиали томонидан бажарилган “АИ-ХТ-0-92997 рақамли “Ёшларда умуминсоний, миллий ва тарихий қадриятлар уйғунлиги асосида маънавий-ахлоқий тарбиялашнинг муаммолари” мавзусидаги амалий лойиҳасида фойдаланилган (Ўзбекистон Республикаси Олий таълим фан ва инновациялар вазирлиги Ўзбекистон педагогика илмий-тадқиқот институти Қорақалпоғистон филиалининг 2024-йил 14-июндаги 239-сон маълумотномаси). Натижада, ёшларда жисмоний маданиятнинг фалсафий моҳиятини англаш соғлом турмуш тарзини юксалтириш бўйича хулосалар чиқариш имконияти яратилган;
оғзаки ва ёзма рефлекция (тасвирлаш), аргументация (далиллаш), мобилизация (алоқадорлик ва боғлиқлик) методларини таълим олувчиларнинг ривожланиш векторига мувофиқ қўллашнинг эргономик талаблари илмий моделлаштириш асосида такомиллаштирилган Ар-Розий ва Ибн Синонинг инсон саломатлигини таъминлаш борасидаги фалсафий-педагогик қарашларини таълим жараёнига татбиқ этишнинг услубий технологияларига оид таклифлардан Хоразм вилояти телерадиоканали томонидан эфирга узатилган “Ассалом  Хоразм” дастурининг  ссенарийсини тайёрлашда фойдаланилган (Хоразм вилояти телерадиокомпаниясининг 2024-йил 18-апрелдаги 570-сонли маълумотномаси). Натижада, ёшлар учун соғлом турмуш тарзини юксалтиришга хизмат қилувчи замонавий фалсафий ёндашувларни ишлаб чиқишда кенг фойдаланилган.