Мусаев Акмал Холмўмин ўғлининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Сузиш воситалари орқали имконияти чекланган талабаларни соғломлаштириш услубиятини такомиллаштириш”, 13.00.04 - Жисмоний тарбия, спорт машғулотлари, соғломлаштириш ва адаптив жисмоний тарбия назарияси ва методикаси, педагогика фанлари 
Диссертация мавзуси рўйхатга олинган рақам: B2024.4.(PhD)/Ped4631.
Илмий раҳбар: Икрамов Бахром Фарходович п.ф.б.ф.д. (PhD), доцент. 
Диссертация бажарилган муассаса номи: Ўзбекистон давлат жисмоний тарбия ва спорт университети.
Илмий Кенгаш фаолият кўрсатаётган муассаса номи, ИК рақами: Ўзбекистон давлат жисмоний тарбия ва спорт университети, DSc.03/30.12.2019.Ped.28.01.
Расмий оппонентлар: Алламуратов Шухратулла Иноятович биология фанлари доктори, профессор; Абдиев Шерзод Абдурахмонович п.ф.б.ф.д. (PhD), доцент.
Етакчи ташкилот: Жиззах давлат педагогика университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади жисмоний тарбия ва спорт фаолиятига ихтисослашмаган олий таълим муассасаларининг имконияти чекланган талабаларини сузиш воситалари орқали соғломлаштиришдан иборат.
III. Тадқиқотнинг илмий янгилиги қуйидагилардан иборат:
имконияти чекланган талабаларнинг саломатлик даражасини яхшилашга ижобий таъсир этувчи омилларни инобатга олган ҳолда йиллик соғломлаштириш макроциклида тайёргарлик жараёнларини босқичларга бўлиб (сувдаги ўйинлар ҳамда акваеробика) машқларининг йўналтирилганлиги, вазифаси ҳамда воситаларини ўзида акс эттирувчи дастурий-услубий кўрсатмани қўллаш ҳисобига ортиқча вазндан ҳалос бўлиш имконияти кенгайтирилган;
имконияти чекланган талабаларнинг ҳаракатланиш қобилияти имкониятларини оширишда сузиш воситаларининг акваеробика (классик, гидромассаж, акваповер) турларини ўзида намоён этувчи машқлар мажмуасини дарсдан ташқари машғулот жараёнларида интеграл қўллаш ҳисобига функсионал имкониятлари оширилган;
қўл ва оёқ соҳасида нуқсони бор талабаларни соғломлаштириш даражасини ошириш мақсадида сувдаги ўйинлар, мураккаблик даржасига кўра рацион тақсимланган сузиш элементлари мажмуасидан фойдаланиш ҳисобига тана бўғимларида ҳаракатларни реабилитация қилиш имконияти кенгайтирилган;
имконияти чекланган талабаларнинг жисмоний сифатларини ривожлантиришга қаратилган махсус машқлар, акваеробика, сувдаги ўйин турларига асосланган дастурларни қўллаш самарадорлигини аниқлашда, табақалаштирилган балл тизимида баҳолаш ҳисобига саломатлик даражасини ошириш имконияти кенгайтирилган.
IV. Тадқиқот натижаларининг жорий этилиши. Сузиш воситалари орқали имконияти чекланган талабаларни соғломлаштириш методикаси бўйича амалга оширилган илмий-тадқиқот натижалари асосида:
имконияти чекланган талабаларнинг саломатлик даражасини яхшилашга ижобий таъсир этувчи омилларни инобатга олган ҳолда йиллик соғломлаштириш макроциклида тайёргарлик жараёнларини босқичларга бўлиб (сувдаги ўйинлар ҳамда акваеробика) машқларининг йўналтирилганлиги, вазифаси ҳамда воситаларини ўзида акс эттирувчи дастурий-услубий кўрсатмани қўллаш бўйича таклифлар Тошкент давлат аграр университетида таҳсил олувчи талабаларнинг ўқув фаолиятига тадбиқ қилинган (Ўзбекистон Республикаси Спорт вазирлигининг 2024-йил 29-октябрдаги 03-16/10829-сон маълумотномаси). Натижада, тана масса индекси кўрсаткичи 10,6 % га, ўпканинг тириклик сиғими 8,5 % га, қондаги глюкоза консентрация кўрсаткичи 8,1 % га ўсган;
имконияти чекланган талабаларнинг ҳаракатланиш қобилияти имкониятларини оширишда сузиш воситаларининг акваеробика (классик, гидромассаж, акваповер) турларини ўзида намоён этувчи машқлар мажмуасини дарсдан ташқари машғулот жараёнларида интеграл қўллаш бўйича таклифлар Наманган давлат педагогика институти имконияти чекланган талалабаларининг ўқув фаолиятига тадбиқ қилинган (Ўзбекистон Республикаси Спорт вазирлигининг 2024-йил 29-октябрдаги 03-16/10829-сон маълумотномаси). Натижада, қўл соҳасида нуқсони бор талабаларнинг жисмоний ҳолатини баҳолаб берувчи эгилувчанлик кўрсаткичи 7,1 % га, динамик куч кўрсаткичи 10 % га, тезкор чидамлилик кўрсаткичи 8,1 % га, тезкор куч чидамлилиги кўрсаткичи 7,2 % га, умумий чидамлилик кўрсаткичи 8,8 % га яхшиланган;
қўл ва оёқ соҳасида нуқсони бор талабаларни соғломлаштириш даражасини ошириш мақсадида сувдаги ўйинлар, мураккаблик даржасига кўра рацион тақсимланган сузиш элементлари мажмуасидан фойдаланиш бўйича таклифлар Гулистон давлат университетида таҳсил олувчи имконияти чекланган талабалар ўқув фаолиятига тадбиқ этилган (Ўзбекистон Республикаси Спорт вазирлигининг 2024-йил 
29-октябрдаги 03-16/10829-сон маълумотномаси). Натижада, оёқ соҳасида нуқсони бор талабаларнинг тана бўғимлари ҳаракатларини реабилитация қилган ҳолда талабаларнинг жисмоний ҳолатини баҳолаб берувчи эгилувчанлик кўрсаткичи 8 % га, динамик куч кўрсаткичи 7,1 % га, тезкорлик кўрсаткичи 7,8 % га, тезкор чидамлилик кўрсаткичи 7,9 % га яхшиланган; 
имконияти чекланган талабаларнинг жисмоний сифатларини ривожлантиришга қаратилган махсус машқлар, акваеробика, сувдаги ўйин турларига асосланган дастурларни қўллаш самарадорлигини аниқлашда, табақалаштирилган балл тизимида баҳолаш бўйича таклифлар Наманган давлат педагогика институтидаги имконияти чекланган талабалар машғулот жараёнига тадбиқ қилинган (Ўзбекистон Республикаси Спорт вазирлигининг 2024-йил 29-октябрдаги 03-16/10829-сон маълумотномаси). Натижада, оёқ соҳасида нуқсони бор талабаларнинг жисмоний хусусиятларини ҳисобга олган ҳолда талабаларнинг жисмоний ҳолатини баҳолаб берувчи тезкор-куч чидамлилик кўрсаткичи 8,8 % га, умумий чидамлилик кўрсаткичи 9,8 % га ошган.