Mardonov Jolg‘osh Abdumajitovichning 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Laplas va elektromagnit maydonlarini,  ularning soha chegarasini bir qismida berilgan qiymatlariga ko‘ra sohaga davom ettirish”, 01.01.02 – “Differensial tenglamalar va matematik fizika”.
Dissertatsiya mavzusi ro‘yxatga olingan raqam: B2022.4.PhD/FM790.
Ilmiy rahbar: Sattorov Ermamat Norqulovich, fizika-matematika fanlari doktori, dotsent.
Dissertatsiya bajarilgan muassasa nomi: Sharof Rashidov nomidagi Samarqand davlat universiteti.
    IK faoliyat ko‘rsatayotgan muassasa nomi, IK raqami: Samarqand davlat universiteti huzuridagi DSc.03/30.12.2019.FM.02.01.
    Rasmiy opponentlar: Xalmuhamedov Alimdjan Raximovich, fizika-matematika fanlari doktori, professor; Durdiev Durdimurod Qalandarovich, fizika-matematika fanlari doktori, professor.
Yetakchi tashkilot: Urganch davlat universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi Laplas maydoni uchun Koshi tipidagi integralning Koshi integraliga aylanish masalasi, shuningdek, ixtiyoriy vektor maydon va statsionar elektromagnit maydon tenglamalari sistemasi uchun Koshi masalasi echimi va echim hosilasining chekli sohalarda oshkor ko‘rinishidagi regulyarizatsiyasini qurish va shartli turg‘unlik bahosini olishdan iborat.
III. Tadqiqotning ilmiy yangiligi:
analitik funksiyalar uchun Koshi tipidagi integral Koshi integral formulasiga aylanishining zaruriy va etarli shartlarini ifodalovchi Golubev-Privalov kriteriyasining o‘xshashi Laplas vektor maydon tenglamalari sistemasi holi uchun isbotlangan;
ixtiyoriy vektor maydon tenglamalari sistemasi uchun uch o‘lchovli chegaralangan sohada Koshi masalasining echimini ifodalovchi Karleman formulasi hosil qilingan;
ixtiyoriy vektor maydon tenglamalari sistemasi uchun Koshi masalasi echimining va echim hosilasining uch o‘lchovli chegaralangan sohada  regulyarlashgan taqribiy echimi Karleman funksiyasi orqali ifodalangan          statsionar elektromagnit maydon tenglamalari sistemasi uchun Koshi masalasi echimi va echim hosilasining chekli sohalarda oshkor ko‘rinishidagi regulyarizatsiyasi qurilgan hamda M.M.Lavrent’ev metodi bo‘yicha shartli turg‘unlik bahosi olingan.
IV. Tadqiqot natijalarining joriy qilinishi. Laplas va elektromagnit maydonlarini,  ularning soha chegarasini bir qismida berilgan qiymatlariga ko‘ra sohaga davom ettirish bo‘yicha olingan ilmiy natijalar asosida:
elliptik tipdagi tenglamalar sistemasi uchun qo‘yilgan nokorrekt Koshi masalasini Karleman funksiyasi orqali echish usulidan foydalanib, chegaralangan sohalarda bir jinsli Maksvell tenglamalari sistemasi uchun Koshi masalasini echish jarayonida olingan natijalar yetakchi xorijiy jurnallarda (Differential Equations, 2021, vol.57, 86–99; Mathematical Notes, 2021, vol.110, no.3, 393-408; Russian Mathematics, 2021, vol.65, no.2, 22-38) chegaralangan va cheksiz sohalarda umumlashgan Koshi-Riman tenglamalari sistemasi uchun qo‘yilgan Koshi masalasining aniq echimini topishda Karleman formulasini hosil qilish, regulyarlashgan echimini topishda foydalanilgan. Ilmiy natijaning qo‘llanilishi umumlashgan Koshi-Riman tenglamalari sistemasi uchun nokorrekt masalalarni taqribiy echish algoritmlarini tuzish imkonini bergan; 
Uch o‘lchovli chegaralangan sohada Laplas maydoni uchun Koshi tipidagi integralni Koshi integraliga aylanishi, ixtiyoriy vektor maydon uchun Karleman formulasining o‘xshashini, statsionar elektromagnit maydon uchun soha chegarasining bir qismida berilgan qiymatiga ko‘ra Koshi masalasining shartli turg‘unlik bahosi va regulyarlashgan echimini topishga oid nazariy natijalardan  «Ikki fazali muhitning termodinamik jihatdan izchil matematik modelini o‘zaro ta'sirli dispersiv yaqinlashishda matematik modellashtirish» 18-51-41002 granti ilmiy tadqiqot doirasida foydalanilgan (Rossiya Fanlar akademiyasining Sibir filiali Hisoblash matematikasi va matematik geofizika instituti 2023 yil 20 martdagi 15301\2-01-27-son ma’lumotnomasi). Ilmiy natijalarning qo‘llanishi ikki fazali muhitning termodinamik jihatdan izchil matematik modelini o‘zaro ta'sirli dispersiv yaqinlashishiga doir nokorrekt masalalarni echish imkonini bergan.