Юсупов Урал Садуллаевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): «Мис ишлаб чиқариш техноген чиқиндиларини қайта ишлаш технологиясини ишлаб чиқиш», 05.02.01 - Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси (техника фанлари). 
Диссертация мавзуси рўйхатга олинган рақам: B2024.1.PhD/Т4433.
Илмий раҳбар: Хасанов Абдирашид Салиевич, техника фанлари доктори, профессор.
Диссертация бажарилган муассаса номи: Навоий давлат кончилик ва технологиялар университети.
ИК фаолият кўрсатаётган муассаса номи, ИК рақами: Миллий технологик тадқиқотлар университети «МИСИС»нинг Олмалиқ шаҳридаги филиали, DSc.22/30.12.2019.Т.98.01.
Расмий оппонентлар: Холиқулов Дониёр Бахтиёрович, техника фанлари доктори, профессор; Толибов Беҳзод Иброҳимович, техника фанлари доктори, доцент.
Етакчи ташкилот: Умумий ва ноорганик кимё институти.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: маҳаллий иккиламчи техноген чиқинди бўлган мис эритиш заводи тошқоллари ва Қолмаққир кони маъданлари флотация усулида бойитиш ва ҳосил бўлган чиқиндиларни гидрометаллургия усулида қайта ишлаш технологияларини такомиллаштиришдан иборат.
III. Тадқиқотнинг илмий янгилиги:
мис эритиш заводи тошқолларида сулфид суспензиясининг шаклланиши, унинг коалессенсияси, кристалланиш структураси тузилишининг ҳарорат таъсирида ўзгариши илмий асосланган;   
тошқол янчилишининг ошишига ва энергия сарфининг 30% га камайишига термик кучланиш, тошқол таркибидаги асосий бирикмаларнинг кристалланиши ва совутиш тезлиги таъсир этиши аниқланган;
конверетер тошқоллари билан янчилган маъданларни флотация усулида бойитишнинг аппаратлар занжири схемаси яратилган ва илмий асосланган;
тошқол ва маъданларни аниқланган режимда бойитишда ҳосил бўлган чиқиндиларни куйдириш ва танлаб эритишнинг мақбул режимлари ишлаб чиқилган;
тошқолларни флотацион бойитишда ҳосил бўлган суюқ чиқиндиларни гидрометаллургия усулида қайта ишлаш технологик занжир схемаси ишлаб чиқилган.
IV. Тадқиқот натижаларининг жорий қилиниши. Мис ишлаб чиқариш техноген чиқиндиларини қайта ишлаш технологиясини ишлаб чиқиш илмий асослаш бўйича олинган илмий натижалар асосида:
конверетер тошқоллари билан янчилган маъданларни флотация усулида бойитишнинг аппаратлар занжири схемаси Мис эритиш заводи конвертер тошқолини флотация усулида комбинатнинг 2-Мис бойитиш фабрикасида бойитиш жараёнида қўлланилган («Олмалиқ кон-металлургия комбинати» АЖнинг 2024 йил 27 июндаги СЛ-0555-сон маълумотномаси). Натижада, мисни ажратиб олиш даражаси 2-3,5 % га ошган ва майдалаш жараёнида электр энергия сарфи 20,5% га тежалган иқтисодий самара олиш имконини берган;
мис ишлаб чиқариш техноген чииндиларини қайта ишлаш технологияси Мис эритиш заводи конвертер тошқолини флотация усулида комбинатнинг 2-Мис бойитиш фабрикасида бойитиш жараёнида жорий этилган («Олмалиқ кон-металлургия комбинати» АЖнинг 2024 йил 27 июндаги СЛ-0555-сон маълумотномаси). Натижада, 85,93 фоиз бўлган 14,7 фоизли Cу бойитмасини олиш, иккламчи чиқиндида Cу усули 0,33 фоизни ташкил этиш ва мис, темир ажратиб олиш имконини берган.