Sadullaev Sanjar Norqul o‘g‘lining
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Dehqon xo‘jaliklarida erdan foydalanish samaradorligini oshirish yo‘llari”, 08.00.04-“Qishloq xo‘jaligi iqtisodiyoti” va 06.01.10-“Er tuzish, kadastr va er monitoringi (iqtisodiyot fanlari)” tutash ixtisosliklar.
Dissertatsiya mavzusi ro‘yxatga olingan raqam: B2024.4.PhD/Iqt4642
Ilmiy rahbarining F.I.Sh., ilmiy darajasi va unvoni: Narbaev Sharofiddin Kengashovich, iqtisodiyot fanlari boʻyicha falsafa doktori, (PhD), dotsent.
Dissertatsiya bajarilgan muassasa nomi: “Toshkent irrigatsiya va qishloq xoʻjaligini mexanizasiyalash muhandislari instituti” Milliy tadqiqot universiteti.
IK faoliyat ko‘rsatayotgan muassasa nomi, IK raqami: “Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universiteti, DSc.03/30.01.2020.I.10.03
Rasmiy opponentlar: Sultanov Baxodir Fayzullaevich, iqtisodiyot fanlari doktori, katta ilmiy xodim; Raxmonov Sherzod Qosimjonovich, iqtisodiyot fanlari boʻyicha falsafa doktori (PhD), dotsent.
Yetakchi tashkilot: Toshkent davlat agrar universiteti
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi dehqon xo‘jaliklarida erdan foydalanish samaradorligini oshirishga qaratilgan ilmiy taklif va amaliy tavsiyalar ishlab chiqishdan iborat.
III. Tadqiqotning ilmiy yangiligi:
dehqon xo‘jaliklari ixtiyorida bo‘lgan sug‘oriladigan qishloq xo‘jaligi erlari iqtisodiy bahosini aniqlashda renta omillari ta’siri miqdorining er me’yoriy qiymatidagi salmog‘ini hisobga olgan holda to‘g‘rilovchi koeffisientlardan (K4) foydalanish yuzasidan uslubiy tavsiyalar taklif qilingan;
dehqon xo‘jaliklariga elektron onlayn auksion savdolari orqali ajratilgan erlardan foydalanish tizimini takomillashtirish hamda ushbu tizim faoliyatini monitoring qilish, mavjud muammolarni hal qilish maqsadida faoliyat yurituvchi “Dehqon va tomorqa xo‘jaliklarga ko‘maklashuvchi davlat unitar korxonasi”ni tashkil etish orqali erdan samarali foydalanishni iqtisodiy rag‘batlantirish yuzasidan ilmiy-amaliy takliflar ishlab chiqilgan;
dehqon xo‘jaliklarida erdan samarali foydalanish va qishloq xo‘jaligi mahsulotlari ishlab chiqarishni (geografik joylashuvi, tuproqning nam bilan ta’minlanganlik darajasi, ekologik toza mahsulot etishtirishni rag‘batlantirishni nazarda tutgan holda) davlat tomonidan qo‘llab-quvvatlash yo‘llari taklif qilingan;
dehqon xo‘jaliklariga ajratilgan qishloq xo‘jaligi er maydonlaridan foydalanish samaradorligini o‘zida ifodalovchi qishloq xo‘jaligi mahsulotlarini etishtirishning 2030 yilgacha bo‘lgan prognoz ko‘rsatkichlari ishlab chiqilgan.
IV. Tadqiqot natijalarining joriy qilinishi.
Dehqon xo‘jaliklarida erdan foydalanish samaradorligini oshirish bo‘yicha olingan ilmiy natijalar asosida:
dehqon xo‘jaliklari erlarining normativ bahosini aniqlash uslubini takomillashtirish bo‘yicha tavsiyalar Qishloq xo‘jaligi vazirligi huzuridagi Qishloq xo‘jaligida bilim va innovatsiyalar milliy markazi tomonidan amaliyotda joriy qilingan (Qishloq xo‘jaligida bilim va innovatsiyalar milliy markazining 2024-yil 12-dekabrdagi №05/01-05/02-05/04-03-429 sonli ma’lumotnomasi). Ilmiy natijalarga tayanib qishloq xo‘jaligi erlari normativ qiymatini aniqlashda qator omillarni e’tiborga olish er maydonlarini ob’ektiv baholash imkoniyatini yaratadi;
dehqon xo‘jaliklariga elektron onlayn auksion savdolari orqali ajratilgan erlardan foydalanish tizimini takomillashtirish hamda ushbu tizim monitoringi asosida mavjud muammolarni hal qilish maqsadlarida faoliyat yurituvchi “Dehqon va tomorqa xo‘jaliklariga ko‘maklashuvchi davlat unitar korxonasi”ni tashkil etish yuzasidan asoslangan takliflar Qishloq xo‘jaligi vazirligi huzuridagi Qishloq xo‘jaligida bilim va innovatsiyalar milliy markazi tomonidan amaliyotda joriy qilingan (Qishloq xo‘jaligida bilim va innovatsiyalar milliy markazining 2024-yil 12-dekabrdagi №05/01-05/02-05/04-03-429 sonli ma’lumotnomasi). Mazkur ilmiy tavsiyalar dehqon xo‘jaliklari faoliyatini muvofiqlashtirishni soddalashtirib, pirovardida ularga xizmat ko‘rsatish sifatini oshishiga xizmat qiladi;
dehqon xo‘jaliklarida erdan samarali foydalanishda davlat tomonidan qo‘llab-quvvatlash bo‘yicha ishlab chiqilgan takliflar Qishloq xo‘jaligi vazirligi huzuridagi Qishloq xo‘jaligida bilim va innovatsiyalar milliy markazi tomonidan amaliyotda joriy qilingan (Qishloq xo‘jaligida bilim va innovatsiyalar milliy markazining 2024-yil 12-dekabrdagi №05/01-05/02-05/04-03-429 sonli ma’lumotnomasi). Ilmiy natijalarni joriy qilish qishloq xo‘jaligi mahsulotlari etishtiruvchilarga qulay sharoitlar yaratib berish orqali sog‘lom agrobiznes muhitini yaratishga xizmat qilgan;
dehqon xo‘jaliklarida erdan samarali foydalanish imkoniyatlarini hisobga olgan holda qishloq xo‘jaligi mahsulotlar etishtirishning  istiqboldagi o‘zgarishi prognoz ko‘rsatkichlari ishlab chiqilgan bo‘lib, natijalar Qishloq xo‘jaligi vazirligi huzuridagi Qishloq xo‘jaligida bilim va innovatsiyalar milliy markazi tomonidan amaliyotda joriy qilingan (Qishloq xo‘jaligida bilim va innovatsiyalar milliy markazining 2024-yil 12-dekabrdagi №05/01-05/02-05/04-03-429 sonli ma’lumotnomasi). Ilmiy natijalar dehqon xo‘jaliklarida erdan foydalanish samaradorligini oshirish borasidagi dasturlarni ishlab chiqishda foydalanilgan.