Алимова София Рўзумбаевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): 
“Бизнес жараёнларда инновацион лойиҳаларни молиялаштириш механизмларини такомиллаштириш”, 08.00.07 – “Молия, пул муомаласи ва кредит”
Диссертация мавзуси рўйхатга олинган рақам: В2024.1.PhD/Iqt3735
Илмий раҳбар: Элмирзаев Самариддин Эшқуватович, иқтисодиёт фанлари бўйича фалсафа доктори, профессор.
Диссертация бажарилган муассаса номи: Ўзбекистон Республикаси Банк-молия академияси
ИК фаолият кўрсатаётган муассаса номи, ИК рақами: Тошкент Халқаро университети, DSc.22/29.12.2023.I.175.01
Расмий оппонентлар: и.ф.д., проф. Рўзиева Дилобар Исомжоновна, и.ф.д.,  Умрзоқов Жамолиддин Шербекович.
Етакчи ташкилот: Алфраганус университети
Диссертация йўналиши: назарий ва амалий аҳамиятга молик.
II. Тадқиқотнинг мақсади Бизнес жараёнларда инновацион лойиҳаларни молиялаштириш механизмларини такомиллаштириш бўйича илмий-амалий таклиф ва тавсияларни ишлаб чиқишдан иборатдир.
III. Тадқиқотнинг илмий янгилиги:
инновацион лойиҳаларни молиялаштиришда лойиҳанинг ҳаётийлик даврига мос равишда ресурсларни самарали тақсимлаш, венчур капитал молиявий инфратузилмани ривожлантириш ҳамда давлат қўллаб-қувватлаш чораларини қамраб олган мослашувчан кластерли модел таклиф этилган;
стартап акселераторлари ва инкубаторларини кўпайтириш, грант дастурларини йўлга қўйиш ва ёш тадбиркорлар учун таълим-мутахассислик дастурларини ташкил этиш асосида инновацион ташаббусларни қўллаб-қувватлаш ва венчур капитал учун молиявий экотизим яратиш таклиф этилган;
давлат-хусусий шерикчилик лойиҳаларини молиялаштиришда самарадорлиги кўрсаткичлари орқали инновацион ташаббусларни қўллаб-қувватлаш механизмларини ўзида мужассамлаштирган институтионал асоси ишлаб чиқилган.
маълумотлар қамрови методологияси асосида инновацион лойиҳаларнинг самарадорлигини баҳолаш ва молиялаштириш жараёнида иқтисодий та'сирни аниқлаш модели таклиф этилган.
IV. Тадқиқот натижаларининг жорий қилиниши. Бизнес жараёнларда инновацион лойиҳаларни молиялаштириш механизмларини такомиллаштириш бўйича олинган илмий натижалар асосида:    
инновацион лойиҳаларни молиялаштиришда лойиҳанинг ҳаётийлик даврига мос равишда ресурсларни самарали тақсимлаш, венчур капитал молиявий инфратузилмани ривожлантириш ҳамда давлат қўллаб-қувватлаш чораларини қамраб олган мослашувчан кластерли моделига доир таклифи АТБ “Алоқабанк”нинг тижорат банкининг инновацион ривожлантириш стратегиясини ишлаб чиқишда фойдаланилган (АТБ “Алоқабанк”нинг 2024-йил 15-декабрдаги 10-сонли маълумотномаси). Натижада, 2030 йилгача венчур молиялаштириш ҳажми 5 млндан 100 млн долларгача, инновацион лойиҳалар сони 150 дан 800 гача ҳамда давлат грантлари улуши 5 фоиздан 20 фоизга, инновацион кластерлар сони 2 дан 10 гача кўпайиши кутилмоқда;
стартап акселераторлари ва инкубаторларини кўпайтириш, грант дастурларини йўлга қўйиш ва ёш тадбиркорлар учун таълим-мутахассислик дастурларини ташкил этиш асосида инновацион ташаббусларни қўллаб-қувватлаш ва венчур капитал учун молиявий экотизим яратишига доир таклифи АТБ “Алоқабанк” тизимига стартап инновацион ташаббусларни қўллаб-қувватлаш дастурини ишлаб чиқишда фойдаланилган (АТБ “Алоқабанк”нинг 2024-йил 15-декабрдаги 10-сонли маълумотномаси). Натижада, "АлоқаВентурес" доирасида 2022–2024 йилларда 12 та стартап акселератори, 8 та грант дастури ташкил этилди ва 2500 нафар ёш тадбиркор таълим олган;
давлат-хусусий шерикчилик лойиҳаларини молиялаштиришда самарадорлиги кўрсаткичлари орқали инновацион ташаббусларни қўллаб-қувватлаш механизмларини ўзида мужассамлаштирган институтионал асосига доир таклифи АТБ “Алоқабанк” АТБ “Алоқабанк” тизимига стартап инновацион ташаббусларни қўллаб-қувватлаш дастурини ишлаб чиқишда фойдаланилган (АТБ “Алоқабанк”нинг 2024-йил 15-декабрдаги 10-сонли маълумотномаси). Натижада, 2021–2024 йилларда 8 та давлат-хусусий шериклик лойиҳасида 60 млрд сўмдан ортиқ хусусий инвестициялар жалб қилинган;
маълумотлар қамрови методологияси асосида инновацион лойиҳаларнинг самарадорлигини баҳолаш ва молиялаштириш жараёнида иқтисодий та'сирни аниқлаш моделига доир таклифи АТБ “Алоқабанк” АТБ “Алоқабанк” тизимига стартап инновацион ташаббусларни қўллаб-қувватлаш дастурини ишлаб чиқишда фойдаланилган (АТБ “Алоқабанк”нинг 2024-йил 15-декабрдаги 10-сонли маълумотномаси). Натижада, 2022–2024 йилларда 25 та лойиҳа мисолида синовдан ўтказилган ва уларнинг 72 фоизида юқори иқтисодий самарадорлик аниқланган;