Нурманова Мохира Лапас қизининг
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): «Алифатик карбон кислоталарининг сирт фаол ҳосилаларини олиниши, коллоид-кимёвий хоссалари ва қўлланилиши», 02.00.11 – Коллоид ва мембрана кимёси (кимё фанлари).
Диссертация мавзуси рўйхатга олинган рақам: B2024.1.PhD/К737.
Илмий раҳбар: Махкамов Равшан Рахимович, кимё фанлари доктори, катта илмий ходим.
Диссертация бажарилган муассаса номи: Умумий ва ноорганик кимё институти.
ИК фаолият кўрсатаётган муассаса номи, ИК рақами: Умумий ва ноорганик кимё институти, DSc.02/30.12.2019.К/Т.35.01.
Расмий оппонентлар: Абдикамалова Азиза Бахтияровна, кимё фанлари доктори, профессор; Сидиқов Абдужалил Сидиқович, кимё фанлари доктори, профессор.
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: алифатик карбон кислоталар асосида янги сирт фаол моддалар синтез қилиш, уларнинг коллоид-кимёвий хоссаларини ва ишлатилиш соҳаларини аниқлашдан иборат.
III. Тадқиқотнинг илмий янгилиги:
маҳаллий олеин кислотасини консентрланган сулфат кислотаси иштрокида сулфурлаш ва олинган маҳсулотни ишқорларнинг этанолли эритмаси билан нейтраллаш реакцияси натижасида юқори сирт фаолик намоён қилувчи сулфо олеин кислотасининг тузлари олинган;
сулфо олеин кислотасини бир ва икки атомли спиртлар билан этерификация қилиш ва маҳсулотни натрий гидроксид эритмаси билан нейтраллаш натижасида янги сирт-фаол моддалар, сулфо олеин кислотасининг мураккаб эфирларининг натрийли тузлари синтез қилинган;
сулфо олеин кислотасининг икки атомли спиртлар билан олинган эфирлари қаторида сирт фаол моддалар молекуласидаги этоксил гуруҳлари сонининг ортиши билан сирт фаоллигининг ошиши ва мицелла ҳосил қилиш критик консентрацияси қийматининг пасайиши исботланган; 
синтез қилинган сулфо олеин кислотасининг мураккаб эфирларининг молекуласи таркибида иккинчи алифатик углеводород занжирининг узунлигининг ортиши билан бирикмаларнинг сирт фаоллигининг ортиши аниқланган;
СФМларнинг коллоид-кимёвий хоссалари орасида ўзаро боғлиқлик мавжудлиги аниқланди, бунда бирикмалар сирт фаоллигининг ортиши билан кўпик ҳосил қилиш қобилияти ортиб бориши исботланган;
янги СФМларни рангли металларни флотация усулида бойитишда кўпиртирувчилар таркибида, кон йўлларида чангни бостирувчи композициялар таркибида ва цемент дисперс тизимларининг барқарорлиги ва қотиш вақтини бошқариш учун саноатда қўллаш соҳалари аниқланган.
IV. Тадқиқот натижаларининг жорий қилиниши. Алифатик карбон кислоталарининг сирт-фаол ҳосилаларини олиниши, коллоид-кимёвий хоссалари ва қўлланилиши бўйича олинган натижалар асосида: 
алифатик карбон кислоталарининг сирт фаол ҳосилалари асосида кўпиртирувчи компазициялар олиш усули «Олмалиқ кон-металлургия комбинати» АЖнинг «2025-2026-йилларда амалиётга жорий этиш бўйича истиқболли ишланмалар рўйхати”га киритилган («Олмалиқ КМК» АЖ нинг 2024-йил 17-сентябрдаги 09-24/42-00024-сон маълумотномаси). Натижада, маҳаллий олеин кислотаси асосида БТ-3, Бутл, ФАБ-9 кўпиртирувчи компазициялар олиш имконини беради; 
кўпиртирувчи БТ-3, Бутл, ФАБ-9 компазицияларни рудаларни бойитишда қўллаш усули «Олмалиқ кон-металлургия комбинати» АЖ нинг «2025-2026-йилларда амалиётга жорий этиш бўйича истиқболли ишланмалар рўйхати”га киритилган («Олмалиқ КМК» АЖ Инновацион технологияларни ишлаб чиқиш ва жорий қилиш технологик марказининг 2024-йил 17-сентябрдаги, 09-24/42-00024-сонли маълумотномаси). Натижада, олинган кўпиртирувчи компазициясини 40 г/т миқдорида қўлланилганда руда таркибидаги мис консентратини 93,52% га қадар бойитиш имконини берди.