Хусанов Нуриддин Аҳмадхоновичнинг
фалсафа доктори (PhD) диссертация ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): «Руда майдаловчи жиҳозлар деталларининг ишчи юзаларига ейилишбардош қоплама қоплаш учун қаттиқ қотишма таркибини ишлаб чиқиш ва тадқиқот қилиш», 05.02.01 - Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси (техника фанлари).
Диссертация мавзуси рўйхатга олинган рақам: В2024.2.PhD/Т3108.
Илмий раҳбар: Каримов Шоирджон Аҳралович, техника фанлари номзоди, профессор. 
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.К/Т.03.01. 
Расмий оппонентлар: Улмасов Тулқин Усманович, техника фанлари доктори; Бегатов Жаҳонгир Махамаджонович, техника фанлари бўйича фалсафа доктори (PhD), доцент.
Етакчи ташкилот: Миллий технологик тадқиқотлар университети МИСиСнинг Олмалиқ шаҳридаги филиали.
Диссертация йўналиши: амалий аҳамиятга молик.
II. Тадқиқотнинг мақсади руда майдаловчи жиҳозлар деталларининг ишчи юзаларига ейилишбардош қоплама қоплаш учун қаттиқ қотишма таркибини ишлаб чиқишдан иборат.
III. Тадқиқотнинг илмий янгилиги:
қоплама қоплаш жараёнларни моделлаштириш асосида электроконтактли пишириш усулида қоплашга мўлжалланган юқори ейилишга бардошли қопламанинг янги таркиби ишлаб чиқилган;
электроконтактли пишириш жараёнини моделлаштириш асосда оптимал таркибли кукун аралашмасидан юқори физик-механик ва эксплуатацион хоссаларга эга бўлган қоплама олишнинг технологик режимлари ишлаб чиқилган;
вольфрам карбиди асосли кукун аралашмани электроконтактли пишириш усулида деталлар юзасига қоплашда ток кучи 475 А, кучланиш 0,66 В қийматига эга бўлган ҳолда кукун аралашмадаги боғловчи компонентни суюқ фазага ўтиши қопламани қоплаш жараёнини моделлаштириш асосида аниқланган;
вольфрам карбиди асосли кукун аралашмани электроконтактли пишириш усулида деталлар юзасига қоплашда ток кучини 485 А қийматидан ва кучланишни 0,80 В қийматдан ортиши кукун аралашмадаги боғловчи компонент миқдорини камайишига олиб келиши эксперементал аниқланган;
вольфрам карбиди асосли қаттиқ қотишма кукун аралашмаларини электроконтактли пишириш орқали деталлар юзасига қоплашнинг самарали технологияси ишлаб чиқилган.
IV. Тадқиқот натижаларининг жорий қилиниши. Руда майдаловчи жиҳозлар деталларининг ишчи юзаларига ейилишбардош қоплама қоплаш учун қаттиқ қотишма таркибини ишлаб чиқиш бўйича олинган натижалар асосида:
руда майдаловчи жиҳозлар деталларининг торецли ишчи юзасига электроконтакт пишириш усулида ейилишга бардошли қоплама қоплаш қурилмаси «Олмалиқ КМК» АЖ қошидаги “Инновацион технологияларни ишлаб чиқиш ва жорий қилиш технологик маркази”да амалиётга жорий этилган («Олмалиқ КМК» АЖнинг 2024 йил 3 декабрдаги 03-24/42-0008 -сонли маълумотномаси). Натижада, керакли ўлчамгача майдаланган рудаларни ишлаб чиқариш унумдорлигини 1,3...1,5 марта ошириш имконини берган;
руда майдаловчи жиҳозлар деталларининг торецли ишчи юзасига электроконтакт пишириш усулида ейилишга бардошли қоплама қоплаш учун вольфрам карбиди асосли қаттиқ қотишма кукунларининг оптимал таркиби «Олмалиқ КМК» АЖ қошидаги “Инновацион технологияларни ишлаб чиқиш ва жорий қилиш технологик маркази”да амалиётга жорий этилган («Олмалиқ КМК» АЖнинг 2024 йил 3 декабрдаги 03-24/42-0008-сонли маълумотномаси). Натижада, руда майдаловчи жиҳозлар деталларининг ишчи юзасини қоплама билан қоплаш деталларнинг ишлаш ресурсини 15-20% ошириш ҳамда сарф харажатларни 10-12% камайтириш имконини берган.