Шокирова Хабибахон Худойберди қизининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация  мавзуси, ихтисослик шифри (илмий даража бериладиган фан тармоғи номи): “Узумнинг интродуксия қилинган уруғсиз навларини агробиологик хусусиятлари ва ўсиши, ҳосилдорлигига микроелементларни таъсири”, 06.01.07 – Мевачилик ва узумчилик (Қишлоқ хўжалиги фанлари).
Диссертация  мавзуси рўйхатга олинган рақам: B2024.3.PhD/Qx909
Илмий раҳбар: Файзиев Жамолиддин Насирович, қишлоқ хоъжалиги фанлари номзоди, профессор.
Диссертация  бажарилган муассаса номи: Фарғона давлат университети.
ИК фаолият кўрсатаётган муассаса номи, ИК рақами: Тошкент давлат аграр университети, DSc.05/29.04.2022.Qx.13.04.
Расмий оппонентлар: Буриев Хасан Чутбоевич, биология фанлари доктори, профессор; Ахмедов Шухрат Махмутович, қишлоқ хўжалиги фанлари бўйича фалсафа доктори, катта илмий ходим.
Етакчи ташкилот: Андижон қишлоқ хўжалиги ва агротехнологиялар институти.
Диссертация  йўналиши: назарий ва амалий аҳамиятга молик.
II. Тадқиқотнинг мақсади узумнинг уруғсиз интродуксия қилинган навларининг агробиологик хусусиятлари ва микроелементларнинг узум ҳосилдорлиги ва сифатига таъсирини илмий асослашдан иборат.
III. Тадқиқотнинг илмий янгилиги қуйидагилардан иборат:
илк бор узумнинг уруғсиз навлари коллекциясидаги ўсимликларни қимматли хўжалик ва агробиологик хусусиятлари асосида энг яхши кўрсаткичларга эга бўлган истиқболли Кишмиш симус, Кишмиш Моон Дроп навлари танлаб олинган;
узумнинг уруғсиз навларини вегетация даври давомийлиги энг қисқа бўлиши аниқланиб, эртапишар навлар – Қора кишмиш, Кишмиш юпитер ва Кишмиш юталда 115-130 кун бўлиши аниқланган;
узумнинг уруғсиз навларида узум бошининг оғирлиги 400 г дан 950 г гача ташкил қилиб, энг юқори узум бошларнинг оғирлиги Кишмиш симус 950 г, Кишмиш рататуй 900 г Кишмиш Моон Дроп 750,0 г, Кишмиш арарат 650,0 г бўлиши аниқланган;
узумнинг уруғсиз навлари – Кишмиш Моон Дроп ва Кишмиш симус навларидан юқори ва сифатли ҳосил олиш учун микроелементлардан рух ва мис 0,5 мг/л, комплекс Б (0,3 мг/л + Мн (1,0 мг/л) + Мо (0,2 мг/л) + Зн (0,5 мг/л) + Cу (0,5 мг/л) эритмалари билан гуллашдан 12 кун кейин ишлов бериш юқори натижа бериши исботланган.
IV. Тадқиқот натижаларининг жорий қилиниши. Узумнинг уруғсиз интродуксия қилинган навларининг агробиологик хусусиятлари ва микроелементларнинг узум  ҳосилдорлиги ва сифатига таъсир бўйича олиб борилган илмий-тадқиқот натижалари асосида: 
узумчилик фермер хўжаликлари учун «Узумнинг интродуксия қилинган уруғсиз навларини ўсиши ва ҳосилдорлигига микроелементларни таъсири» мавзусидаги тавсиянома тасдиқланган (Қишлоқ хўжалигида билим ва инновациялар миллий маркази 2024 йил 21 декабрдаги 05/06-04-678 сон маълумотномаси). Ушбу тавсиянома узумчиликка ихтисослашган фермер хўжаликларида узумнинг уруғсиз навлари токзорларини барпо қилиш ва уларни етиштиришда қўлланма сифатида хизмат қилмоқда;
узумнинг уруғсиз истиқболли навларини танлаш ишланмаси Фарғона вилояти Қувасой шаҳардаги “Олтин водий узумлари” фермер хўжалигида Кишмиш юпитер нави бўйича 1,0 га, Кишмиш симус нави бўйича 1,0 га, жами 2,0 га майдонда жорий этилган (Қишлоқ хўжалигида билим ва инновациялар миллий маркази 2024 йил 21 декабрдаги 05/06-04-678 сон маълумотномаси). Бунинг натижасида фермер хўжалигида истиқболли навларнинг токзори барпо қилинган;
узумнинг интродуксия қилинган уруғсиз навларини ўсиши ва ҳосилдорлигига микроелементларни таъсири ишланмаси Фарғона вилояти Фарғона туманидаги «Миндон мева фермер хўжалиги» да 2,0 га майдонда жорий этилган (Қишлоқ хўжалигида билим ва инновациялар миллий маркази 2024 йил 21 декабрдаги 05/06-04-678 сон маълумотномаси). Бунинг натижасида гектарига 1,7 тонна қўшимча ҳосил етиштиришга эришилган, рентабеллик даражаси 125% ни ташкил этган.
узумнинг уруғсиз навлари ҳосилдорлиги ва сифатига микроелементларни таъсири ишланмаси Фарғона вилояти Олтиариқ туманидаги «Ота» номли фермер хўжалигида 1,8 га майдонда жорий этилган (Қишлоқ хўжалигида билим ва инновациялар миллий маркази 2024 йил 21 декабрдаги 05/06-04-678 сон маълумотномаси). Бунинг натижасида гектарига 1,6 тонна қўшимча ҳосил етиштиришга эришилган, рентабеллик даражаси 130% ни ташкил этган.