Шомирова Лобар Мирзохитовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Сабзавот хризантемасини (Chrysanthemum coronarium) энг кулай етиштириш муддатларини ва серхосил навларини танлаш (Тошкент вилояти шароитида)”, 06.01.06 – Сабзавотчилик (қишлоқ хўжалиги фанлари).
Диссертация мавзуси рўйхатга олинган рақам: B2024.2.PhD/Qx1393.
Илмий раҳбар: Асатов Шухрат Исматович, қишлоқ хўжалиги фанлари доктори, профессор.
Диссертация бажарилган муассаса номи: Тошкент давлат аграр университети.
ИК фаолият кўрсатаётган муассаса номи, ИК рақами: Тошкент давлат аграр университети, DSc.05/29.04.2022.Qx.13.04.
Расмий оппонентлар: Дусмуратова Саодат Исмаилова, қишлоқ хўжалиги фанлари доктори, профессор; Турдиева Феруза Тиркашбоевна, қишлоқ хўжалиги фанлари бўйича фалсафа доктори, доцент.
Етакчи ташкилот: Сабзавот, полиз экинлари ва картошкачилик илмий-тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади Тошкент вилоятининг тупроқ-иқлим шароитида сабзавот хризантемасини энг қулай экиш муддатларини аниқлаш ва серҳосил навларини танлашдан иборат.
III. Тадқиқотнинг илмий янгилиги:
илк бор Тошкент вилояти тупроқ иқлим шароитида сабзавот хризантемасини морфо-биолигик ва хўжалик белгилари асосида серҳосил (Дебют, Sanna Chunli ва Qingxianghua Zhonge навлари), эртапишар (Sanna Chunli, Узорчатая, навлари) ва истиқболли навлари (Sanna Chunli ва Qingxianghua Zhonge навлари) аниқланган;
эртаги экинда сабзавот хризантемасини етиштиришда +5° C дан ортиқ фаол ҳароратлар йиғиндиси 356° C ва такрорий экинда 515° C бўлиши аниқланган;
сабзавот хризантемасининг экиш мавсумларида ўсимликни биологик хусусиятларидан келиб чиққан ҳолда, эртаги экинда 10 апрел ҳамда такрорий экинда 20 август энг қулай экиш муддатлари эканлиги исботланган;
сабзавот хризантемасининг биокимёвий таркибидаги витаминлар миқдори 100 г маҳсулотда B2 – 15,21 мг, B12 – 3,76 мг, PP – 3,31 мг, C – 6,841 мг ва аминокислоталар (лейцин, глицин, валин, пролин, систеин) миқдори юқорилиги аниқланган.
IV. Тадқиқот натижаларининг жорий қилиниши. Сабзавот хризантемасини етиштириш бўйича олиб борилган тадқиқотлар асосида: 
сабзавот хризантемасини эртаги ва такрорий муддатларда экиш ишланмаси Тошкент вилояти Қибрай туманидаги “Ён ариқ Муҳиддинов Файзиддин” фермер хўжалигида 0,30 гектар ҳамда “Building Rental Qibray” фермер хўжалигида 0,25 гектар майдонда, жами 0,55 гектар майдонда жорий қилинган (Ўзбекистон Республикаси Қишлоқ хўжалиги вазирлигининг 2024 йил 12 ноябрдаги 05/06-04-596-сон маълумотномаси). Натижада, мазкур майдонлардан сабзавот хризантемасини “Дебют” нави баҳорги муддатда етиштирилганда ўртача 8,7-10,2 т/га ҳамда такрорий муддатларда “Жозифина” нави етиштирилганда 8,7-9,7 т/га сифатли кўкат маҳсулоти олишга эришилган;
сабзавот хризантемасини эртаги ва такрорий экиш муддатларида серҳосил навларини танлаш ишланмаси Тошкент вилояти Паркент туманидаги “Обид ота” фермер хўжалигида 0,25 гектар ҳамда “Aziz Hurmat mevazori” фермер хўжалигида 0,25 гектар майдонда, жами 0,50 гектар майдонда жорий қилинган (Ўзбекистон Республикаси Қишлоқ хўжалиги вазирлиги 2024 йил 12 ноябрдаги 05/06-04-596-сон маълумотномаси). Натижада, мазкур майдонлардан сабзавот хризантемасини “Qingxianghua Zhongye” нави эртаги муддатда етиштирилганда ўртача 8,7-10,6 т/га ҳамда “Sanna Chunli” нави такрорий муддатда етиштирилганда ўртача 10,2 т/га, “Дебют” навидан эса 10,2 т/га сифатли кўкат маҳсулоти олишга эришилган.