Рўзметов Раҳматжон Ибодуллаевичнинг 
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Толани сифат кўрсаткичларини сақлаб қолиш мақсадида пахтани самарали қуритиш технологиясини ва режимларини ишлаб чиқиш”, 05.06.02 – “Тўқимачилик материаллари технологияси ва хом ашёга дастлабки ишлов бериш” (техника фанлари).
Диссертация мавзуси рўйхатга олинган рақам: В2022.4.DSc/Т574 
Илмий маслаҳатчи: Қулиев Тохир Мамаражапович, техника фанлари доктори, профессор.
Диссертация бажарилган муассаса номи: Толали экинлар илмий тадқиқот институти.
ИК фаолият кўрсатаётган муассаса номи, ИК рақами: “Толали экинлар илмий тадқиқот институти” DSc.30/30.11.2021.Т.141.01    
Расмий оппонентлар: “Толали экинлар илмий тадқиқот институти” дан техника фанлари доктори, профессор Джамолов Рустам Камолидинович, “Наманган тўқимачилик саноати институти” дан техника фанлари доктори, профессор Саримсақов Олимжон Шарипжанович, Термиз давлат муҳандислик ва агротехнологиялар университетидан техника фанлари доктори, доцент Урозов Мустафокул Култураевичлар
Этакчи ташкилот: Жиззах политехника институти.
II. Тадқиқотнинг мақсади: толанинг сифат кўрсаткичларини сақлаб қолиш учун пахтани самарали қуритиш ва тозалаш технологиясини ишлаб чиқиш ва режимларини асослашдан иборат.
III. Тадқиқотнинг илмий янгилиги:
пахта хомашёсини бир вақтнинг ўзида самарали қуритиш ва майда ифлосликлардан тозалаш учун 45 градус остида иссиқлик узатувчи қувурга эга бўлган шнекли қуритиш-тозалаш ускунаси ишлаб чиқилган; 
қуритгич-тозалагич сексияларининг сони   ва юзанинг очиқ қисмидаги ҳаво ҳароратининг ҳар хил қийматларида винт бурчагига боғлиқ ҳолда пахта толаси ҳароратининг ўзгариши тўғри чизиқ бўйича ўзгариш қонуниятига яқин бўлиши аниқланган;
юқори ва паст навли маълум намликдаги пахталарни қуритиш ва майда ифлосликлардан тозалашда иссиқлик агентини узатувчи қувурнинг горизонтал ўққа нисбатан оғиш бурчагининг мақбул катталиги иссиқлик агентининг тезлиги ва ҳароратини, пахтадан ажраладиган намлик ва майда ифлосликлар миқдорини инобатга олган ҳолда аниқланган;
юқори ва паст навли пахталарни тозалаш ускунасида бериладиган иссиқ ҳаво миқдорини белгиловчи қуритиш режимлари пахта таркибидаги намлик ва майда ифлосликлар миқдорини инобатга олган ҳолда ишлаб чиқилган;
тозалаш камерасига иссиқликни ўзгармас ҳолатда узатиш орқали қозиқли шнек ўқи бўйлаб ва маълум траекторияда юқорига отилган пахта оқими билан иссиқликни ўзаро таъсирида пахтадан намлик ва ифлослик ажралишини жадаллаштирадиган пахтани қуритиш жараёнининг янги усули ишлаб чиқилган; 
пахтани қуритиш ва майда ифлосликлардан тозалаш самарадорлигини оширадиган, тола сифатини яхшилаш билан ресурстежамкор технологияни йўлга қўядиган тозалагичдаги қувурнинг жойлашиш ўрни, иссиқлик узатувчи тирқишнинг оғиш бурчаги ишлаб чиқилган.
IV. Тадқиқот натижаларининг жорий қилиниши:Пахтани дастлабки табиий сифат кўрсаткичларини сақлаб қолувчи ресурстежамкор, самарадорлиги юқори бўлган қуритиш ва тозалаш технологияси бўйича олинган натижалар асосида:
пахтани бир вақтнинг ўзида қуритиш-тозалаш ускунаси ва  технологияси «Ўзбекистон пахта-тўқимачилик кластерлари» уюшмаси тасарруфидаги корхонада, жумладан Хоразм вилоятининг “КҲОРЕЗМТЕХ” МЧЖ кластери пахта тозалаш корхонасига жорий этилган («Ўзтўқимачиликсаноат» уюшмасининг 2024-йил 27-ноябрдаги  03/25-3204 -сон маълумотномаси). Натижада юқори ва паст навли пахта хомашёсини майда ифлосликлардан тозалашда ускунанинг тозалаш самарадорлигини 8,3÷ 11,0% га, ишлаб чиқарилган толанинг сифатини 0,18÷ 0,22 (абс) % га ошириш имконияти яратилган;
пахтани бир вақтнинг ўзида қуритиш-тозалаш ускунаси ва  технологияси «Ўзбекистон пахта- тўқимачилик кластерлари» уюшмаси тасарруфидаги корхонада, жумладан Хоразм вилоятининг “КҲОРЕЗМТЕХ” МЧЖ кластери пахта тозалаш корхонасига жорий этилган («Ўзтўқимачиликсаноат» уюшмасининг 2024-йил 27-ноябрдаги 03/25-3204-сон маълумотномаси). Натижада пахтани қуритишга сарфланадиган ёнилғи сарфини 25,3 % га тежаш имконияти яратилган.