Уктамов Нодир Иброхимовичнинг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Замонавий ўзбек жамиятида ижтимоий капиталнинг ривожлантириш жараёнлари: ижтимоий-фалсафий таҳлил ” 09.00.04 – Ижтимоий фалсафа (фалсафа фанлари).
Диссертация мавзуси рўйхатга олинган рақам: B2023.3.PhD/Fal1079
Диссертация бажарилган муассаса номи: Наманган давлат университети. 
ИК фаолият кўрсатаётган муассаса (муассасалар) номи, ИК рақами: Наманган давлат университети PhD.03/30.04.2021.F.76.06.
Илмий раҳбарнинг Ф.И.Ш., илмий даражаси ва унвони: Махкамов Қодиржон Одилжонович Социология фанлар бўйича фалсафа доктори (PhD), в.б.профессор
Расмий оппонентлар: Ғаниев Баходиржон Садикжанович, фалсафа фанлари доктори(ДСc), профессор в.б., Абдуллаев Элмурод Бозорбой ўғли  фалсафа фанлари бўйича фалсафа доктори (PhD), доцент.
Етакчи ташкилот: Чирчиқ давлат педагогика университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади Замонавий ўзбек жамиятида ижтимоий капитал ривожланиш динамикасининг ижтимоий-фалсафий жиҳатларини тадқиқ этиш орқали жамиятда ўзаро ишонч ва бирдамлик тамойилларининг ўрни ва аҳамиятини очиб беришдан иборат. 
III. Тадқиқотнинг илмий янгилиги: 
замонавий ўзбек жамиятида ижтимоий капиталнинг эҳтиёж-фаоллик-самарадорлик каби уч стимули социумда экзоген (инсон капитали, институционал муҳит, ижтимоий фаолият) ҳамда эндоген (ишонч, фаоллик) омилларнинг ўзаро диалектик алоқадорлигини таъминлаб, инсон салоҳиятини акмеологик жиҳатларини белгиловчи социал механизм эканлиги илмий асосланган; 
жамиятнинг барқарор тараққиёти ижтимоий капиталнинг ўзига хос институционал (жамоавийлик, ижтимоий меʼёр, ишонч, ижтимоий бирдамлик) хусусиятларини пропорсионал шаклда ривожлантириб, шахснинг ўз ижтимоий мақсадларига эришиш конфигурациясини белгиловчи парадигма эканлиги очиб берилган;
давлатнинг гуманистик ижтимоий инновацион полисубстансионал жиҳатлари фуқароларда ташаббускорлик, халқчиллик ва ўзоро ишонч тамойилларини ривожлантириши орқали бошқарувда инсон-жамият-давлат тамойилининг рационаллашуви фалсафий асосланган; 
жамиятни ноосфера ва гуманизациялашда ижтимоий капитални ривожлантириш, шахс ва жамоа ўртасидаги иррационал муносабатларни тартибга солувчи тамойил сифатида аҳолининг заиф қатламларида ижтимоий ҳаракатчанликни таъминлаши ижтимоий давлат феноменини юксалтирувчи атрибут эканлиги аниқланган.
IV.Тадқиқот натижаларининг жорий қилиниши. Замонавий ўзбек жамиятида ижтимоий капиталнинг ривожланиш жараёнлари: ижтимоий-фалсафий таҳлили асосида:
замонавий ўзбек жамиятида ижтимоий капиталнинг эҳтиёж-фаоллик-самарадорлик каби уч стимулининг социумда экзоген (инсон капитали, институционал муҳит, ижтимоий фаолият) ҳамда эндоген (ишонч,фаоллик) омилларнинг ўзаро диалектик алоқадорлигига боғлиқлигига доир илмий янгиликларидан Ўзбекистон Республикаси ички ишлар вазирлигининг маънавий-маърифий ишларни ташкил этиш консепсияси ижросини таъминлаш мақсадида 2022-йил 3-август кунидаги “Ички ишлар органларида Ватанга ва халққа садоқат билан хизмат қилиш – олий бурчимиз!” шиори остида “Ватанпарварлик ойлиги”ни ўтказиш тўғрисида”ги ҳамда 2023-йил 11- апрел кунидаги “Маънавият ойлигини ўтказиш тўғрисида”ги фармойишлари ва уларни амалга ошириш бўйича чора-тадбирлар дастурлари лойиҳасини тайёрлашда фойдаланилган. (Ўзбекистон Республикаси ички ишлар вазирлигининг 2024-йил 6-июндаги 2/1374-сон маълумотномаси). Натижада инсон салоҳиятининг акмеологик жиҳатларини белгиловчи социал механизмларни ривожлантиришга хизмат қилган; 
 жамиятнинг барқарор тараққиёти ижтимоий капиталнинг ўзига хос институционал (жамоавийлик, ижтимоий меʼёр, ишонч, ижтимоий бирдамлик) хусусиятларини пропорсионал шаклда ривожлантириб, шахснинг ўз ижтимоий мақсадларига эришиш конфигурациясини белгиловчи парадигма эканлигига доир таклиф-тавсия ва хулосаларидан Республика Маънавият ва маърифат марказининг 2024-йил учун чора тадбирлар дастурининг ИИИ йўналишида белгиланган “Миллий ғоя тарғиботини кучайтириш, жамиятда соғлом мафкура, янги маънавий макон, маърифатли жамиятни барпо этишга қаратилган чора-тадбирлар” 20-банди “Маҳаллаларда маънавий - маърифий соҳани янада ривожлантириш, миллий қадриятларимиз, ҳалоллик бирдамлик каби туйғуларни кучайтириш, аҳолида боқимандалик ва жиноятчиликка мойилликни олдини олиш мақсадида “Обод маҳалла – янги маънавий макон” лойиҳасини амалга ошириш” мавзусида ўтказилган тарғибот ишларини ташкил этиш ва ўтказишда диссертация материалларидан фойдаланилган (Республика маънавият ва маърифта маркази ҳузуридаги ижтимоий-маънавий тадқиқотлар институтининг 2025-йил 4-августдаги 10/505-сон далолатномаси). Натижада замонавий ўзбек жамиятида ижтимоий капиталнинг паст даражадаги ривожланиш сабабларини аниқлаш ва шу билан бирга жамиятнинг ижтимоиймаънавий ҳаётини ўзгартириш имкониятларини кўрсатиб бериш йўлларини аниқлаш зарурати билан боғлиқ хусусиятларини очиб беришга хизмат қилган;
давлатнинг гуманистик ижтимоий инновацион полисубстансионал жиҳатлари фуқароларда ташаббускорлик, халқчиллик ва яратувчанлик тамойилларини ривожлантириши орқали бошқарувда инсон-жамият-давлат тамойилининг рационаллашувига оид илмий таклиф ва тавсияларидан Ички ишлар органларида маънавий-маърифий ишларни ташкил этиш консепсияси ижросини таъминлаш, ички ишлар органлари ходимларини маънавий-маърифий ишларни ташкил этиш консепсияси ижросини таъминлаш мақсадида 2022-йил 3-август кунидаги “Ички ишлар органларида Ватанга ва халққа садоқат билан хизмат қилиш – олий бурчимиз!” шиори остида “Ватанпарварлик ойлиги”ни ўтказиш тўғрисида”ги ҳамда 2023-йил 11-апрелдаги “Маънавият ойлигини ўтказиш тўғрисида”ги фармойишлари ва уларни амалга ошириш бўйича чора-тадбирлар дастурлари лойиҳасини тайёрлашда фойдаланилган. (Ўзбекистон Республикаси ички ишлар вазирлигининг 2024-йил 6-июндаги 2/1374-сон маълумотномаси). Натижада фуқароларда ташаббускорлик, халқчиллик ва яратувчанлик тамойилларини ривожлантиришга хизмат қилган;
жамиятни ноосфера ва гуманизациялашда ижтимоий капитални ривожлантириш шахс ва жамоа ўртасидаги иррационал муносабатларни тартибга солувчи механизм сифатида аҳолининг заиф қатламларида ижтимоий ҳаракатчанликни таъминлашига доир таклиф ва тавсияларидан Ўзбекистон Миллий телерадиокомпанияси “Ўзбекистон телерадиоканали” ДМнинг 2023-2024-йиллардаги “Ўзбекистон ёшлари”, “Таълим ва тараққиёт, “Миллат ва маънавият” дастурларини самарали ташкил этишда, уларнинг дастур ва ссенарийларини тайёрлашда фойдаланилган (Ўзбекистон Миллий Телерадиокомпанияси “Ўзбекистон телерадиоканали” давлат муассасасининг 2024-йил 10-октябрдаги 04-36-822-сон маълумотномаси). Натижада инсон салоҳиятининг акмеологик жиҳатларини белгиловчи социал механизмларни очиб беришга хизмат қилган.