Азимова Шахло Низомовнанинг фалсафа доктори (PhD) 
диссертацияси ҳимояси ҳақида эълон

I.Умумий маълумотлар: Диссертация мавзуси, ихтисослик шифри (илмий даража бериладиган фан тармоғи номи): “Композит грунтлар таркибини уларнинг механик кўрсатгичларига таъсири”, 05.09.02 - Асослар, пойдевор ва ер ости иншоотлари. Кўприклар ва транспорт тоннеллари. Йўллар, метрополитенлар.
Илмий раҳбар: Сирожиддинов Зайниддин  Сирожиддинович, техника фанлари доктори, профессор.
 Диссертация бажарилган муассаса номи: “Мирзо Улуғбек номидаги Самарқанд давлат архитектура-қурилиш университети”.
Самарқанд давлат архитектура-қурилиш университети. 
PhD 26/26.01.2023.Т.109.02
Расмий оппонентлар: ф. м. ф. доктори проф. Султанов Карим Султанович ҳамда техника фанлари номзоди, доцент Мадатов Абдураҳим Мадатович. 
Етакчи ташкилот: “ЎЗОҒИРСАНОАТЛОЙИҲА ” АЖ
Диссертация йўналиши: амалий ва назарий аҳамиятга молик.
II. Тадқиқотнинг мақсади Қурилиш амалиётида кенг қўлланиладиган ўртача йирикликдаги ва йирик қум билан структураси бузилган гилли грунт  аралашмасидан ташкил топган композит грунтларни самарали таркибларини, ҳамда уларнинг физик кўрсатгичларига боғлиқ ҳолда меъёрлаштирилган деформация, мустаҳкамлик ва сув ўтказувчанлик кўрсатгичларини меъёрий ва ҳисобий қийматларини аниқлашга имкон берадиган усулларни яратиш.
III. Тадқиқотнинг илмий янгилиги қуйидагилардан иборат:
қум ва тупроқ аралашмасидан ҳосил бўлган композит грунтларнинг оптимал таркиби аниқланган;
композит грунтларнинг оптимал таркиби учун физик-механик кўрсатгичларининг турли эҳтимолий чегараларда меъёрлаштирилган (жадваллаштирилган) қийматлари аниқланган ва асосланган;
композит грунтларнинг оптимал таркиби учун компрессияли деформация модули ёрдамида ҳақиқий (дала шароитида аниқланадиган) деформация модулини аниқлаш учун “ўтиш коеффициенти” таклиф этилган;
композит грунтларни амалиётда анъанавий грунтлар оʻрнига қоʻллаганда, уларни самарали эканлиги тасдиқланган.
IV. Тадқиқот натижаларининг жорий қилиниши: Композит грунтларнинг аниқланган оптимал таркиби ва намлиги, уларнинг максимал мустаҳкамлик ва деформация кўрсатгичларига эришишига имкон берди, ишлаб чиқилган услуб қуйидаги лойиҳаларда жорий қилинди: 
Самарқанд шаҳридаги Гагарин ва Мирзо Улуғбек кўчалари кесишмасидаги   қурилган тоннелнинг тирговуч деворлари орқа бўшлиқларини тавсия этилган композит грунт билан тўлдирилганда, тирговуч деворнинг турғунлиги ошишига эришилди;
 Самарқанд тумани “Қайнама” маҳалласида қурилаётган кўп қаватли 52- хонадонли 7 қаватли турар - жой биноси асосини барпо этишда қўлланилиб, асос чўкишининг, ҳамда пойдевор ўлчамларини камайишига эришилди; 
Самарқанд шаҳар Ҳ. Абдуллаев кўчаси йўл тўшамаси реконструксиясида қўлланилиб, таклиф қилинаётган вариант бўйича йўл қурилиши арзонлашган. 
Бундан ташқари, диссертация иши юзасидан «Эхпресс-Прожект» МЧЖ, “Марди Бунёдкор Қурилиш” МЧЖ, “Самарқандйўллойиҳалаш” МЧЖ томонидан илмий-тадқиқот иши натижаларининг амалиётга қўлланилганлиги тўғрисида далолатномалар ҳамда Қурилиш ва уй-жой коммунал хўжалиги вазирлиги ҳузуридаги Техник меъёрлаш ва стандартлаштириш илмий-тадқиқот институтидан маълумотнома тақдим этилган.
Бундан ташқари ўтказилган тадқиқотлар натижаларидан фойдаланиш бўйича таклифлар Ўзбекистон Республикаси Қурилиш ва уй-жой коммунал хўжалиги вазирлиги Илмий-техник кенгашининг қарори билан қабул қилинган (2025 йил 25 Февралдаги  №04/06 -сон маълумотнома)