Нўманова Сохиба Эргашбоевнанинг
фалсафа доктори (PhD) диссертацияси ҳимояси ҳақида эълон

I.Умумий маълумотлар
Диссертация мавзуси: Инновацион ёндашув асосида талабаларнинг касбий-амалий компетентлигини ривожлантириш методикасини такомиллаштириш.
Ихтисослик шифри: 13.00.02.Таълим ва тарбия назарияси ва методикаси (техника фанлари).
Диссертация мавзуси рўйхатга олинган рақам: B2023.3.PhD/Ped5088.
Илмий раҳбарнинг Ф.И.Ш., илмий даражаси ва унвони: Химматалиев Дўстназар Омонович, педагогика фанлари докрори, профессор.
Диссертация бажарилган муассаса номи: Наманган муҳандислик-қурилиш институти.
Илмий кенгаш фаолият кўрсатаётган муассаса номи, Илмий кенгаш рақами: Тошкент архитектура-қурилиш институти, PhD.03/08.05.2024А.11.02
Расмий оппонентларнинг Ф.И.Ш., илмий даражаси ва унвони: 
Хамидов Жалил Абдурасулович педагогика фанлари доктори, профессор.
Мардов Санжар Худойқулович, педагогика фанлар номзоди, доцент
Етакчи ташкилот номи: Ислом Каримов номидаги Тошкент Давлат техника унверситети
Диссертация йўналиши: назарий ва амалий аҳамиятга молик.
II.Тадқиқотнинг мақсади техника олий таълим муассасаларида инновацион ёндашув асосида талабаларнинг касбий-амалий компетентлигини ривожлантириш методикасини такомиллаштиришдан иборат.
III.Тадқиқот ишининг илмий янгилиги қуйидагилардан иборат:
техника олий таълим муассасалари талабаларининг касбий-амалий компетентлигини ривожлантиришнинг методик асослари техник фанларни ўқитишда субектларнинг академик ҳамкорлигини таъминловчи креатив қарор ва амалий ечим тамойилини педагогик трансформация устуворлигида дидактик жараёнга киритиш асосида аниқлаштирилган; 
умумкасбий фанларни ўқитишнинг методик модели касбий-амалий фаолиятнинг мазмуни, тузилиши ва кўп ўлчовли хусусиятларига мос танланган дидактик блокларни педагогик жараённи инновацион моделлаштиришга қаратилган вертикал (малака талаблари ва тависфлари бўйича) ва горизонтал (метод, ресурс, лаборатория) таъсирни  техник-дизайн, конструксиялаш босқичларида персонализациялашув имкониятларига кўра оптималлаштириш асосида ишлаб чиқилган; 
бўлажак қурилиш соҳаси мутахассисларининг касбий-амалий компетентлигини ривожлантириш методикаси талабаларга касбга доир малакаларни индивидуал-конструктив контекстда эгаллаш имконини берувчи техник-блиц топшириқларини рефлексив анализга мослаштирилган лойиҳалар мазмунига ассоциатив идрок ва амалиёт интеграциясига киритиш асосида такомиллаштирилган; 
талабаларининг касбий компетентлик даражасини аниқлаш ва диагностик баҳолашнинг педагогик тизими талабаларнинг мустақил таълимида қурилиш материаллари ва конструксияларини визуал ва структурали синтезлаш кўникмаларини баҳолашга мўлжалланган квалиметрик мезонларни ахборот билан ишлашни топиш, қайта ишлаш ва қўллаш босқичларини дифференциаллаш асосида такомиллаштирилган. 
IV. Тадқиқот натижаларининг жорий қилиниши. Техника олий таълим муассасалари талабаларида касбий компетентлигини ривожлантириш методикасини такомиллаштириш бўйича ўтказилган тадқиқот натижалари асосида:
техника олий таълим муассасалари талабаларининг касбий-амалий компетентлигини ривожлантиришнинг методик асослари техник фанларни ўқитишда субектларнинг академик ҳамкорлигини таъминловчи креатив қарор ва амалий ечим тамойилини педагогик трансформация устуворлигида дидактик жараёнга киритишга доир амалий таклиф ва тавсиялардан 60730700-ҚМБКИЧ бакалавриат таълим йўналишининг таълим стандарти мазмунини ишлаб чиқишда фойдаланилган (Олий таълим, фан ва инновациялар вазирлигининг 2023 йил 16 октябрдаги 4/17-4/4-7241-сон маълумотномаси). Натижада, бўлажак мутахассисларнинг муҳандисликка доир касбий-амалий компетенцияларини такомиллаштиришга хизмат қилган;
умумкасбий фанларни ўқитишнинг методик модели касбий-амалий фаолиятнинг мазмуни, тузилиши ва кўп ўлчовли хусусиятларига мос танланган дидактик блокларни педагогик жараённи инновацион моделлаштиришга қаратилган вертикал (малака талаблари ва тависфлари бўйича) ва горизонтал (метод, ресурс, лаборатория) таъсирни  техник-дизайн, конструкциялаш босқичларида персонализациялашув имкониятларига кўра оптималлаштиришга доир амалий таклиф ва тавсиялардан “Қурилиш конструксиялари” номли ўқув қўлланмани ишлаб чиқишда фойдаланилган (Олий таълим вазирлигининг 2022 йил 30 декабрдаги 429-сон буйруғи, 429-40 рақамли гувоҳнома). Натижада, талабаларнинг касбий-амалий компетентлигини ривожлантириш самарадорлигини оширишга хизмат қилган;
    бўлажак қурилиш соҳаси мутахассисларининг касбий-амалий компетентлигини ривожлантириш методикаси талабаларга касбга доир малакаларни индивидуал-конструктив контекстда эгаллаш имконини берувчи техник-блиц топшириқларини рефлексив таҳлилга мослаштирилган лойиҳалар мазмунига ассоциатив идрок ва амалиёт интеграциясида киритишга оид таклифларидан “Бетон таркибини аниқлаш” номли лаборатория машғулотларини ўтказиш учун электрон мажмуа ишлаб чиқишда фойдаланилган (Олий таълим, фан ва инновациялар вазирлигининг 2023 йил 16 октябрдаги 4/17-4/4-7241-сон маълумотномаси). Натижада, бўлажак қурувчиларни касбий фаолиятига тайёрлаш самарадорлигини оширишга хизмат қилган.