Хурсанов Абдулло Халмурадовичнинг
фан доктори (DSc) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган тармоғи номи): «Органо-ноорганик ингредиентлар асосида композицион кимёвий флотореагент-кўпиклантирувчиларни яратишнинг илмий асослари ва уларни рангли ва нодир металл рудаларини флотация жараёнида қўллаш», 02.00.07 – Композицион, лок-бўёқ ва резина материаллари кимёси ва технологияси, 05.02.01 - Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси (техника фанлари).
Диссертация мавзуси рўйхатга олинган рақам: B2025.2.DSc/T921.
Илмий маслаҳатчилар: Негматов Сайибжон Садиқович, техника фанлари доктори, профессор, академик; Негматова Комила Сайибжановна, техника фанлари доктори, профессор.
Диссертация бажарилган муассаса номи: Тошкент давлат техника университети «Фан ва тараққиёт» ДМ.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДМ, DSc.03/30.12.2019.K/T.03.01.
Расмий оппонентлар: Пирматов Эшмурат Азимович, техника фанлари доктори, академик; Шарофутдинов Улуғбек Зиятович, техника фанлари доктори, профессор; Халимжонов Тохир Салимович, техника фанлари доктори, доцент.
Етакчи ташкилот: Тошкент кимё-технология институти.
Диссертация йўналиши: амалий аҳамиятга молик.
II. Тадқиқотнинг мақсади: органо-ноорганик ингредиентлар асосида композицион кимёвий флотореагент-кўпиклантирувчиларни яратишнинг илмий асослари ва уларни рангли ва нодир металлар рудаларини флотациялаш жараёнида қўллашдан иборат.
III. Тадқиқотнинг илмий янгилиги:
органо-ноорганик ингредиентлар ва ишлаб чиқариш чиқиндилари асосида уларнинг табиати, тури, миқдори ва нисбатига, шунингдек рангли ва қимматбаҳо металлар рудаларини флотация жараёнининг технологик омилларига қараб физик-кимёвий хусусиятларнинг ўзгариш қонуниятлари аниқланган;
мис-молибден рудаларини флотациялаш жараёнида қўллаш учун органо-ноорганик ингредиентлар ва ишлаб чиқариш чиқиндилари асосидаги композицион кимёвий флотореагент-кўпиклантирувчининг самарали таркиби ишлаб чиқилган;
сорбция ва кўпикланиш жараёнлари ҳақидаги фундаментал билимларга ўз хиссасини қўшадиган, металларнинг танлаб ажратиб олишни таъминлайдиган ишлаб чиқилган композициянинг органо-ноорганик ингредиентларни минерал заррачалар билан ўзаро таъсир механизми асосланган;
флотация шароитларини оптималлаштириш, металларни ажратиб олиш селективлигини ошириш ва қимматбаҳо компонентларни йўқотилишини минималлаштириш имконини берадиган ишлаб чиқилган композицион кимёвий флотореагентларнинг флотация жараёнининг кинетикаси аниқланган;
мис-молибденли рудаларни флотация жараёнида қўллаш учун мўлжалланган КХФ-ВС-Б синфидаги импорт ўрнини босувчи композицион кимёвий флотореагентлар-кўпиклаштирувчи моддалар ишлаб чиқариш учун ресурстежамкор инновацион технология ишлаб чиқилган.
IV. Тадқиқот натижаларининг жорий қилиниши. Органо-ноорганик ингредиентлар асосида композицион кимёвий флотореагент-кўпиклантирувчиларни яратишнинг илмий асослари ва уларни рангли ва нодир металл рудаларини флотация жараёнида қўллаш бўйича олинган натижалар асосида:
органо-ноорганик ингредиентлар ва ишлаб чиқариш чиқиндилари асосида ишлаб чиқилган импорт ўрнини босувчи композицион кимёвий флотореагент – кўпиклантирувчилар “Олмалиқ КМК” АЖ мис-молибден рудаларини флотация қилиш жараёнида амалиётга жорий этилган (“Олмалиқ КМК” АЖнинг 2025 йил 19 мартдаги СЛ-273-сон маълумотномаси). Натижада, миснинг миқдори 5,71% бўлган рудадан миснинг 91,49% ажратиб олиш имконини берган;
юқори флотацион қобилиятга эга бўлган самарали композицион кимёвий флотореагентларни олишнинг ишлаб чиқилган ресурстежамкор технологияси “Олмалиқ КМК” АЖда амалиётга жорий этилган (“Олмалиқ КМК” АЖнинг 2025 йил 19 мартдаги СЛ-273-сон маълумотномаси). Натижада, корҳонанинг иқтисодий ҳолатини яхшиловчи, арзон ва самарали композицион кимёвий флотореагентларни ишлаб чиқариш имконини берган;
мис концентрати чиқиндиларидан платина, палладий ва бошқа нодир металларни ажратиб олишнинг ишлаб чиқилган технологияси “Олмалиқ КМК” АЖда амалиётга жорий этилган (“Олмалиқ КМК” АЖнинг 2025 йил 19 мартдаги СЛ-273-сон маълумотномаси). Натижада, масса улуши 98,00-99,00% бўлган тозаланган платина кукуни ва масса улуши 99,5-99,94% бўлган палладий кукунини олиш имконини берган.