Караманов Асқар Нарзиқул ўғлининг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Портлатиш ишлари самарадорлигини ошириш учун ҳаво бўшлиғидан фойдаланган ҳолда портловчи модда скважинали зарядлари конструксиясини оптималлаштириш», 04.00.17 – Кончиликда физик жараёнлар (техника фанлари).
Диссертация мавзуси рўйхатга олинган рақам: В2025.1.PhD/Т3062. 
Илмий раҳбар: Очилов Шуҳратулла Атоевич, техника фанлари бўйича фалсафа доктори (PhD), доцент.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Тошкент давлат техника университети, PhD.03/31.03.2023.Т.03.06.
Расмий оппонентлар: Нутфуллоев Гафур Субхонович, техника фанлари доктори, доцент; Меликулов Абдусаттар Джаббарович, техника фанлари номзоди, доцент.
Етакчи ташкилот: Қарши давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: карерларда портлатиш ишлари самарадорлигини ошириш учун ҳаво бўшлиғидан фойдаланиш орқали ПМ скважинали заряди конструксиясини оптималлаштириш бўйича технологик ечимларни ишлаб чиқиш ва асослаш ҳамда  тоғ жинсларини парчаланиш кўрсаткичларини яхшилашдан иборат.
III. Тадқиқотнинг илмий янгилиги:
тоғ жинсларини парчалаш сифатини ошириш, катта ўлчамли бўлаклар чиқишини ва ПМлар сарфини камайтириш мақсадида ўқ бўйлаб ҳаво бўшлиғига эга бўлган скважина зарядлари параметрларини ҳисоблашнинг янги услубий ёндашувлари ишлаб чиқилган;
тоғ жинсларини парчалаш самарадорлигини оширадиган ва ПМлар сарфини камайтирадиган, зарядлар конструксиясини оптималлаштириш имконини берадиган скважинадаги зарядларнинг ўқ бўйлаб ҳаво бўшлиғида зарбали ҳаво тўлқини фронтининг тарқалиш тезлиги саноат ПМларининг детонация тезлигига, заряд массасига ва бўшлиқнинг турли масофалардаги кесим майдонига боғлиқлиги аниқланган;
скважинали заряднинг ўқ бўйлаб ҳаво бўшлиғида зарбали ҳаво тўлқини фронтининг таъсир вақтига, бўшлиқнинг кесим юзасига ва турли масофалардаги ПМ заряди массасига боғлиқлиги аниқланган; 
юқори тезликдаги видеорегистрация ёрдамида ҳақиқий моделларда ўзаро тўлқинли таъсирни таҳлил қилиш ва тоғ жинслари намуналарида кучланиш тўлқинларининг параметрларини аниқлаш имконини берувчи ҳаво бўшлиғидаги зарядларнинг портлашини экспериментал тадқиқ қилиш методикаси ишлаб чиқилган.
IV. Тадқиқот натижаларининг жорий қилиниши. Портлатиш ишлари самарадорлигини ошириш учун ҳаво бўшлиғидан фойдаланган ҳолда ПМ скважинали зарядлари конструксиясини илмий асослаш бўйича олинган илмий натижалар асосида:
ҳаво бўшлиғидан фойдаланган ҳолда ПМ скважинали зарядлари конструксиясини оптималлаштириш орқали тоғ жинслари массивини парчалаш сифатини ўрганиш услуби «Олмалиқ кон-металлургия комбинати» АЖнинг «Ёшлик-И» карерида жорий этилган («Олмалиқ кон-металлургия комбинати» АЖнинг 2025 йил 17 январдаги СЛ-58-сонли маълумотномаси). Натижада, катта ўлчамдаги бўлакларнинг пайдо бўлиши қисқариши ва парчаланаётган тоғ жинслари массивининг гранулометрик таркибини талаб даражасида таъминлаш имконини берган;
скважинанинг пастки қисмида ҳаво бўшлиғи ва ҳар хил детонация тезлигига эга бўлган икки турдаги ПМлар билан қўлланадиган ПМ скважинали зарядлари конструксияси “Олмалиқ кон-металлургия комбинати” АЖнинг “Ёшлик-И” карерида жорий этилган (“Олмалиқ кон-металлургия комбинати” АЖнинг 2025 йил 17 январдаги СЛ-58-сонли маълумотномаси). Натижада, портлаш энергиясини узатиш механизми ўзгартирилиб, парчалаш жараёни вақти узайтирилган, ПМ солиштирма сарфини 10% га камайтириш ва парчалаш сифатини 40% га ошириш имконини берган.