Носиров Бахтиёржон Ихтиёржоновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган тармоғи номи): «Оролбўйи минтақаси экологик карталарини тузишни географик ахборотлар тизимлари технологияларини қўллаш асосида такомиллаштириш», 11.00.07 – Геоинформатика (география фанлари).
Диссертация мавзуси рўйхатга олинган рақам: В2023.3.PhD/Gr279.
Илмий раҳбар: Рафиков Ваҳоб Асомович, география фанлари доктори, профессор.
Диссертация бажарилган муассаса номи: Ўзбекистон миллий университети.
ИК фаолият кўрсатаётган муассаса номи, ИК рақами: Ўзбекистон Миллий университети ҳузуридаги DSc.03/30.12.2019.Gr.01.06 рақамли Илмий кенгаш асосидаги бир марталик Илмий кенгаш.
Расмий оппонентлар: Реймов Полат Расбергенович, география фанлари доктори, профессор; Якубов Ғайрат Заидович, география фанлари бўйича фалсафа доктори (PhD).
Етакчи ташкилот: “Тошкент Ирригация ва қишлоқ хўжалигини механизациялаш муҳандислари институти” Миллий тадқиқот университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: замонавий ГАТ дастурларидан фойдаланиш орқали Оролбўйи минтақасининг экологик карталарини тузишни такомиллаштириш бўйича таклиф ва тавсияларни ишлаб чиқишдан иборат.
III. Тадқиқотнинг илмий янгилиги:
лоcусГИС мобил илова асосида дала тадқиқот маълумотларини реал вақт режимида картографик асосга киритиш, таҳлил қилиш ва қайта ишлаш орқали фактик материаллар картасини тузиш такомиллаштирилган;
ГАТ технологияларини қўллаш орқали экологик карталар тузишда маълумотлар базаси структурасини яратиш, маълумотларни киритиш, таҳлил қилиш, натижаларни визуализация қилиш жараёнлари автоматлаштирилган;
АрcГИС дастурий таъминотлари асосида яратилган Қорақалпоғистон Республикаси геомаълумотлар базаси ёрдамида давлат кадастрлари карталарини тузиш технологияси такомиллаштирилган; 
мулти-спектрал ва термал масофадан зондлаш маълумотларининг бирлаштирилиши орқали Қорақалпоғистон Республикаси тупроқларининг шўрланиш даражаси, ўсимлик қоплами ва сув ресурслари миқдорининг динамикасини тасвирловчи экологик карталари яратилган. 
IV. Тадқиқот натижаларининг жорий қилиниши. Оролбўйи минтақаси экологик картасини тузишда географик ахборот тизимлари дастурларини қўллаш усулини такомиллаштириш бўйича олинган илмий натижалар асосида:
лоcусгис мобил илова асосида такомиллаштирилган фактик материаллар картаси Ўзбекистон Республикаси Иқтисодиёт ва Молия вазирлиги ҳузуридаги Кадастр агентлигида Қорақалпоғистон Республикаси ўлкашунослик атласини яратишда фойдаланилган (Ўзбекистон Республикаси Иқтисодиёт ва Молия вазирлиги ҳузуридаги Кадастр агентлигининг 2024 йил 27 ноябрдаги 03-03-11404-сонли маълумотномаси). Натижада, Қорақалпоғистон Республикаси ўлкашунослик атласи таркибидаги мавзули карталар мазмунини яхшилаш имконини берган;
ГАТ технологияларини қўллаш орқали автоматлаштирилган маълумотлар базаси структурасини яратиш, маълумотларни киритиш, таҳлил қилиш, натижаларни визуализация қилиш жараёнлари Ўзбекистон Республикаси Иқтисодиёт ва Молия вазирлиги ҳузуридаги Кадастр агентлигида Ўзбекистон Республикаси табиатни муҳофаза қилиш картасини тузишда амалиётга жорий этилган (Ўзбекистон Республикаси Иқтисодиёт ва Молия вазирлиги ҳузуридаги Кадастр агентлигининг 2024 йил 27 ноябрдаги 03-03-11404-сонли маълумотномаси). Натижада, табиатни муҳофаза қилиш карталарини яратиш жараёнларини такомиллаштириш имконияти яратилган;
АрcГИС дастурий таъминотлари асосида яратилган Қорақалпоғистон Республикаси геомаълумотлар базаси ёрдамида кадастр карталарини тузишнинг такомиллаштирилган технологияси Ўзбекистон Республикаси Иқтисодиёт ва Молия вазирлиги ҳузуридаги Кадастр агентлигида Қорақалпоғистон ер кадастри карталарини тузишда амалиётга жорий этилган (Ўзбекистон Республикаси Иқтисодиёт ва Молия вазирлиги ҳузуридаги Кадастр агентлигининг 2024 йил 27 ноябрдаги 03-03-11404-сонли маълумотномаси). Натижада, Қорақалпоғистон Республикаси ердан фойдаланиш йирик масштабли кадастр карталарини яратишни такомиллаштириш имкониятини берган;
мулти-спектрал ва термал масофадан зондлаш маълумотларининг бирлаштирилиши орқали яратилган экологик карталари Ўзбекистон Республикаси Иқтисодиёт ва Молия вазирлиги ҳузуридаги Кадастр агентлигида Ўзбекистон Республикаси экологик картасини тузишда амалиётга жорий этилган Ўзбекистон Республикаси Иқтисодиёт ва Молия вазирлиги ҳузуридаги Кадастр агентлигининг 2024 йил 27 ноябрдаги 03-03-11404-сонли маълумотномаси). Натижада, экологик карталарни мазмунини бойитиш, амалий аҳамиятини ошириш имконияти яратилган.