Каримов Нозимжон Алижоновичнинг фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Бошланғич тайёргарлик босқичдаги ғовлар оша югурувчи спортчиларни ҳаракат ритмига ўргатиш услубияти”, 13.00.04 - Жисмоний тарбия, спорт машғулотлари, соғломлаштириш ва адаптив жисмоний тарбия назарияси ва методикаси. 
Диссертация мавзуси рўйхатга олинган рақам: В2023.4.PhD/Ped6744
Илмий раҳбар: Тожиев Музаффаржон Акбарович педагогика фанлари бўйича фалсафа доктори (PhD), доцент. 
Диссертация бажарилган муассаса номи: Жисмоний тарбия ва спорт илмий тадқиқотлар нститути.
Илмий Кенгаш фаолият кўрсатаётган муассаса номи: Жисмоний тарбия ва спорт илмий тадқиқотлар институти, DSc.33/01.02.2022.Ped.146.01.
Расмий оппонентлар: Тўхтабоев Низомжон Турсуналиевич педагогика фанлари доктори (DSc), профессор; Бурнашев Рашид Ахадович педагогика фанлари бўйича фалсафа доктори (PhD), доцент.
Етакчи ташкилот: Чирчиқ давлат педагогика университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади бошланғич тайёргарлик босқичидаги ғовлар оша югурувчиларни махсус спорт анжомлари ёрдамида бажариладиган машқлар мажмуасини такомиллаштириш асосида ҳаракат ритмига ўргатиш самарадорлигини оширишдан иборат.
III. Тадқиқотнинг илмий янгилиги қуйидагилардан иборат:
бошланғич тайёргарлик босқичида 12-13 ёшли ғовлар оша югурувчи шуғулланувчиларнинг имкониятларидан келиб чиқиб машғулотлар жараёнида тўсиқлардан ошиб югуриш ритмик техникасини ғовга ҳужум қилиш, устидан пистолет шаклида оёқларни букиб ўтиш ва қўниш ҳамда ғовлар орасида қадамлар ҳаракатини ўрта ва катта амплитудада ҳаракат қилиш элементларини киритиш ҳисобига сўнгги 9-10 ғовлар оша ҳаракат ритмини ўзлаштириш имкониятлари кенгайтирилган;
бошланғич тайёргарлик босқичида шуғулланувчи ғовлар оша югурувчиларни техник ҳаракат имкониятларини кенгайтиришда спортчиларни индивидуал хусусиятларини (жисмоний ривожланиш) инобатга олиб, спорт машғулотлари жараёнида ёшига мос равишда оёқ мускулларини ривожлантирувчи тўсиқлардан югуриб ўтишга қаратилган ҳаракатли ўйин (мувозанат нарвони) киритиш ҳисобига қадамлар частотаси ва югуриш ритми шакллантирилган; 
ёш ғовлар оша югурувчиларнинг катта амплитудада ҳаракатланиши учун ҳужум қилувчи ва депсинувчи оёқларни ностандарт ғовлар билан бажариладиган махсус машқларни қўллаш ҳисобига ҳаракат ритми такомиллаштирилган;
енгил атлетикачиларни ғовлар оша югуриш техник фазаларини бажариш самарадорлигини ошириш учун ғовлар орасидаги масофаларда қадамлар ритмини кейинги ғовни устувор ҳужум қилувчи оёқ мушакларини ривожлантиришга қаратилган ностандарт турли балантликлардан иборат ғовлардан фойдаланиш ҳисобига бирдамликда ҳаракатланиш имкониятлари кенгайтирилган.
IV. Тадқиқот натижаларининг жорий қилиниши. Бошланғич тайёргарлик босқичида ғовлар оша югуришда спортчиларни тайёрлаш бўйича илғор тажрибаларни умумлаштириш ва тадқиқотлар давомида олинган илмий натижалар асосида:
бошланғич тайёргарлик босқичида 12-13 ёшли ғовлар оша югурувчи шуғулланувчиларнинг машғулотлар жараёнида ритмик техникасини ғовга ҳужум қилиш, устидан пистолет шаклида оёқларни букиб ўтиш ва қўниш ҳамда ғовлар орасида қадамлар ҳаракатини ўрта ва катта амплитудада ҳаракат қилиш элементларини сўнгги 9-10 ғовлар оша югуриш асосида ҳаракат ритмини такомиллаштирилган (Ўзбекистон Республикаси Спорт вазирлигининг 2024-йил 25-июндаги 03-16/6356-сонли маълумотномасига асосан). Натижада махсус спорт анжомлари орқали ғовлар оша югуриш техникасини ўрганиш жараёнида 12% яхшиланган;
бошланғич тайёргарлик босқичида шуғулланувчи ғовлар оша югурувчиларни техник ҳаракат имкониятларини кенгайтиришда (жисмоний ривожланиш) спорт машғулотлари жараёнида ёшига мос равишда оёқ мускулларини ривожлантирувчи тўсиқлардан югуриб ўтишга қаратилган ҳаракатли ўйин (мувозанат нарвони) ёрдамида қадамлар частотаси ва югуриш ритми шакллантирилган (Ўзбекистон Республикаси Спорт вазирлигининг 2024-йил 25-июндаги 03-16/6356-сонли маълумотномасига асосан). Таянч – ҳаракат аъзоларини ғовлар оша югуришга тайёрлаш 10,5% га ўсиши эришилган;
ёш ғовлар оша югурувчиларнинг катта амплитудада ҳаракатланиши учун ҳужум қилувчи ва депсинувчи оёқларни ностандарт ғовлар билан бажариладиган махсус машқларни қўллаш ҳисобига ҳаракат ритми такомиллаштирилган (Ўзбекистон Республикаси Спорт вазирлигининг 2024-йил 25-июндаги 03-16/6356-сонли маълумотномасига асосан). Қадамлаб юришнинг ҳар бир қадамида ғовлар оша югуришга ўргатиш 8,3% га ўсишига эришилди;
енгил атлетикачиларни ғовлар оша югуриш техник фазаларини бажариш самарадорлигини ошириш учун ғовлар орасидаги масофаларда қадамлар ритмини кейинги ғовни устувор ҳужум қилувчи оёқ мушакларини ривожлантиришга қаратилган ностандарт турли балантликлардан иборат ғовлардан фойдаланиш ҳисобига бирдамликда ҳаракатланиш имкониятлари кенгайтирилган (Ўзбекистон Республикаси Спорт вазирлигининг 2024-йил 25-июндаги 03-16/6356-сонли маълумотномасига асосан). Натижада биринчи ғовдан кейинги 3 қадам узунлиги 11,5% га, иккинчи ғовдан кейинги 3 қадам узунлиги 9,4% га, учинчи ғовдан кейинги 3 қадам узунлиги 7,2 % га ўсишига эришилди.