Каниев Джамшид Махмудовичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Тракторлар гидросистемаси тақсимлагичининг мембрана типидаги ўтказиб юбориш клапанини ишлаб чиқиш ва уларнинг ўлчамларини асослаш», 05.08.06 – Ғилдиракли ва гусеницали машиналар ва уларни ишлатиш (техника фанлари).

Диссертация мавзуси рўйхатга олинган рақам: B2017.2.PhD/T228.

Илмий раҳбар: Шарипов Конгратбай Авезимбетович, техника фанлари доктори, профессор.

Диссертация бажарилган муассаса номи: Тошкент шаҳридаги Турин политехника университети.

ИК фаолият кўрсатаётган муассаса (муассасалар) номи, ИК рақами: Тошкент автомобиль йўлларини лойиҳалаш, қуриш ва эксплутацияси институти ҳамда Тошкент шаҳридаги Турин политехника университети, DSc.27.06.2017.Т.09.01.

Расмий оппонентлар: Базаров Бахтиёр Имамович, техника фанлари доктори, профессор; Бобоев Алижон  Мадаминович, техника фанлари номзоди.

Етакчи ташкилот: Андижон машинасозлик институти.

Диссертация йўналиши: назарий ва амалий аҳамиятга молик.

II. Тадқиқотнинг мақсади: тракторлар гидросистемаларининг  тақсимлагичидаги мембранали ўтказиб юбориш клапанининг асосий параметрларини ишлаб чиқиш  ва асослашдан иборат.

III. Тадқиқотнинг илмий янгилиги:

зарбали тўлқинни ҳайдовчи канали диаметрига ва суюқликнинг эластиклик модулига боғлиқ ҳолда тарқалиш тезлигини ифодалаш  имконини берувчи, тақсимлагичнинг ҳайдаш каналидаги гидравлик зарбани сўндиришнинг ҳисоблаш усули ишлаб чиқилган;

ҳайдаш каналидаги босимни, ҳайдаш канали диаметрига, деворнинг ва суюқликнинг эластиклик модулларига боғлиқ ҳолда аниқлайдиган аналитик  боғлиқлиги ишлаб чиқилган;

ҳайдаш каналидаги суюқликнинг зарбали тўлқин импульси, ҳайдаш канали кундаланг кесимининг радиуси ва зичлигига боғлиқ ҳолда аниқлайдиган аналитик боғлиқлиги ишлаб чиқилган;

мембрананинг тешикларини рационал сони учун тенглама, тешикларнинг орасидаги масофа ва гидравлик зарбани сўндириш учун мембрананинг қалинлиги ва тешикларининг параметрлари ҳар хил бўлган ҳолда босимни ҳисоблаш учун формула ишлаб чиқилган.

IV. Тадқиқот натижаларининг жорий қилиниши.

Гидросистемаларнинг тақсимлагичидаги ўтказиб юбориш клапанининг ишга яроқлилиги ва узоқ муддатга чидамлилигиниошириш бўйича олинган натижалар асосида:

тракторлар гидросистемаларининг тақсимлагичидаги ўтказиб юбориш клапанининг ишга яроқлилиги ва узоқ муддатга чидамлилигини ошириш усули «Ўзагротехсаноатхолдинг» АЖ тасарруфидаги «Тошкент Қишлоқ хўжалик техникаси заводи» АЖда жорий этилган («Ўзагротехсаноатхолдинг» 2018 йил 16 январдаги 32/01-16-215-сон маълумотномаси). Илмий-тадқиқот натижасида мембранили ўтказиб юбориш клапанини қўллаш гидросистемадаги гидравлик зарбанинг 25%гача ва ишчи суюқликнинг йўқотилиши 30%гача  камайтириш имконини берган;

тракторлар гидросистемаларининг иш ресурсини ошириш бўйича ишлаб чиқилган мембранали ўтказиб юбориш клапанининг параметрларини асослаш усули «Ўзагротехсаноатхолдинг» АЖ тасарруфидаги «Тошкент Қишлоқ хўжалик техникаси заводи» АЖда жорий этилган («Ўзагротехсаноатхолдинг» 2018 йил 16 январдаги 32/01-16-215-сон маълумотномаси). Илмий тадқиқот натижасида гидросистемаларнинг иш ресурси 1600 мото-соатдан 1900 мото-соатгача оширишга эришилган;

юқори босимли гидросистемаларининг тақсимлагичидаги ўтказиб юбориш клапанининг ишоншлилиги, ишга яроқлилиги ва чидамлилигини ошириш усули «Ўзагротехсаноатхолдинг» АЖ тасарруфидаги «Тошкент Қишлоқ хўжалик техникаси заводи» АЖда ишлаб чиқарилаётган тракторларнинг гидросистемеларини такомиллаштиришга жорий этилган («Ўзагротехсаноатхолдинг» 2018 йил 16 январдаги 32/01-16-215-сон маълумотномаси). Илмий тадқиқот натижасида мембранали ўтказиб юбориш клапанининг қўлланилиши системанинг бузилишлар сонини 30%гача камайтириш, гидросистеманинг ишга яроқлилигини 25%гача ошириш, ўтказиб юбориш клапаннинг қайишиб қолиш сонини 20%гача камайтириш имконини берган.