Рустам Равшанович Галимовнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Жанубий Осиёда минтақавий хавфсизликни таъминлашда Покистон омили” мавзусидаги 23.00.04 - “Халқаро муносабатлар, жаҳон ва минтақа тараққиётининг сиёсий муаммолари”. 
Диссертация мавзуси рўйхатга олинган рақам: В2024.4.PhD/Ss338
Илмий раҳбар: Ниязова Наргиза Мухтаровна, сиёсий фанлар бўйича фалсафа доктори (PhD), доцент.
Диссертация бажарилган муассаса номи: Тошкент давлат шарқшунослик университети.
ИК фаолият кўрсатаётган муассаса (муассасалар) номи, ИК рақами: Тошкент давлат шарқшунослик университети, DSc.03/29.12.2022.Ss.21.02
Расмий оппонентлар: 
Муҳаммадсидиқов Муҳаммадолим Муҳаммадрозиқ ўғли, сиёсий фанлар доктори, профессор;
Акмалов Шоислам Икрамович, сиёсий фанлар номзоди, доцент.
Етакчи ташкилот: Мирзо Улуғбек номидаги Ўзбекистон Миллий университети
Диссертация йўналиши: амалий аҳамиятга молик.
II. Тадқиқотнинг мақсади Покистон омилининг Жанубий Осиёдаги минтақавий ривожланиш жараёнлари ва хавфсизлик тизимини шакллантиришга таъсирини комплекс таҳлил қилиш ҳамда Марказий Осиё билан мувофиқлаштирувчи ҳамкорликни таъминлашини очиб беришдан иборат.
III. Тадқиқотнинг илмий янгилиги қуйидагилардан иборат:
Жанубий Осиё минтақаси давлатлари муносабатларида уларнинг хавфсизлик таҳдидларига қарши курашишда “трансминтақавий хавфсизлик” консепсияси сиёсий жиҳатдан муҳимлиги ва бунда минтақавий ҳамкорлик соҳасида замонавий механизмни йўлга қўйиш аҳамияти очиб берилган, ҳамда “хавфсизлик” феноменининг замонавий хусусиятлари илмий асосланган. 
Покистон ташқи сиёсати йўналишида стратегик устуворликларнинг ўзгариши, жумладан, алоқаларни диверсификациялаш, қўшни давлатлар билан иқтисодий муносабатларни мустаҳкамлаш, кўп томонлама дипломатияни шакллантириш ва глобал ташаббусларда иштирокка йўналтирилганлик, шунингдек, “Трансафғон транспорт коридори”, “ТАПИ”, “CАСА-1000” ва бошқа минтақавий лойиҳаларни амалга оширишга бўлган қизиқиш асосланган;
Жанубий Осиё тараққиётининг устувор ва стратегик йўналишларини такомиллаштириш, давлатлараро ишонч борасида инқироз кучайиб бораётган шароитда, Жанубий Осиё минтақавий ҳамкорлик ассоциациясига аъзо давлатлар ўртасида минтақавий хавфсизликни таъминлаш соҳасида ўзаро алоқалар ва институционал механизмларни мустаҳкамлаш зарурати очиб берилган;
Ўзбекистоннинг Марказий ва Жанубий Осиё ўртасидаги ўзаро алоқаларни мустаҳкамлашга қаратилган ташаббуслари, шунингдек, “Ўзбекистон-2030” стратегияси доирасида амалга оширилаётган очиқ ва прагматик ташқи сиёсат, ШҲТ доирасидаги бирдамлик ташаббуси билан уйғунлашиб, ШҲТ ва Жанубий Осиё минтақавий ҳамкорлик ассоциацияси ўртасида институционал ҳамкорликни ривожлантириш зарурияти исботланган.
IV. Тадқиқот натижаларининг жорий қилиниши. Жанубий Осиёда минтақавий хавфсизликни таъминлашда Покистон омилини ўрганиш бўйича олинган натижалар, назарий ва амалий хулосалар, тавсия ва ишланмалар асосида: 
Покистоннинг Жанубий Осиё минтақаси хавфсизлигидаги ролининг ривожланиши ва “трансминтақавий хавфсизлик” консепсиясининг замонавий механизм сифатида Жанубий Осиё минтақаси давлатлари ўртасидаги хавфсизликка таҳдидларни бартараф этишдаги ўзаро муносабатларда акс этиши борасидаги хулосалардан Ўзбекистон Республикаси Ташқи ишлар вазирлигининг “Жанубий Осиё, Яқин, Ўрта Шарқ ва Африка давлатлари билан ҳамкорлик” бошқармаси томонидан фойдаланилди. (Ўзбекистон Республикаси ТИВнинг 2024-йил 22-октябрдаги №18-107/31347 маълумотномаси). Натижада мазкур таклифлар соҳанинг меъёрий-ҳуқуқий ва ахборот-таҳлилий базасини такомиллаштириш ва уларни амалий қўллашга хизмат қилди.
Покистон ташқи сиёсатидаги стратегик устуворликларнинг ўзгариши, жумладан, алоқаларни диверсификациялаш, қўшни давлатлар билан иқтисодий муносабатларни мустаҳкамлаш, кўп томонлама дипломатияни шакллантириш ва глобал ташаббусларда иштирок этишга йўналтирилган, шунингдек, “Трансафғон транспорт коридори”, бошқа минтақавий лойиҳаларни амалга оширишга бўлган қизиқишига оид хулосалардан Ўзбекистон Республикаси Стратегик таҳлил ва истиқболни белгилаш олий мактаби томонидан кадрларини тайёрлаш боʻйича тегишли курсларни тайёрлашда фойдаланилди. (Ўзбекистон Республикаси Стратегик таҳлил ва истиқболни белгилаш олий мактабининг 2024-йил 22-ноябрдаги 9088-сон маълумотномаси). Натижада Мазкур таклифлар ўқув қўлланмалар тайёрлашда ахборот-аналитик базани такомиллаштирилишга хизмат қилди.
Жанубий Осиё тараққиётининг устувор ва стратегик йўналишларини такомиллаштириш, давлатлараро ишонч борасида инқироз кучайиб бораётган шароитда, Жанубий Осиё минтақавий ҳамкорлик ассоциациясига аъзо давлатлар ўртасида минтақавий хавфсизликни таъминлаш соҳасида ўзаро алоқалар ва институционал механизмларни мустаҳкамлаш заруратига оид хулосалардан Ўзбекистон Республикаси Маданият Вазирлиги ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитаси томонидан вазирлик ва идораларга юбориладиган ахборот-таҳлилий ҳужжатларни тайёрлашда фойдаланилган (Ўзбекистон Республикаси Маданият Вазирлиги ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитасининг 2024-йил 1-ноябрдаги 14-07-1682-сон маʼлумотномаси). Натижада мазкур таклифлар соҳанинг меъёрий-ҳуқуқий ва ахборот-таҳлилий базасини такомиллаштириш ва уларни амалий қўллашга хизмат қилди.
Ўзбекистоннинг Марказий ва Жанубий Осиё ўртасидаги ўзаро алоқаларни мустаҳкамлашга қаратилган ташаббуслари, шунингдек, “Ўзбекистон-2030” стратегияси доирасида амалга оширилаётган очиқ ва прагматик ташқи сиёсат, ШҲТ доирасидаги бирдамлик ташаббуси билан уйғунлашиб, ШҲТ ва Жанубий Осиё минтақавий ҳамкорлик ассоциацияси ўртасида институционал ҳамкорликни ривожлантириш заруриятига оид хулосалардан Ўзбекистонда Шанхай ҳамкорлик ташкилоти Халқ дипломатияси марказнинг халқаро тадбирларни ташкил этиш жараёнларида фойдаланилган.(Ўзбекистонда Шанхай ҳамкорлик ташкилоти Халқ дипломатияси марказнинг 2025-йил 7-апрелдаги 179/25-сон маълумотномаси). Натижада мазкур таклифлар тегишли ҳужжатларни вазирликлар ва идораларга тайёрлашда ахборот-аналитик базанинг такомиллаштирилишига хизмат қилди.