Doniyorov Negmurod Normurodovichning 
Falsafa doktori (PhD) dissertatsiyasi himoyasi haqida e’lon 

I.    Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Chekli elementlar usullari uchun bazis funksiyalarni qurish», 01.01.03–Hisoblash matematikasi va diskret matematika (fizika-matematika fanlari).
Dissertatsiya mavzusi ro‘yxatga olingan raqam: B2024.1.PhD/FM1012.
Ilmiy rahbar: Hayotov Abdullo Raxmonovich, fizika-matematika fanlari doktori, professor.
Dissertatsiya bajarilgan muassasa nomi: O‘zRFA V.I.Romanovskiy nomidagi Matematika instituti.
IK faoliyat ko‘rsatayotgan muassasa nomi, IK raqami: O‘zbekiston Milliy universiteti huzuridagi DSc.03/30.12.2019.FM.01.02 raqamli ilmiy kengash.
Rasmiy opponentlar: Xudoyberganov Mirzoali O‘razalievich, fizika-matematika fanlari doktori, professor; Normurodov Chori Begalievich, fizika-matematika fanlari doktori, professor.
Yetakchi tashkilot: Buxoro davlat universiteti.
Dissertatsiya yo‘nalishi: nazariy va amaliy ahamiyatga molik.
II.Tadqiqotning maqsadi haqiqiy o‘zgaruvchili va haqiqiy qiymatli differensiallanuvchi funksiyalarning   Hilbert fazosida algebraik – trigonometrik optimal interpolyasion formula qurish va ushbu algebraik–trigonometrik optimal interpolyasion formulaning koeffisientlaridan foydalanib bazis funksiyalar to‘plamini hosil qilish, hamda bu bazis funksiyalarni chekli elementlar usullariga tatbiq qilib ikkinchi tartibli oddiy differensial tenglamalar uchun qo‘yilgan chegaraviy masalalarni sonli echish va tekislikdagi ayrim egri chiziqlarni tiklashdan iborat.
III.Tadqiqotning ilmiy yangiligi:
algebraik–trigonometrik interpolyasion formulaning xatolik funksionali bilan unga mos ekstremal funksiyaning skalyar ko‘paytmasidan foydalanib xatolik funksionali normasining ko‘rinishi topilgan;
ko‘p o‘zgaruvchili funksiyani shartli ekstremumga tekshirishni Lagranjning noma’lum ko‘paytuvchilar usulidan foydalanib,   Hilbert fazosida algebraik–trigonometrik optimal interpolyasion formulaning koeffisientlariga nisbatan chiziqli algebraik tenglamalar sistemasi olingan;
  Hilbert fazosida algebraik–trigonometrik interpolyasion formulaning optimal koeffisientlarining analitik ko‘rinishlari ma’lum diskret operatorlardan foydalanib topilgan;
  Hilbert fazosida algebraik–trigonometrik interpolyasion formulalarning optimal koeffisientlaridan chekli elementlar usuli uchun bazis funksiyalari hosil qilingan;
  Hilbert fazosida algebraik–trigonometrik interpolyasion formulalarning optimal koeffisientlari tekislikdagi turli egri chiziqlarni approksimatsiyalashga qo‘llanilgan.
IV.    Tadqiqot natijalarining joriy qilinishi:
Chekli elementlar usullari uchun bazis funksiyalarni qurish bo‘yicha olingan natijalar asosida:
  Hilbert fazosida qurilgan algebraik–trigonometrik optimal interpolyasion formulaning koeffisientlaridan Rossiya Fanlar Akademiyasi Uzoq Sharq bo‘limi Kosmosfizik tadqiqotlar va radioto‘lqinlar tarqalishi institutining №124012300245-2 - sonli loyihasida irsiylikka ega bo‘lgan nochiziqli dinamik deformatsion jarayonlarni o‘rganishda foydalanilgan (Kosmosfizik tadqiqotlar va radioto‘lqinlar tarqalishi institutining 2024-yil 18-dekabrdagi 509-sonli ma’lumotnomasi). Natijada to‘yingan jarayonlarni tavsiflovchi Gerasimov-Kaputo tipidagi o‘zgaruvchan kasr tartibli hosilaga ega differensial tenglamani etarlicha aniqlikda sonli echish imkonini bergan;
chekli elementlar usullari uchun hosil qilingan yangi basiz funksiyalardan  IL-21071166-“Shamolning past tezligi uchun mo‘ljallangan vertikal o‘qli shamol turbinasini yaratish” mavzusidagi innovatsion loyihada shamol trubinalari harakatini ifodalovchi matematik model tenglamalarini taqribiy echishda foydalanilgan (M.T.O‘rozboev nomidagi Mexanika va inshootlar seysmik mustahkamligi institutining 2025-yil 3-martdagi 202-3-sonli ma’lumotnomasi). Ilmiy natijalarning qo‘llanilishi shamol trubinalari harakatining matematik modelidagi samarali parametrlarni aniqlash imkonini bergan.