Махмудов Фируз Бахтиёр ўғлининг юридик фанлар доктори (DSc)
диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи “давлат фуқаролик хизматчилари фаолиятида манфаатлар тўқнашувини олдини олишнинг ташкилий-ҳуқуқий асосларини такомиллаштириш”, 12.00.02 – Конституциявий ҳуқуқ. Маъмурий ҳуқуқ. Молия ва божхона ҳуқуқи.  
Диссертация мавзуси рўйхатга олинган рақам: В2024.2.DSc/Yu310.
Илмий маслаҳатчи: Хайитов Хушвақт Сапарбаевич, юридик фанлар доктори, профессор.
Диссертация бажарилган муассаса номи: Тошкент давлат юридик университети.
ИК фаолият кўрсатаётган муассаса номи, ИК рақами: Тошкент давлат юридик университети, DSc.07/30.12.2019.Yu.22.02.
Расмий оппонентлар: Давлятов Валишер Хакимжанович, юридик фанлар доктори, доцент; Асадов Шавкат Ғайбуллоевич, юридик фанлар доктори, профессор; Тўхташева Умида Абдиловна, юридик фанлар доктори, профессор.
Етакчи ташкилот: Ўзбекистон Республикаси Ҳуқуқни муҳофаза қилиш академияси.
Диссертациянинг йўналиши: назарий ва амалий аҳамиятга молик.
II. Тадқиқотнинг мақсади давлат фуқаролик хизматчилари фаолиятида манфаатлар тўқнашувини олдини олишнинг ташкилий-ҳуқуқий асосларини такомиллаштириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги қуйидагилардан иборат:
манфаатлар тўқнашувига йўл қўймасликни давлат хизматчилари фаолиятининг асосий принципларидан бири сифатида белгилаш зарурлиги асослантирилган;
ишлаб чиқилаётган норматив-ҳуқуқий ва бошқа ҳужжатларга бирон-бир шахс, гуруҳ ёки идоралар манфаати нуқтаи назаридан ёндашмаслик ҳамда уларнинг манфаатлари ифода этилишига йўл қўймаслик лозимлиги асослаб берилган;
ташкилотларнинг комплаенс назорат бўлинмалари (ёки ушбу вазифа юклатилган масъул шахс) хизмат сафарига юборилган ходимларни манфаатлар тўқнашуви ва коррупсиявий ҳолатларга йўл қўймасликлари устидан доимий назорат олиб боришга масъул ҳисобланиши асослантириб берилган;
давлат органи ёки бошқа ташкилот ходимининг яқин қариндошларини, шунингдек уларнинг акциялари ёки улушларига эгалик қилаётган ёхуд тизимида ишлаётган юридик шахсларни давлат органи ёки бошқа ташкилотнинг ходимига алоқадор шахслар сифатида белгилаш лозимлиги асослаб берилган;
эҳтимолий манфаатлар тўқнашуви тўғрисидаги декларация тартибини жорий этиш, декларацияни тақдим этиш тартибини қонунчиликда белгилаш, мазкур вазифаларни амалга оширишни ташкилотлардаги махсус бўлинмалар зиммасига юклаш зарурлиги асослантирилган;
давлат органи ёки бошқа ташкилот ходимини манфаатлар тўқнашуви юзага келмайдиган бошқа раҳбарнинг бўйсунувига ўтказиш, ўзини ўзи рад этиши орқали ёки мажбуран четлаштириш, лавозимига тенг бошқа лавозимга ўтказиш ёки меҳнат шартномасини бекор қилиш каби чораларни манфаатлар тўқнашувига оид ҳолатлар юз берганда қўлланиладиган чоралар сифатида белгилаш кераклиги асослаб берилган.
IV. Тадқиқот натижаларининг жорий қилиниши. Тадқиқот иши бўйича олинган илмий натижалардан қуйидагиларда фойдаланилди:
манфаатлар тўқнашувига йўл қўймасликни давлат хизматчилари фаолиятининг асосий принципларидан бири сифатида белгилаш зарурлигига оид таклиф Ўзбекистон Республикаси Вазирлар Маҳкамасининг 2022-йил 14-октябрдаги 595-сон қарори билан тасдиқланган Давлат фуқаролик хизматчилари одоб-ахлоқининг намунавий қоидалари 
2-бандини ишлаб чиқишда инобатга олинган (Ўзбекистон Республикаси Бош вазири котибияти Ахборот-таҳлил ва юридик таъминлаш департаментининг 2024-йил 
8-апрелдаги 12-сон далолатномаси). Ушбу таклифнинг жорий қилиниши давлат хизматчилари фаолиятида манфаатлар тўқнашувини олдини олишга хизмат қилган;
ишлаб чиқилаётган норматив-ҳуқуқий ва бошқа ҳужжатларга бирон-бир шахс, гуруҳ ёки идоралар манфаати нуқтаи назаридан ёндашмаслик ҳамда уларнинг манфаатлари ифода этилишига йўл қўймаслик лозимлигига оид таклиф Ўзбекистон Республикаси Вазирлар Маҳкамасининг 2022-йил 14-октябрдаги 595-сон қарори билан тасдиқланган Давлат фуқаролик хизматчилари одоб-ахлоқининг намунавий қоидалари
2-бандини ишлаб чиқишда инобатга олинган (Ўзбекистон Республикаси Бош вазири котибияти Ахборот-таҳлил ва юридик таъминлаш департаментининг 2024-йил 
8-апрелдаги 12-сон далолатномаси). Ушбу таклифнинг жорий қилиниши норматив-ҳуқуқий ва бошқа ҳужжатлар мазмунида манфаатлар тўқнашувини келтириб чиқарадиган нормаларнинг бўлишини олдини олишга хизмат қилган;
ташкилотларнинг комплаенс назорат бўлинмалари (ёки ушбу вазифа юклатилган масъул шахс) хизмат сафарига юборилган ходимларни манфаатлар тўқнашуви ва коррупсиявий ҳолатларга йўл қўймасликлари устидан доимий назорат олиб боришга масъул ҳисобланиши ҳақидаги таклиф Ўзбекистон Республикаси Вазирлар Маҳкамасининг 2022-йил 2-августдаги 424-сон қарори билан тасдиқланган Ўзбекистон Республикаси ҳудудида хизмат сафарлари тўғрисидаги низомнинг 
25-бандини ишлаб чиқишда инобатга олинган (Ўзбекистон Республикаси Бош вазири котибияти Ахборот-таҳлил ва юридик таъминлаш департаментининг 2024-йил 
8-апрелдаги 12-сон далолатномаси). Ушбу таклифнинг жорий қилиниши хизмат сафарига юборилган ходимларни манфаатлар тўқнашуви ва коррупсиявий ҳолатларга йўл қўймасликлари устидан назорат олиб бориш механизмларини яратишга хизмат қилган;
давлат органи ёки бошқа ташкилот ходимининг яқин қариндошларини, шунингдек уларнинг акциялари ёки улушларига эгалик қилаётган ёхуд тизимида ишлаётган юридик шахсларни давлат органи ёки бошқа ташкилотнинг ходимига алоқадор шахслар сифатида белгилаш лозимлигига оид таклиф Ўзбекистон Республикасининг 2024-йил 5-июндаги “Манфаатлар тўқнашуви тўғрисида”ги 
ЎРҚ-931-сон Қонуни 5-моддасини ишлаб чиқишда инобатга олинган (Ўзбекистон Республикаси Олий Мажлиси Қонунчилик палатаси Саноат, қурилиш ва савдо масалалари қўмитасининг 2024-йил 24-июлдаги 04/7-10-78-сон далолатномаси). Ушбу таклифнинг жорий қилиниши нафақат давлат органи ёки бошқа ташкилот ходими фаолиятида, балки унга алоқадор шахслар фаолиятида ҳам манфаатлар тўқнашуви билан боғлиқ ҳолатларнинг олдини олишга хизмат қилган;
эҳтимолий манфаатлар тўқнашуви тўғрисидаги декларация тартибини жорий этиш, декларацияни тақдим этиш тартибини қонунчиликда белгилаш, мазкур вазифаларни амалга оширишни ташкилотлардаги махсус бўлинмалар зиммасига юклаш зарурлиги ҳақидаги таклиф Ўзбекистон Республикасининг 2024-йил 5-июндаги “Манфаатлар тўқнашуви тўғрисида”ги ЎРҚ-931-сон Қонуни 18-моддасини ишлаб чиқишда инобатга олинган (Ўзбекистон Республикаси Олий Мажлиси Қонунчилик палатаси Саноат, қурилиш ва савдо масалалари қўмитасининг 2024-йил 24-июлдаги 04/7-10-78-сон далолатномаси). Ушбу таклифнинг жорий қилиниши манфаатлар тўқнашувини олдини олиш мақсадида эҳтимолий манфаатлар тўқнашуви тўғрисидаги декларация тартибини жорий этиш, декларацияни тақдим этиш тартибининг ҳуқуқий асосларини яратишга хизмат қилган;
давлат органи ёки бошқа ташкилот ходимини манфаатлар тўқнашуви юзага келмайдиган бошқа раҳбарнинг бўйсунувига ўтказиш, ўзини ўзи рад этиш ёки мажбуран четлаштириш, лавозимига тенг бошқа лавозимга ўтказиш ёки меҳнат шартномасини бекор қилиш каби чораларни манфаатлар тўқнашувига оид ҳолатлар юз берганда қўлланиладиган чоралар сифатида белгилаш кераклигига оид таклиф Ўзбекистон Республикасининг 2024-йил 5-июндаги “Манфаатлар тўқнашуви тўғрисида”ги ЎРҚ-931-сон Қонуни 21-моддасини ишлаб чиқишда инобатга олинган (Ўзбекистон Республикаси Олий Мажлиси Қонунчилик палатаси Саноат, қурилиш ва савдо масалалари қўмитасининг 2024-йил 24-июлдаги 04/7-10-78-сон далолатномаси). Ушбу таклифнинг жорий қилиниши давлат фуқаролик хизматчиси фаолиятида манфаатлар тўқнашуви билан боғлиқ вазият юзага келса, уни қандай ҳал қилиш механизмларини яратишга хизмат қилган.
Мазкур диссертация хулосалари асосида ишлаб чиқилган манфаатлар тўқнашувини олдини олишнинг ташкилий-ҳуқуқий асосларини такомиллаштиришга оид таклиф ва тавсиялари қабул қилинган.