Бешимов Ислом Акмалжоновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): «Маҳаллий хомашёлар асосида уеретан гурухли термо, фотобарқарот қопламаларнинг олиниш технологияси», 02.00.14 – Органик моддалар ва улар асосидаги материаллар технологияси (техника фанлари).
Диссертасия мавзуси рўйхатга олинган рақам: Б2025.2.PhD/Т5535.
Илмий раҳбар: Ахмедов Воҳид Низомович, техника фанлари номзоди, профессор.
Диссертация бажарилган муассаса номи: Бухоро давлат техника университети.
ИК фаолият кўрсатаётган муассаса номи, ИК рақами: Тошкент кимё-технология институти, DSc.03/30.12.2019.Т.04.01.
Расмий оппонентлар: Қодиров Тўлқин Жумаевич, техника фанлари доктори, профессор; Ўринов Улуғбек Комилжонович, техника фанлари доктори, профессор.
Етакчи ташкилот: Қарши давлат техника университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: уретан гуруҳли термо- ва фотобарқарор полимер композициялар олиш технологиясини ишлаб чиқиш ва материалларни оловбардошлигини яхшилашда қўллашдан иборат.
III. Тадқиқотнинг илмий янгилиги:
мочевина, малеин кислота, кротон алдегид турли нисбатларда сополимерланиб, юқори қовушқоқликка эга термо фотобарқарор олиго(поли)мерлар ҳосил бўлиши асосланган; 
реагенти билан ишлов берилган ёғоч намуналарининг термобарқарорлиги 300-537,4°C ҳарорат оралиғида термал жараёнларсиз экзотермик массани йўқотиш, 537,4 °C дан 748,7 °C гача ҳароратда кучли масса камайиши - полимернинг пиролитик парчаланиши, С – С оддий боғларининг узунлиги билан деструксия бошланиши аниқланиб, кул ҳосил бўлиши 950 °C гача давом этиши исботланган;
олинган фото- ва термобарқарор бирикмаларнинг турли консентрацияли эритмалари билан ишлов берилган намуналар кислород индекси бўйича классификацияланиб, материалларнинг ўт олиш хавфи пасайтирилди исботланган;
материалларнинг критик ҳароратга (600 °C) етиш учун зарур бўладиган вақт 48 минутгача узайиши билан, ҳимоя қопламалари ёғоч композицияларни қийин ёнадиган материаллар турига мос эканлиги исботланган;
мочевина, малеин кислота, кротон алдегид асосида термо- ва фотобарқарор  материаллар олиниш технологияси ишлаб чиқилган.
IV. Тадқиқот натижаларининг жорий қилиниши. Термо- ва фотобарқарор полимер композициялар олиш технологиясини ишлаб чиқиш ва материалларни оловбардошлигини яхшилаш бўйича эришилган илмий натижалар асосида:
маҳаллий минерал хомашёлар асосида ўтга чидамли қопламалар ва иссиқлик ўтказмайдиган фотобарқарор-тўлдирувчиларни қўллаб оловбардош материаллар ишлаб чиқаришнинг такомиллашган технологияси Шўртан ГШҚЧ бошқармасининг “2025-2026 йилларда амалиёга жорий этиш бўйича истиқболли ишланмалар рўйхати”га киритилган («Шўртан нефт ва газ қазиб чиқариш бошқармаси»нинг 2025 йил 30 апрелдаги ОП24\ЭД-1659-сонли маълумотномаси). Натижада, БИА реагенти билан ишлов берилган ёғоч намуналарининг термобарқарорлиги 300 °C дан бошланади ва 537,4 °C да да 35,4 % масса камайиб, термобарқарорлик хоссасини яхшилаш имконини беради;
элементоргани антипиренлар асосида ўтга чидамли қопламалар ва иссиқлик ўтказмайдиган фотобарқарор-тўлдирувчиларни қўллаб оловбардош материаллар ишлаб чиқаришнинг такомиллашган технологияси Шўртан ГШҚЧ бошқармасининг “2025-2026 йилларда амалиёга жорий этиш бўйича истиқболли ишланмалар рўйхати”га киритилган («Шўртан нефт ва газ қазиб чиқариш бошқармаси»нинг 2025 йил 30 апрелдаги ОП24\ЭД-1659-сонли маълумотномаси). Натижада, оловбардош теплоизолияцион полимер материаллар олиш имконини беради.