Убайдуллаев Дилшод Зувайтовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): 
“Тижорат банкларининг фонд бозоридаги инвестицион фаоллигини ошириш”, 08.00.07 – “Молия, пул муомаласи ва кредит”
Диссертация мавзуси рўйхатга олинган рақам: В2024.2.PhD/Iqt4135
Илмий раҳбар: Бекназаров Зафаржон Эргашевич, иқтисодиёт фанлари доктори, профессор.
Диссертация бажарилган муассаса номи: Тошкент давлат иқтисодиёт университети
ИК фаолият кўрсатаётган муассаса номи, ИК рақами: Тошкент Халқаро университети, DSc.22/29.12.2023.I.175.01
Расмий оппонентлар: Ражабов Шерзод Умурзоқович иқтисодиёт фанлари доктори, профессор,; Тошпулатов Даврон Акромович, иқтисодиёт фанлари доктори.
Етакчи ташкилот: Самарқанд иқтисодиёт ва сервис институти
Диссертация йўналиши: назарий ва амалий аҳамиятга молик.
II. Тадқиқотнинг мақсади тижорат банкларининг фонд бозоридаги инвестицион фаоллигини оширишга қаратилган таклиф ва тавсиялар ишлаб чиқишдан иборат. 
III. Тадқиқотнинг илмий янгилиги:
тижорат банклари томонидан чиқарилган евробондларни халқаро фонд биржаларига жойлаштиришдан тушган маблағларни режалаштирилган лойиҳалар самарадорлиги паст бўлганда, юқори даромадлиликка эга бошқа банкларнинг депозитларига жойлаштириш орқали уларнинг рентабеллигини ошириш имконияти таклиф этилган; 
тижорат банкларининг фонд бозорларидан жалб этилган маблағларини яшил лойиҳаларни молиялаштиришга йўналтиришда “Греен банкинг” консепсиясига асосланган комплекс молиявий воситалар тизимини шакллантириш асосланган;
тижорат банклари қимматли қоғозларини хусусий инвесторларга сотишда инвестиция жараёнининг шаффофлиги ва самарадорлигини ошириш мақсадида фонд индекслари билан бир қаторда инвестиция портфелларининг таркибини тавсифловчи риск даражаси, рентабеллик, ликвидлик каби кўрсаткичлардан комплекс тарзда фойдаланиш зарурияти асосланган;
хусусий инвесторларнинг қимматли қоғозлар бозорида эмитент сифатида иштирокини рағбатлантириш мақсадида уларга банк хизматларини имтиёзли шартларда кўрсатиш асосида уларнинг акция ва облигациялар орқали маблағ жалб қилиш имкониятлари кенгайтирилиши ва тижорат банкларининг корпоратив мижозлар базаси ошиши асослаб берилган. 
IV. Тадқиқот натижаларининг жорий қилиниши. Тижорат банкларининг фонд бозоридаги инвестицион фаоллигини ошириш бўйича ишлаб чиқилган илмий таклиф ва амалий тавсиялар асосида:
тижорат банклари томонидан чиқарилган евробондларни халқаро фонд биржаларига жойлаштиришдан тушган маблағларни режалаштирилган лойиҳалар самарадорлиги паст бўлганда, юқори даромадлиликка эга бошқа банкларнинг депозитларига жойлаштириш орқали уларнинг рентабеллигини ошириш имкониятига доир таклифи «ЎзМиллий банк» акциядорлик жамияти амалиётига жорий қилинган. («ЎзМиллий банк» акциядорлик жамиятининг 2024-йил 24-декабрдаги №02/2-8051/07-сонли маълумотномаси). Натижада, «ЎзМиллий банк» АЖ томонидан 300 млн. АҚШ доллари миқдоридаги евробондлар муваффақиятли эмиссия қилинган ва улардан тушган пул маблағларининг бир қисми (20-30%) бошқа тижорат банкларининг депозитларига жойлаштирилишига эришилган ва банкнинг халқаро фонд биржаларида келгусида фаолиятини барқарор бўлиши таъминланган; 
тижорат банкларининг фонд бозорларидан жалб этилган маблағларини яшил лойиҳаларни молиялаштиришга йўналтиришда “Греен банкинг” консепсиясига асосланган комплекс молиявий воситалар тизимини шакллантиришга доир таклифи «ЎзМиллий банк» акциядорлик жамияти фаолиятига жорий қилинган. («ЎзМиллий банк» акциядорлик жамиятининг 2024-йил 24-декабрдаги №02/2-8051/07-сонли маълумотномаси). Натижада, банк уч соҳа субъектлари (жисмоний шахслар, кичик бизнесни ва корпоратив мижозлар)ни яшил молиялаштириш ва “Греен банкинг” йўналиши орқали уларнинг ижтимоий ҳамда экологик ривожлантиришга йўналтирилган лойиҳаларини қўллаб-қувватлаш тизими кенгайиши, яшил молиялаштириш лойиҳаларига 173 млрд. сўм маблағлар йўналтирилишига эришилган;
тижорат банклари қимматли қоғозларини хусусий инвесторларга сотишда инвестиция жараёнининг шаффофлиги ва самарадорлигини ошириш мақсадида фонд индекслари билан бир қаторда инвестиция портфелларининг таркибини тавсифловчи риск даражаси, рентабеллик, ликвидлик каби кўрсаткичлардан комплекс тарзда фойдаланиш зарурияти тўғрисидаги таклифи «ЎзМиллий банк» акциядорлик жамиятининг “Инвестицион сиёсати”ни ишлаб чиқишда инобатга олинган. («ЎзМиллий банк» акциядорлик жамиятининг 2024-йил 24-декабрдаги №02/2-8051/07-сонли маълумотномаси). Натижада, тижорат банклари томонидан чиқаралидиган қимматли қоғозлар ишончли ва молиявий барқароро бўлган хусусий инвесторларга сотилишини рағбатлантирган;
хусусий инвесторларнинг қимматли қоғозлар бозорида эмитент сифатида иштирокини рағбатлантириш мақсадида уларга банк хизматларини имтиёзли шартларда кўрсатиш асосида уларнинг акция ва облигациялар орқали маблағ жалб қилиш имкониятлари кенгайтирилиши ва тижорат банкларининг корпоратив мижозлар базаси ошишига доир таклифи «ЎзМиллий банк» акциядорлик жамиятида “Ҳисоб сиёсати” ва “Банк ривожланиш стратегия”ларини ишлаб чиқишда инобатга олинган. («ЎзМиллий банк» акциядорлик жамиятининг 2024-йил 24-декабрдаги №02/2-8051/07-сонли маълумотномаси). Натижада, хусусий инвесторларнинг қимматли қоғозлар бозорига ўз акция ва облигацияларини чиқариш орқали маблағ жалб қилиш имконияти кенгайтириб, банк корпоратив мижозлари сони ортишига олиб келган..