Жўраев Иброхим Боходир ўғлининг
педагогика фанлари бўйича фалсафа доктори (PhD) 
диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ўқув-машқ босқичида тоғ чанғичиларнинг махсус жисмоний тайёргарлигини ошириш услубияти”, 13.00.04–Жисмоний тарбия, спорт машғулотлари, соғломлаштириш ва адаптив жисмоний тарбия назарияси ва методикаси, педагогика фанлари.
Диссертация мавзуси рўйхатга олинган рақам: B2024.4.PhD/Ped8875.
Илмий раҳбар: Давлетмуратов Султанбек Рузимович педагогика фанлари бўйича фалсафа доктори (PhD), доцент.
Диссертация бажарилган муассаса номи: Жисмоний тарбия ва спорт илмий тадқиқотлар институти.
Илмий Кенгаш фаолият кўрсатаётган муассаса номи, ИК рақами: Ўзбекистон давлат жисмоний тарбия ва спорт университети, DSc.03/30.12.2019.Ped.28.01.
Расмий оппонентлар: Газиев Шукуржон Шухрат ўғли педагогика фанлари доктори (DSc), доцент; Акрамов Жасур Анварович педагогика педагогика фанлари номзоди, профессор.
Етакчи ташкилот: Гулистон давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади ўқув-машқ босқичидаги тоғ чанғичиларини махсус жисмоний тайёргарлигини ошириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги қуйидагилардан иборат:
ўқув-машқ босқичидаги тоғ чанғичиларининг календар режа асосида ўтказиладиган мусобақаларга тайёрлаш учун наъмунавий йиллик режани такомиллаштириш билан техник-тактик ҳаракатларни ривожлантирувчи ускунани турли тайёргарлик босқичларида қўллаш ҳисобига машғулот юкламалари оптималлаштирилган;
тоғ чанғичиларни қишки мавсумга тайёрлаш мақсадида ҳафта кунларида табиий шароит ва ускуналардан фойдаланиб оёқ мушаклар учун бурилиш, дарвозадан ўтиш ҳаракатларини турли даражадаги тезлик, бурилишларга мослаштириб қисқа вақтда масофани ўзгартириб босиб ўтиш ҳисобига тезкор бурилиш техник ҳаракатини хатоларсиз бажариш имконияти кенгайтирилган;
ўқув-машқ босқичидаги тоғ чанғичиларнинг жисмоний тайёргарлигини ривожлантириш учун мавсумдан ташқари даврда ишлаб чиқилган “Скй-теч” ускунаси ёрдамида турли йўналишдаги дарвозалардан ўтиш кўринишида чап ва ўнга эгилиб бажариладиган ҳаракатларнинг энг юқори қаршиликда тезликни ошириб бажариш ҳисобига бурилишлардаги иммитацион ҳаракатларни бажариш самарадорлиги оширилган;
тоғ чанғичиларининг махсус жисмоний сифатларни ошириш учун ишлаб чиқилган мураккаб-координацион ҳаракатларни мусобақанинг турли босқичларида бажариш кўникмаларини ривожлантирувчи машғулотлар методикаси ёрдамида оралиқ масофани ўзгартириш билан учиш тезлигини вақтида бошқариб ҳаракатланиш имкониятлари кенгайтирилган.
IV. Тадқиқот натижаларининг жорий қилиниши. ўқув-машқ босқичидаги тоғ чанғичиларини махсус жисмоний тайёргарлигини ошириш бўйича ишлаб чиқилган тадқиқот натижалар асосида:
ўқув-машқ босқичидаги тоғ чанғичиларининг наъмунавий йиллик режасини такомиллаштириш мақсадида даврда техник-тактик ҳаракатларни ривожлантирувчи ускунани турли тайёргарлик босқичларида қўллаш бўйича таклиф ва тавсиялар “Зимние виды спорта” номли дарслик мазмунига сингдирилган (Ўзбекистон Республикаси Олий ва ўрта махсус таълим вазирлигининг 2020-йил 6-октябрдаги 522-сонли буйруғига асосан ЎҚ-522-124 рақамли гувоҳномаси) Натижада, ўқув-машқ гуруҳидаги тоғ чанғичиларнинг функсионал тайёргарлиги 15,2 % га яхшиланишга эришилган;
тоғ чанғичиларни қишки мавсумга тайёрлаш мақсадида ҳафта кунларида табиий шароит ва ускуналардан фойдаланиб оёқ мушаклар учун бурилиш, дарвозадан ўтиш ҳаракатларини турли даражадаги тезлик, бурилишларга мослаштириб қисқа вақтда масофани ўзгартириб босиб ўтиш бўйича таклиф ва тавсиялар Спортнинг қишки ва мураккаб техник спорт турлари бўйича таклифлар Республика Олий спорт маҳорати мактаби тоғ чанғичилар машғулот жараёнига татбиқ қилинган (Ўзбекистон Республикаси спорт вазирлигининг 2025-йил 22-февралдаги 02-16/1837-сон маълумотномаси). Натижада, тоғ чанғичиларни техник тайёргарлиги 13,8%га яхшиланган; 
ўқув-машқ босқичидаги тоғ чанғичиларнинг жисмоний тайёргарлигини ривожлантириш учун мавсумдан ташқари даврда ишлаб чиқилган “Скй-теч” ускунаси ёрдамида турли йўналишдаги дарвозалардан ўтиш кўринишида чап ва ўнга эгилиб бажариладиган ҳаракатларнинг энг юқори қаршиликда тезликни ошириб бажариш бўйича таклифлар Республика Олий спорт маҳорати мактаби тоғ чанғичилар машғулот жараёнига татбиқ этилган (Ўзбекистон Республикаси спорт вазирлигининг 2025-йил 22-февралдаги 02-16/1837-сон маълумотномаси). Натижада, тоғ чанғичиларни махсус жисмоний тайёргарлиги умумий ҳисобда 16,7 % га ошган;
тоғ чанғичиларининг махсус жисмоний сифатларни ошириш учун ишлаб чиқилган мураккаб-координацион ҳаракатларни мусобақанинг турли босқичларида бажариш кўникмаларини ривожлантирувчи машғулотлар методикаси бўйича таклифлар Республика Олий спорт маҳорати мактаби тоғ чанғичилари машғулоти ва мусобақа жараёнига жорий қилинган (Ўзбекистон Республикаси спорт вазирлигининг 2025-йил 22-февралдаги 02-16/1837-сон маълумотномаси). Натижада, тоғ чанғичиларнинг жисмоний тайёргарлиги умумий ҳисобда ўртача 14,3 % га яхшиланишга эришилган.