Аманиязов Ринат Байниязовичнинг
фалсафа доктори (PhD) диссертацияси ҳимояси ҳақидаги эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): “Қишлоқ аҳолиси даромадларини кўпайтиришнинг инновацион йўналишлари (Қорақалпоғистон Республикаси мисолида)”, 08.00.04 – “Қишлоқ хўжалиги иқтисодиёти” ва 08.00.10 – “Демография. Меҳнат иқтисодиёти” ихтисосликлари (иқтисодиёт фанлари).
Диссертация мавзуси рўйхатга олинган рақам: B2024.1.PhD/Iqt3697.
Илмий раҳбар: Сауханов Жанибек Казиевич, иқтисодиёт фанлари доктори, профессор.
Диссертация бажарилган муассаса номи: Бердақ номидаги Қорақалпоқ давлат университети.
ИК фаолият кўрсатаётган муассаса номи, ИК рақами: Бердақ номидаги Қорақалпоқ давлат университети, PhD.03/30.01.2020.I.20.06.
Расмий оппонентлар: Нажимов Искандер Пердебаевич, иқтисодиёт фанлари доктори (DSc), доцент; Амирқулов Шухрат Олимович, иқтисодиёт фанлари фалсафа доктори (PhD), доцент.
Етакчи ташкилот: Тошкент давлат иқтисодиёт университети Самарқанд филиали.
Диссертация йўналиши: назарий ва амалий аҳамиятга молик.
II.Тадқиқотнинг мақсади: Қорақалпоғистон Республикасида қишлоқ аҳолиси даромадларини кўпайтиришнинг инновацион йўналишлари бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
Қорақалпоғистон Республикаси қишлоқ хўжалиги соҳасида таълим ва малака оширишда масофавий ўқитиш имкониятларини кенгайтириш, маҳаллий инновацион марказлар тизимини кенгайтириш, кичик ва оилавий тадбиркорлигини янада ривожлантириш, маҳсулотлар экспортини жадаллаштириш, самарали ишлаб чиқариш ва кооперативлар тизимини кенгайтириш, замонавий агротехника, юқори ҳосилдорлик ва меҳнат унумдорлиги устуворлиги каби қишлоқ аҳолиси даромадларини оширишнинг инновацион йўналишлари асослаб берилган;
минтақада қишлоқ хўжалиги аҳолисининг даромадларини оширишнинг истиқболли инновацион имкониятлардан бири сифатида туризм соҳаси, айниқса  агротуризмни ривожлантириш, бунда фермер хўжаликлари базасида сайёҳлик хизматларини кўрсатиш, маҳсулотлар кўргазмаси ва сотувини ташкил этиш, маҳаллий қишлоқ хўжалиги фестивалларини ташкил этиш ҳамда Муйноқ аҳолиси даромадларини оширишда инновацион ёндашувга кўра экотуризм ва маҳаллий туризмни ривожлантиришнинг мақсадга мувофиқлиги асосланган;
минтақада иқтисодий фаолият тури қишлоқ хўжалиги бўлган юридик шахсларда ишловчи ходимларнинг (For 95% confidence intervals, t(8, 0.025) = 2.306) ўртача ойлик иш ҳақининг 2024-2028-йилларга мўлжалланган прогноз қийматлари асосланган;
Қорақалпоғистон Республикасида иқтисодий фаолият тури қишлоқ хўжалиги бўлган юридик шахсларда ишловчи ходимларнинг ҳудудлар кесимидаги максимал ва минимал ойлик иш ҳақининг 2024-2028-йилларга мўлжалланган прогноз  қийматлари ишлаб чиқилган.
IV. Тадқиқот натижаларининг жорий қилиниши.
Қорақалпоғистон Республикасида қишлоқ аҳолиси даромадларини кўпайтиришнинг инновацион йўналишлари бўйича олинган натижалар асосида:
Қорақалпоғистон Республикаси қишлоқ хўжалиги соҳасида таълим ва малака оширишда масофавий ўқитиш имкониятларини кенгайтириш, маҳаллий инновацион марказлар тизимини кенгайтириш, кичик ва оилавий тадбиркорлигини янада ривожлантириш, маҳсулотлар экспортини жадаллаштириш, самарали ишлаб чиқариш ва кооперативлар тизимини кенгайтириш, замонавий агротехника, юқори ҳосилдорлик ва меҳнат унумдорлиги устуворлиги каби қишлоқ аҳолиси даромадларини оширишнинг инновацион йўналишлари таклифи Қорақалпоғистон Республикаси Қишлоқ хўжалиги вазирлиги амалиётида фойдаланилган (Қорақалпоғистон Республикаси Қишлоқ хўжалиги вазирлигининг 2025 йил 10 апрелдаги  02/017-1066-сон маълумотномаси). Таклиф минтақада аҳоли турмуш даражасини оширишда таълим ва драйвер йўналишларни ривожлантириш ва унумдорликка кура  юқори таъсирга эга бўлган омилларни аниқлаш, қишлоқ аҳолиси турмуш фаровонлигини ошириш имкониятларидан мақсадли фойдаланишга муайян даражада хизмат қилган;
минтақада қишлоқ хўжалиги аҳолисининг даромадларини оширишнинг истиқболли инновацион имкониятлардан бири сифатида туризм соҳаси, айниқса  агротуризмни ривожлантириш, бунда фермер хўжаликлари базасида сайёҳлик хизматларини кўрсатиш, маҳсулотлар кўргазмаси ва сотувини ташкил этиш, маҳаллий қишлоқ хўжалиги фестивалларини ташкил этиш ҳамда Муйноқ аҳолиси даромадларини оширишда инновацион ёндашувга кўра экотуризм ва маҳаллий туризмни ривожлантиришнинг мақсадга мувофиқлиги бўйича таклиф Қорақалпоғистон Республикаси Қишлоқ хўжалиги вазирлиги амалиётида фойдаланилган (Қорақалпоғистон Республикаси Қишлоқ хўжалиги вазирлигининг 2025 йил 10 апрелдаги  02/017-1066-сон маълумотномаси). Таклиф Қорақалпоғистон Республикасида аҳоли турмуш даражасини таъминлашда юқори таъсирга эга бўлган омилларни аниқлаш, қишлоқ аҳолиси турмуш фаровонлигини оширишнинг истиқболли йўналишларни ишлаб чиқишга муайян даражада хизмат қилган;
минтақада иқтисодий фаолият тури қишлоқ хўжалиги бўлган юридик шахсларда ишловчи ходимларнинг (For 95% confidence intervals, t(8, 0.025) = 2.306) ўртача ойлик иш ҳақининг 2024-2028-йилларга мўлжалланган прогноз қийматлари бўйича таклиф Қорақалпоғистон Республикаси Қишлоқ хўжалиги вазирлиги амалиётида фойдаланилган (Қорақалпоғистон Республикаси Қишлоқ хўжалиги вазирлигининг 2025 йил 10 апрелдаги  02/017-1066-сон маълумотномаси). Таклиф аграр тармоқда хўжалик юритиш шакл-ларининг ўзига хос хусусиятлари ва устунликларидан фойдаланган ҳолда ва камчиликларни бартараф этган ҳолда қишлоқ аҳоли даромадларини ошириш йўналишларини белгилаб олишга муайян даражада хизмат қилган;
Қорақалпоғистон Республикасида иқтисодий фаолият тури қишлоқ хўжалиги бўлган юридик шахсларда ишловчи ходимларнинг ҳудудлар кесимидаги максимал ва минимал ойлик иш ҳақининг 2024-2028-йилларга прогноз қийматлари бўйича таклиф Қорақалпоғистон Республикаси Қишлоқ хўжалиги вазирлиги амалиётида фойдаланилган (Қорақалпоғистон Республикаси Қишлоқ хўжалиги вазирлигининг 2025 йил 10 апрелдаги  02/017-1066-сон маълумотномаси). Прогноз натижалари ҳудудлар кесимида мавжуд имкониятлардан янада самарали фойдаланишга кўра қишлоқ аҳолиси даромадларини ошириш ҳамда ҳудудий фарқларни баҳолашнинг истиқболдаги прогноз қийматларини шакллантиришга муайян даражада хизмат қилган.