Ташназаров Джасур Юлдашевичнинг
фан доктори (DSc) диссертацияси ҳимояси ҳақида эълон 

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): “Юнон-рим курашчиларини техник тайёргарлигининг методологик асослари”, 13.00.04 – Жисмоний тарбия, спорт машғулотлари, соғломлаштириш ва адаптив жисмоний тарбия назарияси ва методикаси.
Диссертация мавзуси рўйхатга олинган рақам: В2022.2.DSc/Ped344.
Диссертация бажарилган муассаса номи: Ўзбекистон давлат жисмоний тарбия ва спорт университети.
Илмий Кенгаш фаолият кўрсатаётган муассаса номи: Жисмоний тарбия ва спорт илмий тадқиқотлар институти, DSc.33/01.02.2022.Ped.146.01.
Расмий оппонентлар: Тўхтабоев Низомжон Турсуналиевич педагогика фанлари доктори (DSc), профессор, Коробейников Георгий Валеривич биология фанлари доктори, профессор, Абдуллаев Мехриддин Жунайдуллоевич педагогика фанлари доктори (DSc), профессор.
Етакчи ташкилот: Мирзо Улуғбек номидаги Ўзбекистон Миллий университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади ўқув-машғулот жараёнларида юнон-рим курашчиларининг техник тайёргарлигини такомиллаштириш бўйича методологик таклиф ва тавсиялар ишлаб чиқишдан иборат.
III. Тадқиқотнинг илмий янгилиги қуйидагилардан иборат: 
малакали юнон-рим курашчиларнинг мусобақадаги ҳужум ва ҳимоя сифатини ошириш учун тик турган ҳолатда изометрик машқларни айланма кетма-кетликда беллашув вақти диапазонларига мослаштирган ҳолда усулларни бажариш ҳисобига мусобақа фаолиятида техник-тактик ҳаракатларни самарали якунлаш имкониятлари кенгайтирилган; 
юнон-рим курашчиларининг партер ҳолатидаги техник усуллар самарадорлигини оширишга қаратилган, қўл ва бел мушак кучларини ривожлатириш машқлари асосидаги айланма ҳаракатлар мажмуаси билан тик курашда 15 сонияли айланма ҳаракатлар механизмидан иборат махсус ауксотоник машқларни қўллаш ҳисобига беллашув жараёнида партердан ташлаш ҳамда тўнтариш усулларини тўхтовсиз бажариш самарадорлиги оширилган; 
юнон-рим курашчиларининг координацион қобилятларини ривожлантириш учун ишлаб чиқилган 20 сонияни ташкил этувчи, турли антропометрик кўрсаткичга эга шериклар билан айланма техник ҳаракатларни ўзида жамловчи дастурни машғулотларга киритиш ҳисобига ўқув беллашувларда мураккаб ҳужум ҳаракатларини бажариш имкониятлари кенгайтирилган; 
юнон-рим курашчиларининг оддий ҳужум ҳаракатларини такомиллаштириш учун техник ҳаракатларни бошланғич фазаларини такрорий бажариш меъёри, ҳажми, шиддат зоналаридан фойдаланиш тартибини рационал тақсимлашда, фаол, нофаол курашчи механизми асосидаги ҳужум ва қарши ҳужум ҳаракатларини гиламнинг чекка қисмида бажариш ҳисобига беллашувларда комбинацион ҳаракатларни бажариш имкониятлари такомиллаштирилган; 
юнон-рим курашчиларини мусобақа беллашувларида мураккаб хужум ҳаракатлар самарадорлигини ошириш учун портловчи-куч қобилятини намоён бўлишини талаб этувчи тик турган ҳолатда ўтказиш, ташлаш, йиқитиш техник усулларини мусобақа олди тайёргарлик даврида бир нечта шерикларда такрорий бажарилиш орқали фаол ҳолатда балл жамғариш имкониятлари оширилган;
малакали юнон-рим курашчиларини мусобақа жараёнларидаги беллашув натижадорлигини ошириш учун ишлаб чиқилган турли вазиятларда тож усулларини самарали қўллаш, партерда қулай усуллар билан беллашувни давом эттириш каби мураккаб техник-тактик ҳаракатларни қамраб олган дастурни тайёргарлик жараёнига киритиш ҳисобига мусобақада толиқиш даврида кучни финал беллашувига қадар рационал тақсимлаш имкониятлари кенгайтирилган. 
IV. Тадқиқот натижаларининг жорий қилиниши. Юнон-рим курашчиларнинг тайёргарлигига кўп томонлама таъсир кўрсатиш мақсадида ўтказилган тадқиқот ва педагогик эксперимент натижаларини қиёсий таҳлил қилиш асосида:
малакали юнон-рим курашчиларнинг мусобақадаги ҳужум ва ҳимоя сифатини ошириш учун тик турган ҳолатда изометрик машқларни айланма кетма-кетликда беллашув вақти диапазонларига мослаштирган ҳолда усулларни бажариш бўйича таклиф ва тавсиялар Ангрен шаҳар спорт мактабининг юнон-рим кураши ихтисослигида таҳсил олувчи ўқувчи-спорчилар машғулотларига татбиқ этилган (Ўзбекистон Республикаси Спорт вазирлигининг 2025-йил 13-февралдаги №02-16/1494-сон маълумотномаси). Натижада, тадқиқот якунида тажриба гуруҳи курашчиларининг жисмоний таёргарлик даражаси 12-13% га яхшиланган, махсус жисмоний тайёргарликни 10-11% га ўсганлиги кузатилган, техник тайёргарлик  9-10% га яхшиланган, тактик тайёргарлик эса 4-6% га ўсган;
юнон-рим курашчиларининг партер ҳолатидаги техник усуллар самарадорлигини оширишга қаратилган, қўл ва бел мушак кучларини ривожлатириш машқлари асосидаги айланма ҳаракатлар мажмуаси билан тик курашда 15 сонияли айланма ҳаракатлар механизмидан иборат махсус ауксотоник машқларни қўллаш бўйича таклиф ва тавсиялар “Спорт педагогик маҳоратини ошириш (юнон-рим кураши бўйича 1-жилд)” номли дарслик мазмунига сингдирилган (Ўзбекистон Республикаси Спорт вазирлиги ҳузуридаги Жисмоний тарбия ва спорт илмий тадқиқотлар институти директорининг 2023-йил 2-ноябрдаги 40-сонли буйруғига асосан Д-0019-рақамли гувоҳнома). Натижада, тадқиқот якунида тажриба гуруҳи курашчиларининг жисмоний таёргарлик даражаси 12-14% га яхшиланган, махсус жисмоний тайёргарлик 11-12% га ўсганлиги кузатилган, техник тайёргарлик 9-10% га яхшиланган, тактик тайёргарлик эса 5-7% га ўсган; 
юнон-рим курашчиларининг координацион қобилятларини ривожлантириш учун ишлаб чиқилган 20 сонияни ташкил этувчи, турли антропометрик кўрсаткичга эга шериклар билан айланма техник ҳаракатларни ўзида жамловчи дастурни қўллаш бўйича таклиф ва тавсиялар Чирчиқ олимпия ва паралимпия спорт турларига тайёрлаш марказининг юнон-рим кураши ихтисослигида таҳсил олувчи ўқувчи-спорчилари машғулотларига татбиқ этилган (Ўзбекистон Республикаси Спорт вазирлигининг 2025-йил 13-февралдаги №02-16/1494-сон маълумотномаси). Натижада, тадқиқот якунида тажриба гуруҳи курашчиларининг жисмоний таёргарлик даражаси 14-16% га яхшиланган, махсус жисмоний тайёргарлик 12-14% га ўсганлиги кузатилган, техник тайёргарлик 10-12% га яхшиланган, тактик тайёргарлик эса 6-7% га ўсган;
юнон-рим курашчиларининг оддий ҳужум ҳаракатларини такомиллаштириш учун техник ҳаракатларни бошланғич фазаларини такрорий бажариш меъёри, ҳажми, шиддат зоналаридан фойдаланиш тартибини рационал тақсимлашда, фаол, нофаол курашчи механизми асосидаги ҳужум ва қарши ҳужум ҳаракатларини гиламнинг чекка қисмида бажариш бўйича таклиф ва тавсиялар “Спорт педагогик маҳоратини ошириш (юнон-рим кураши бўйича 2-жилд)” номли дарслик мазмунига сингдирилган (Ўзбекистон Республикаси Спорт вазирлиги ҳузуридаги Жисмоний тарбия ва спорт илмий тадқиқотлар институти директорининг 2023-йил 2-ноябрдаги 40-сонли буйруғига асосан Д-34-рақамли гувоҳнома). Натижада, тадқиқот якунида тажриба гуруҳи курашчиларининг қўлини тортиб партер ҳолатига ўтгазиш техник ҳаракатини ўнг томонга бажариш кўрсаткичи 12,3%га, чап томонга бажариш кўрсаткичи 10,7%га яхшиланган, қўлни бўйинга ўраб партер ҳолатига ўтгазиш техник ҳаракатини ўнг томонга бажариш кўрсаткичи 9,7%га, чап томонга бажариш кўрсаткичи 8%га яхшиланган, қўл остидан шўнғиб ўтиб партер ҳолатига ўтгазиш техник ҳаракатини ўнг томонга бажариш кўрсаткичи 10,3%га, чап томонга бажариш кўрсаткичи 10%га яхшиланган;
юнон-рим курашчиларини мусобақа беллашувларида мураккаб хужум ҳаракатлар самарадорлигини ошириш учун портловчи-куч қобилятини намоён бўлишини талаб этувчи тик турган ҳолатда ўтказиш, ташлаш, йиқитиш техник усулларини мусобақа олди тайёргарлик даврида бир нечта шерикларда такрорий бажариш бўйича таклиф ва тавсиялар “Спорт педагогик маҳоратини ошириш (юнон-рим кураши бўйича 1-жилд)” номли дарслик мазмунига сингдирилган (Ўзбекистон Республикаси Спорт вазирлиги ҳузуридаги Жисмоний тарбия ва спорт илмий тадқиқотлар институти директорининг 2023-йил 2-ноябрдаги 40-сонли буйруғига асосан Д-0019-рақамли гувоҳнома). Натижада, тадқиқот якунида тажриба гуруҳи курашчиларининг эгилиб ташлаш техник ҳаракатини ўнг томонга бажариш кўрсаткичи 8%га, чап томонга бажариш кўрсаткичи 8,7%га яхшиланган, кўкракдан ошириб ташлаш техник ҳаракатини ўнг томонга бажариш кўрсаткичи 7%га, чап томонга бажариш кўрсаткичи 6,7%га яхшиланган, белдан ошириб ташлаш техник ҳаракатини ўнг томонга бажариш кўрсаткичи 8%га, чап томонга бажариш кўрсаткичи 7,7%га ўсган;
малакали юнон-рим курашчиларини мусобақа жараёнларидаги беллашув натижадорлигини ошириш учун ишлаб чиқилган турли вазиятларда тож усулларини самарали қўллаш, партерда қулай усуллар билан беллашувни давом эттириш каби мураккаб техник-тактик ҳаракатларни қамраб олган дастур Ўзбекистон давлат жисмоний тарбия ва спорт университетининг юнон-рим кураши ихтисослигида таҳсил олувчи талабалар машғулотларига татбиқ этилган (Ўзбекистон Республикаси Спорт вазирлигининг 2025-йил 13-февралдаги №02-16/1494-сон маълумотномаси). Натижада, тадқиқот якунида тажриба гуруҳи курашчиларининг елкадан ошириб ташлаш техник ҳаракатини ўнг томонга бажариш кўрсаткичи 9,3%га, чап томонга бажариш кўрсаткичи 9%га яхшиланган, елкалардан ошириб ташлаш техник ҳаракатини ўнг томонга бажариш кўрсаткичи 8,3%га, чап томонга бажариш кўрсаткичи 8%га яхшиланган, қўлни бўйинга ўраб ташлаш техник ҳаракатини ўнг томонга бажариш кўрсаткичи 7,7%га, чап томонга бажариш кўрсаткичи 8,3%га яхшиланган.