Алламбердиев Искандар Суннатулла ўғлининг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Космогеодезик ва геофизик усуллар бўйича Товоқсой полигони ва унга ёндош ҳудудлар сейсмоактив зоналарининг геодинамик модели», 04.00.06 - Геофизика. Фойдали қазилмаларни қидиришнинг геофизик усуллари (геология-минералогия фанлари).
Диссертация мавзуси рўйхатга олинган рақам: B2024.3.PhD/GM236. 
Илмий раҳбар: Раджабов Шуҳрат Сайфуллаевич, геология-минералогия фанлари доктори, доцент.
Диссертация бажарилган муассаса номи: Ўзбекистон Миллий университети.
ИК фаолият кўрсатаётган муассаса номи, ИК рақами: Сейсмология институти, DSc.02/30.12.2019.GM/FM.97.01.
Расмий оппонентлар: Абдуллабеков Кахарбай Насирбекович, геология-минералогия фанлари доктори, академик; Асадов Акмал Рузимуродович, геология-минералогия фанлари номзоди, доцент.
Етакчи ташкилот: Тошкент давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: космогеодезик ва геофизик усуллар ёрдамида олинган маълумотларни талқин қилиш асосида Товоқсой полигони ва унга ёндош ҳудудлар сейсмик фаол зоналарининг геодинамик моделини яратишдан иборат.
III. Тадқиқотнинг илмий янгилиги:
замонавий радарли интерферометрия ва геоморфологик усуллари орқали олинган маълумотларни таҳлил қилиш асосида тадқиқот ҳудудидан ўтган ер ёриқлари ажратилган.
радарли интерферометрия ва ГНСС усуллари ўлчов натижалари орқали Товоқсой геодинамик полигони ер қобиғининг замонавий вертикал ва горизонтал ҳаракатлари аниқланган.
илк бор Ўзбекистон шароитида космик тасвирларни радарли интерферометрия усули орқали дешифровкалаш натижасида содир бўлган зилзила кучи қиёсий баҳоланган.
Чотқол-Қурама ҳудуди ер қобиғининг уч ўлчамли замонавий геодинамик модели яратилган.
IV. Тадқиқот натижаларининг жорий қилиниши. Космогеодезик ва геофизик усуллар бўйича Товоқсой полигони ва унга ёндош ҳудудлар сейсмоактив зоналарининг геодинамик моделини яратиш бўйича олинган илмий натижалар асосида:
космогеодезик ва геофизик усулларни асосида Чотқол-Қурама ҳудудининг тажриба-синов учун танланган маҳаллий миқёсдаги ҳудудлари бўйича турли фаоллик даражасига кўра ажратилган ер ёриқлари харитаси Геология фанлари университети “Минерал ресурслар институти” ДМнинг амалиётига жорий қилинган (Тоғ-кон саноати ва геология вазирлигининг 2024 йил 13 августдаги 2968-сон маълумотномаси). Натижада, Тошкентолди ҳудуди ер қобиғининг замонавий вертикал ва горизонтал ҳаракатлари кескин ўзгарган қисмларини баҳолашга имкон берган;
Товоқсой майдони ва унинг атроф ҳудудларида 2022-2024 йилларда олиб борилган даврий ГНСС ўлчовлари асосида тузилган ер қобиғининг ўртача йиллик горизонтал ва вертикал ҳаракат тезликларининг Глобк ва Матлаб моделлари Геология фанлари университети “Минерал ресурслар институти” ДМнинг амалиётига жорий қилинган (Тоғ-кон саноати ва геология вазирлигининг 2024 йил 13 августдаги 2968-сон маълумотномаси). Натижада, тадқиқот ҳудудининг замонавий геодинамик ҳолатини баҳолашга ва ер қобиғининг замонавий ҳаракатларини аниқлашга хизмат қилган;
Ўзбекистон шароитида космик радарли интерферометрия усулидан фойдаланган ҳолда тузилган Товоқсой ҳудудининг замонавий геодинамик ҳаракатларини акс эттирувчи модел харита Геология фанлари университети “Минерал ресурслар институти”ДМнинг амалиётига жорий қилинган (Тоғ-кон саноати ва геология вазирлигининг 2024 йил 13 августдаги 2968-сон маълумотномаси). Натижада, ерни масофадан зондлаш, Сентинел-1 космик тасвирларини дешифровкалаш тадқиқотлари ер қобиғининг геодинамик ҳаракатларини тизимли мониторинг қилишга имкон берган.