Эргашев Нурилло Тохирбек ўғли
фалсафа доктори (PhD) диссертацияси ҳимояси ҳақида эълон

I. Умумий маълумотлар.
 Диссертация мавзуси, ихтисослик шифри (илмий даража бериладиган тармоғи номи): “Катта ҳажмли трактор тиркамаси тормоз тизими параметрларини асослаш”, 05.08.06 – “Ғилдиракли ва гусеницали машиналар ва уларни ишлатиш” (техника фанлари).
Диссертация мавзуси рўйхатга олинган рақам: В2025.1.PhD/Т5469 
Илмий раҳбар: Шермухамедов Абдулазиз Адилхакович, техника фанлари доктори, профессор.
Диссертация бажарилган муассаса номи: Тошкент давлат транспорт университети.
ИК фаолият кўрсатаётган муассаса (муассасалар) номи, ИК рақами: Тошкент давлат транспорт университети ҳузуридаги DSc.15/31.08.2022.Т.73.03 рақамли илмий кенгаш
Расмий оппонентлар: Ханкелов Тавбай Каршиевич, техника фанлари доктори, профессор; Астанақулов Комил Дўллиевич, техника фанлари доктори, профессор.
Етакчи ташкилот: Жиззах политехника институти.
Диссертация йўналиши. Техника йўналиши. Назарий ва амалий аҳамиятга молик.
II. Тадқиқотнинг мақсади маҳаллий ишлаб чиқарилган катта ҳажмли трактор тиркамаси тормоз тизимининг параметрларини асослашдан иборат.
III. Тадқиқотнинг илмий янгилиги:
катта ҳажмли трактор тиркамаси учун тормозланиш жараёнида таянч юзанинг нормал реакция кучлари қайта тақсимланишини баҳолаш имконини берадиган тормозлаш самарадорлигининг эмпирик коеффисиенти қийматлари аниқланган;
катта ҳажмли трактор тиркамаси тормоз юритмасининг ишлаш жараёнини ўтказувчи қувур ва тормоз камераси диаметрларига боғлиқ равишда ўқларининг тормозлашини синхрон бўлмаган ҳолда ишлашини ҳисоблаш услуби ишлаб чиқилган;
катта ҳажмли трактор тиркамаси тормоз тизимини функсионал тугалланган элементлар усули асосида ҳисоблаш модели ишлаб чиқилган;
катта ҳажмли трактор тиркамаси тормоз тизими иш жараёнини ташқи таъсир, юритмалар тизими, бошқарув таъсири, тормоз кучининг ўқлар бўйича тақсимланишини ҳисобга олувчи сонли ҳисоблаш услуби ишлаб чиқилган.
IV. Тадқиқот натижаларининг жорий қилиниши. Юк кўтарувчанлиги оширилган, катта ҳажмли трактор тиркамаси тормоз тизимининг параметрларини асослаш бўйича тадқиқотлар асосида қуйидаги илмий натижалар жорий этилган:
катта ҳажмли трактор тиркамасининг тормозлаш самарадорлигини эмпирик коеффисиенти қийматлари “Қишлоқ хўжалиги машинасозлиги конструкторлик-технологик маркази” МЧЖга жорий этилган (“Ўзавтосаноат” АЖнинг 2024 йил 18 январдаги 17/07-25-2011-сон маълумотномаси). Натижада, катта ҳажмли трактор тиркамаси учун тормозланиш жараёнида таянч юзанинг нормал реакция кучлари қайта тақсимланишини баҳолаш имконини берган;
илмий асосланган катта ҳажмли трактор тиркамаси тормоз юритмасининг ишлаш жараёнини ўтказувчи қувур диаметри ва тормоз камераси диаметрларига боғлиқ ҳолда ўқларининг тормозлашини синхрон бўлмаган ҳолда ишлашини ҳисоблаш услуби “Қишлоқ хўжалиги машинасозлиги конструкторлик-технологик маркази” МЧЖга жорий этилган (“Ўзавтосаноат” АЖнинг 2024 йил 18 январдаги 17/07-25-2011-сон маълумотномаси). Натижада, тиркаманинг орқа ўқлари ғилдираклари олдинги ўқ ғилдиракларидан тезроқ тормозлаш ҳисобига турғун тормозланиши таъминланган;
катта ҳажмли трактор тиркамаси тормоз тизимини функсионал тугалланган элементлар усули асосида ҳисоблаш модели “Қишлоқ хўжалиги машинасозлиги конструкторлик-технологик маркази” МЧЖга жорий этилган (“Ўзавтосаноат” АЖнинг 2024 йил 18 январдаги 17/07-25-2011-сон маълумотномаси). Натижада тормоз тизимининг элементлари парамертлари асосланган;
тиркамалар тормоз тизими иш жараёнини сонли ҳисоблаш услуби “Қишлоқ хўжалиги машинасозлиги конструкторлик-технологик маркази” МЧЖга жорий этилган (“Ўзавтосаноат” АЖнинг 2024 йил 18 январдаги 17/07-25-2011-сон маълумотномаси). Натижада лойиҳалаш-конструкторлик ишлари, тажриба ва саноат нусхаларини ишлаб чиқаришнинг самарадорлигини 25% га оширишга эришилган. Илмий натижаларнинг қўлланилиши орқали ишлаб чиқилган катта ҳажмли трактор тиркамасидан фойдаланишда, бир йил мобайнида кутилаётган иқтисодий самара 42,5 млн. сўм ни ташкил этган.