Мардонов Жаҳонгир Шарофиддин ўғлининг
фалсафа доктори(PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Пахтани йирик ифлосликлардан тозалаш агрегатини такомиллаштириш асосида тозалаш самарадорлигини ошириш” 05.06.02 - “Тўқимачилик материаллари технологияси ва хомашёга дастлабки ишлов бериш”(техника фанлари).
Диссертация мавзуси рўйхатга олинган рақам: B2024.4.PhD/Т5119
Илмий раҳбар: Туйчиев Тимур Ортикович, техника фанлари фалсафа доктори, доцент.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.Т.08.01.
Расмий оппонентлар: Жуманиязов Қадам Жуманиязович, техника фанлари доктори, профессор; Аббазов Илхом Зопирович, техника фанлари доктори, доцент.
Етакчи ташкилот: Наманган тўқимачилик саноати институти.
Диссертация йўналиши: амалий аҳамиятга молик.
II. Тадқиқотнинг мақсади– УХК русумли тозалаш агрегатининг колосникли панжарасини такомиллаштириш ва тозалаш технологиясидаги мақбул жойлашувини танлаш асосида технологиянинг тозалаш самарадорлигини оширишдан иборат.
III. Тадқиқотнинг илмий янгилиги қуйидагилардан иборат: 
тозалаш зонасида пахтани қисилишида таъсир қиладиган кучларни ҳисоблаш асосида йирик ифлосликлардан тозалаш сексиясида майда ифлосликлардан тозалаш самарадорлигини ошириш имконияти мавжуд такомиллаштирилган колосникли панжара яратилган;
колосниклар билан ўзаро таъсиридаги пахта бўлакчалари ҳаракатининг дифференциал тенгламалари асосида пахта бўлакчаларидан ажралган майда ифлосликларни колосник диаметрининг турли қийматларида колосниклар сонига боғлиқлиги аниқланган;
тозалаш самарадорлигини ошириш мақсадида пахтани тозалаш технологияси босқичларида такомиллаштирилган колосникли панжарани ўрнатилиш жойлашувини таъсири аниқланган;
колосникли панжаранинг колосникларини ўзаро оралиқ масофаларининг қийматлари кичик квадратик усули ёрдамида қурилган регрессион моделлар таҳлили асосида аниқланган.
IV. Тадқиқот натижаларининг жорий қилиниши. Пахтани йирик ифлосликлардан тозалаш агрегатини такомиллаштириш бўйича олинган илмий натижалар асосида: 
пахтани тозалаш ускунасини тозалаш самарадорлигини оширишда ускунанинг асосий технологик кўрсаткичларини рационал қийматларини аниқлаш ҳисобига тозалаш самарадорлиги юқори бўлган ускуна Ўзбекистон Республикаси “Ўзтўқимачилик саноат” уюшмасининг тасарруфига кирувчи ЦТ АГРО кластер таркибидаги Мустақилик пахта тозалаш корхонасида тадбиқ этилган. (“Ўзтўқимачилик саноат” уюшмасининг 2024 йил 28 августдаги 03/25-2287 сонли маълумотномаси). Натижада тозалаш самардорлиги 8,42 % га ошган, толанинг синфини ошишига эришилган.