Djuraeva Guzal Shavkatovnaning
falsafa doktori (PhD) dissertatsiya himoyasi haqida e’lon

I. Umumiy ma’lumotlar. 
Dissertatsiya mavzusi, ixtisoslik shifri: «Qurilish tarmog‘i korxonalarida inson resurslarini boshqarish tizimini takomillashtirish», 08.00.10 – Demografiya. Mehnat iqtisodiyoti.
Dissertatsiya mavzusi ro‘yxatga olingan raqam: B2023.3.PhD/Iqt3309.
Ilmiy rahbarining F.I.Sh., ilmiy daraja va unvoni: Adduraxmanova Gulnora Kalandarovna, iqtisodiyot fanlari doktori, professor.
Dissertatsiya bajarilgan muassasa nomi: Toshkent davlat iqtisodiyot universiteti.
IK faoliyat ko‘rsatayotgan muassasa nomi, IK raqami: G.V.Plexanov nomidagi Rossiya iqtisodiyot universitetining Toshkent shahridagi filiali, DSc.22/30.12.2019.I.100.01 
Rasmiy opponentlar: Nasimov Dilmurod Abdulloevich, iqtisodiyot fanlari doktori, professor; Karabaeva Gulnora Sharafitdinova, iqtisodiyot fanlari bo‘yicha falsafa doktori PhD, dotsent.
Yetakchi tashkilot: O‘zbekiston Respublikasi Prezidenti Administratsiyasi huzuridagi Iqtisodiy tadqiqotlar va islohotlar markazi.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: qurilish tarmog‘i korxonalarida inson resurslarini boshqarish tizimini takomillashtirish bo‘yicha taklif va tavsiyalarni ishlab chiqishdan iborat. 
III. Tadqiqotning ilmiy yangiligi:
qurilish tashkilotida mehnat faoliyati samaradorligini oshirish maqsadida zamonaviy raqamli texnologiyalar, motivatsiya mexanizmlari va adaptiv boshqaruv usullarini o‘z ichiga olgan innovatsion personal boshqaruvi konsepsiyasi ishlab chiqilgan;
iqtisodiy, ijtimoiy va texnologik ta’sirlarni integral baholash asosida innovatsion personal boshqaruvi samaradorligini aniqlashga qaratilgan hisoblash metodikasi orqali samaradorlik darajalarini tasniflash mezonlari asoslangan;
innovatsion personal boshqaruvi vositalarini qo‘llagan holda 2030-yilgacha past rivojlanish sur’atiga ega hududlar kesimida O‘zbekiston qurilish sohasida kadrlar salohiyati rivojlanishining prognoz ko‘rsatkichlari hisoblab chiqilgan;
qurilishda mehnat unumdorligining optimal o‘sish darajasi 0,2 ≤ Kp ≤ 0,5 oralig‘ida ta’minlangan holda biznes-jarayonlarni raqamlashtirish asosida qurilish korxonasi faoliyatining samaradorligi va barqarorligini oshirishga ijobiy ta’sir ko‘rsatish aniqlangan.
IV. Tadqiqot natijalarining joriy qilinishi. Qurilish tashkilotlarida IV resurslarini boshqarish muammolarini o‘rganish jarayonida olingan ilmiy natijalar asosida quyidagilar amalga oshirildi:
qurilish tashkilotida mehnat faoliyati samaradorligini oshirish maqsadida zamonaviy raqamli texnologiyalar, motivatsiya mexanizmlari va adaptiv boshqaruv usullarini o‘z ichiga olgan innovatsion personal boshqaruvi konsepsiyasi “DARXON-QURUVChI-SERVICE” MChJ va “STABITERM ASIA” QK tomonidan amaliyotga joriy etildi (O‘zbekiston Respublikasi Qurilish va uy-joy kommunal xo‘jaligi vazirligining 2024-yil 3-dekabrdagi №20-06/12944-sonli ma’lumotnomasi, ERI orqali IJRO.GOV.UZ tizimida tasdiqlangan, hujjat kodi: LS31390305). Natijada xodimlar faoliyati samaradorligi sezilarli darajada oshdi, mehnat unumdorligi 8,6%ga ortib, loyihalarni amalga oshirish xarajatlari 10,3%ga kamaydi.
iqtisodiy, ijtimoiy va texnologik ta’sirlarni integral baholash asosida innovatsion personal boshqaruvi samaradorligini aniqlashga qaratilgan hisoblash metodikasi orqali samaradorlik darajalarini tasniflash mezonlari O‘zbekiston Respublikasi qurilish tashkilotlari faoliyatiga aprobatsiya qilindi va joriy etildi (O‘zbekiston Respublikasi Qurilish va uy-joy kommunal xo‘jaligi vazirligining 2024-yil 3-dekabrdagi №20-06/12944-sonli ma’lumotnomasi, ERI orqali IJRO.GOV.UZ tizimida tasdiqlangan, hujjat kodi: LS31390305). Metodika qurilish tashkilotining xarajatlarini samarali 5,2 foizga pasaytirishga, innovatsiyalarni joriy etishga, loyihalarni bajarish muddatini 6,3 foizga qisqartirishga va bozor o‘zgarishlariga barqarorlikni oshirishga imkon berdi; 
innovatsion personal boshqaruvi vositalarini qo‘llagan holda 2030-yilgacha past rivojlanish sur’atiga ega hududlar kesimida O‘zbekiston qurilish sohasida kadrlar salohiyati rivojlanishining prognoz ko‘rsatkichlari O‘zbekiston Respublikasi qurilish tashkilotlari faoliyatiga joriy etildi (O‘zbekiston Respublikasi Qurilish va uy-joy kommunal xo‘jaligi vazirligining 2024-yil 3-dekabrdagi №20-06/12944-sonli ma’lumotnomasi, ERI orqali IJRO.GOV.UZ tizimida tasdiqlangan, hujjat kodi: LS31390305). Joriy etish natijasida istiqbolli hududlar aniqlandi, jumladan Toshkent shahri (14 093,9 mlrd so‘m), Farg‘ona viloyati (4 544,7 mlrd so‘m), Samarqand viloyati (4 497,2 mlrd so‘m) va Toshkent viloyati (4 015,5 mlrd so‘m). Bu esa sohani mintaqaviy rivojlantirish va mehnat unumdorligini oshirishga yo‘naltirilgan choralarni belgilash imkonini berdi.
qurilishda mehnat unumdorligining optimal o‘sish darajasi 0,2 ≤ Kp ≤ 0,5 oralig‘ida ta’minlangan holda biznes-jarayonlarni raqamlashtirish asosida qurilish korxonasi faoliyatining samaradorligi va barqarorligini oshirishga ijobiy ta’sir ko‘rsatish aniqlanib, “STABITERM ASIA” QK faoliyatiga joriy etildi (O‘zbekiston Respublikasi Qurilish va uy-joy kommunal xo‘jaligi vazirligining 2024-yil 3-dekabrdagi №20-06/12944-sonli ma’lumotnomasi, ERI orqali IJRO.GOV.UZ tizimida tasdiqlangan, hujjat kodi: LS31390305). Joriy etish natijasida korxonada mehnat unumdorligining o‘rtacha o‘sish sur’ati 5,7%ni, unumdorlikka salbiy ta’sir ko‘rsatuvchi omillarning kamayishi esa 5,8%ni tashkil etdi.