Бабажанов Аллаберган Рузимовичнинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ер ресурсларини кадастр баҳолашнинг илмий-услубий асосларини такомиллаштириш”, 06.01.10- Ер тузиш, кадастр ва ер мониторинги (Қишлоқ хўжалиги фанлари).
Диссертасия мавзуси рўйхатга олинган рақам: Б2025.1.DSc/Qx271
Илмий маслаҳатчи: Тураев Руҳиддин Амирқулович, техника фанлари доктори, профессор.
Диссертация бажарилган муассаса номи: «Ўздаверлойиҳа» давлат-илмий лойиҳалаш институти.
ИК фаолият кўрсатаётган муассаса номи, ИК рақами: Тошкент давлат аграр университети, DSc.05/07.06.2024.Қх.13.03.
Расмий оппонентлар: Колмиков Андрей Василевич, иқтисодиёт фанлари доктори, профессори; Қурвантоев Раҳмонтой, қишлоқ хўжалиги фанлари доктори, профессор; Реимов Ниетбай Байназарович, қишлоқ хўжалиги фанлари доктори, профессор.
Етакчи ташкилот: Қарши давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади суғориладиган қишлоқ хўжалиги, ноқишлоқ хўжалиги ер майдонларини, шунингдек хусусийлаштиришга жалб қилинадиган ерларини кадастр баҳолашнинг назарий, услубий ва ҳуқуқий асосларини ривожлантириш негизида бундай ерларни баҳолашнинг мавжуд услубиятларини такомиллаштиришга оид илмий тавсиялар ишлаб чиқишдан иборат.
III. Тадқиқотнинг илмий янгилиги:
илк бор, кадастр баҳолаш жараёнида суғориладиган ерларни сув билан таъминланиш даражасига қараб ёпиқ шкалали тузатиш коеффициентлари (0-10% да – 0,70; 11-20 – 0,72; 21-30 – 0,77; 31-40 – 0,80; 41-50 – 0,82; 51-60 – 0,87; 61-70 – 0,90; 71-80 – 0,92; 81-90 – 0,95; ва 91-100% да – 1,00 Кс) таклиф этилган ва реал солиққа тортиш механизми асосланган;
мулкчилик ва хўжалик юритиш шакллари характерига тўла мос ҳолда ноқишлоқ хўжалиги ерларини кадастр баҳолашнинг ҳамда уни давлат ер кадастри тизимига интеграллашувининг илмий-услубий асослари ва механизми ишлаб чиқилган;
хусусийлаштиришга тортиладиган ер участкаларини кадастр баҳолаш механизми таклиф этилган;
кадастр баҳолаш маълумотлари асосида қишлоқ хўжалиги ерларидан фойдаланиш даражасини аниқлаш ва истиқболда уни яхшилаш йўллари ишлаб чиқилган;
туман қишлоқ хўжалиги ерларидан фойдаланишни башоратлаш ва режалаштиришда уларни кадастр баҳолаш натижаларини қўллашнинг услубий асослари такомиллаштирилган.
IV. Тадқиқот натижаларининг жорий қилиниши. Ер ресурсларини кадастр баҳолашнинг илмий-услубий асосларини такомиллаштириш бўйича олинган илмий натижалар асосида:
“Ер ресурсларини кадастр баҳолаш услубиятларини такомиллаштириш бўйича илмий-услубий тавсиянома” тайёрланган ва Тошкент вилояти Қишлоқ хўжалиги бошқармаси Юқори Чирчиқ тумани  бўлимида амалиётга жорий этилган (Ўзбекистон Республикаси қишлоқ хўжалик вазирлигининг 2023-йил 22-августдаги 04/29-06/922-сон маълумотномаси). Натижада туманнинг суғорилади-ган қишлоқ хўжалиги корхоналаридаги қишлоқ хўжалиги ерларида тарқалган тупроқлар бонитетини ҳаққонийлигини оширишда ҳамда суғориладиган ерларни иқтисодий (норматив) қийматини  бугунги шароитга мос аниқлашда илмий-услубий қўлланма бўлиб хизмат қилган;
“Ер ресурсларини кадастр баҳолашнинг ҳуқуқий механизмини такомиллаштириш бўйича илмий- услубий тавсиянома” ишлаб чиқилган ва Тошкент вилояти Қишлоқ хўжалиги бошқармасида  амалиётга жорий этилган (Ўзбекистон Республикаси қишлоқ хўжалик вазирлигининг 2023-йил 22-августдаги 04/29-06/922-сон маълумотномаси).  Натижада, мамлакатимизнинг қишлоқ хўжалиги ерларида кадастр баҳолаш ишларини ўтказишнинг ҳуқуқий механизмини акс эттирувчи илмий-услубий қўлланма сифатида хизмат қилган.
Диссертация таркибида тадқиқ қилинган асосий муаммолар ва уларнинг ечимлари, хусусан қишлоқ хўжалиги ва ноқишлоқ хўжалиги ерларини кадастр баҳолаш, хусусийлаштиришга тортиладиган ер участкаларини бошланғич қийматини аниқлаш, шунингдек ерларни кадастр баҳолаш натижаларидан фойдаланиш бўйича барча такомиллашган услубиятлар муаллиф томонидан тайёрланган янги, “Ер кадастри назарияси” дарслигига киритилган ва бугунги кунда республика олий ўқув юртларининг “Ер кадастри ва ер тузиш” ҳамда “Профессионал таълим (ер кадастри ва ер тузиш)” бакалаврият таълим йўналишларининг талабаларига ўқитилмоқда (ТИҚХММИ МТУ нинг 2023-йил 6-августдаги далолатномаси). Натижада талабалар бугунги кунда юритилаётган давлат ер кадастрининг, жумладан қишлоқ хўжалиги ва ноқишлоқ хўжалиги ерларини кадастр баҳолашнинг, шунингдек ер баҳолаш маълумотларидан фойдаланиш асосида турли иқтисодиёт масалаларини ҳал қилиш услубиятлари бўйича малакали билимга эга бўлишмоқда.