Сабиров Дилшод Шухрат ўглининг
фалсафа доктори (PhD) диссертация ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): «Яллиғланишга қарши «Нетинфла» воситасининг фармакологик хусусиятларини ўрганиш», 14.00.17 – Фармакология ва клиник фармакология (фармацевтика фанлари).
Диссертация мавзуси рўйхатга олинган рақам: B.2023.3.PhD/Far109.
Илмий раҳбар: Даминова Лола Тургунпулатовна, тиббиёт фанлари доктори, профессор.
Диссертация бажарилган муассаса номи: Тошкент педиатрия тиббиёт институти.
ИК фаолият кўрсатаётган муассаса номи, ИК рақами: Тошкент фармацевтика институти, DSc.04/30.12.2019.Far.32.01.
Расмий оппонентлар: Аллаева Мунира Жўракуловна, биология фанлари доктори, профессор; Исламова Жаннат Икрамовна, тиббиёт фанлари доктори.
Етакчи ташкилот: Бухоро давлат тиббиёт институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: G. glabra, A. filipendulina ва Z. pedicellata доривор ўсимликларидан таркиб топган «Нетинфла» фармакологик воситасини фармакологик хусусиятларини хамда безарарлигини аниқлашдан иборат.
III. Тадқиқотнинг илмий янгилиги:
G. glabra, A. filipendulina ва Z. pedicellata доривор ўсимликларини турли композицияларидан олинган қуруқ экстрактларнинг фармакологик скрининги натижалари асосида оптимал таркиби аниқланган;
«Нетинфла» фармакологик воситасининг яллиғланишга қарши фаоллиги «Формалин» ва «Гистамин» шиши ҳамда «Пахта грануломаси» моделларида аниқланган ва унинг самарадорлиги ностероид яллиғланишга қарши синтетик препарат «Диклофенак» дан кам эмаслиги исботланган;
«Пироген иссиқлик» моделида экспериментал хайвонларда ўтказилган тажрибаларда «Нетинфла» фармакологик воситаси хайвонларнинг тана хароратини пасайтириши аниқланган;
«Нетинфла» яллиғланишга қарши фармакологик воситаси «Қуйруқ термал иммерсияси» экспериментал моделида аналгетик хусусиятга эга эканлиги исботланган;
«Нетинфла» фармакологик воситасининг R.K. Lim модели асосида ўткирости заҳарлилигини аниқлаш натижалари бўйича кумулятив таъсирини йўқлиги аниқланган.
IV. Тадқиқот натижаларининг жорий қилиниши: Яллиғланишга қарши «Нетинфла» воситасининг фармакологик хусусиятларини ўрганиш бўйича олинган илмий натижалар асосида:
ўтказилган клиник олди синовлар натижасида «Нетинфла» фармакологик воситасининг яллиғланишга қарши специфик фаоллиги исботланган (Соғлиқни сақлаш вазирлигининг 2018 йил 15 октябрдаги 8н-3/280-сонли хати). Натижада, маҳаллий доривор ўсимликлар асосида янги доривор субстанцияни ишлаб чиқариш имконини берган;
ўтказилган клиник олди синовлар натижасида «Нетинфла» фармакологик воситасининг оғриқ қолдирувчи, антипиретик специфик фаолликлари аниқланган ҳамда ўткир ва ўткирости заҳарлилиги, маҳаллий-қитиқлувчи, аллергик хусусиятлари йўқлиги исботланган (Соғлиқни сақлаш вазирлигининг 2018 йил 15 октябрдаги 8н-3/280-сонли хати). Натижада, юқори самарадорликга эга ва безарар доривор субстанциялар ассортиментини кенгайтириш имконини берган;
«Нетинфла» фармакологик воситаси учун ўтказилган фармакологик тадқиқот натижалари дори воситаларини ишлаб чиқариш ҳамда клиник олди тадқиқотлар ўтказувчи марказлар ва лабораториялар фаолиятига татбиқ этилди (Ўзбекистон Республикаси Соғлиқни сақлаш вазирлиги Илмий-техник Кенгашининг 2024 йил 22 октябрдаги 07/98-сонли хулосаси). Натижада, фармакологик лабораториялар фаолиятини янада ривожлантириш имконини берган.