Тохиров Муроджон Ихтиёр ўғлининг
фалсафа доктори (PhD) диссертация ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): «Юқори молекуляр массали термореактив фенол-формальдегид олигомерларининг синтез қилиш шароитларини уларнинг физик-кимёвий ва технологик хоссаларига таъсири», 02.00.14 - Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: В2024.2.PhD/Т4594.
Илмий раҳбар: Алимухамедов Музафар Ганиевич, техника фанлари доктори, профессор.
Диссертация бажарилган муассаса номи: Тошкент кимё-технология институти.
ИК фаолият кўрсатаётган муассаса номи, ИК рақами: Тошкент кимё-технология институти, DSc. 03/30.12.2019.Т.04.01.
Расмий оппонентлар: Қодиров Тўлқин Жумаевич, техника фанлари доктори, профессор; Мадиев Руслан Хаиткулович, техника фанлари номзоди.
Етакчи ташкилот: Тошкент давлат техника университетит.
Диссертация йўналиши: назарий ва амалий аҳамиятга молик.
II. Тадқиқотнинг мақсади: юқори молекуляр массали термореактив фенол- формальдегид олигомерлар ва улар асосида пресс материаллар олиш технологиясини ишлаб чиқишдан иборат.
III. Тадқиқотнинг илмий янгилиги:
1:1,1 мол/мол нисбатида адипин кислота ва алифатик дигликолларнинг поликонденсацияланиш шароитлари аниқланиб, юқори молекуляр массали (ММ=10 000 г/мол) резол типидаги фенол-формальдегид олигомерлари учун мономерлар бўлишлиги асосланган;
фенол ва формальдегиднинг 1:1,5 мол/мол нисбатдаги юқори молекуляр массали термореактив фенол-формальдегид олигомерлар олиш учун мақбул нисбат эканлиги исботланган;
олигомер қовушқоқлиги, Уббелоде бўйича томчи тушиш ҳарорати, ўртача ва вазний молекуляр массаси ортиши диэтиленгликол-адипинатолнинг икки томонига фенол спиртлар кимёвий боғланиши билан асосланган;
синтез қилинган юқори молекуляр массали термореактив фенол-формальдегид олигомерларининг қовушқоқлик бўйича молекуляр массаси аниқланиб, бу тизимлар учун Марк-Хувинк-Кун тенгламасининг коэффициентлари К=1,0532 ва α=0,103 тенг эканлиги асосланган;
юқори молекуляр массали термореактив фенол-формальдегид олигомерлар ва улар асосида иссиқбардош электр буюмлар олиш технологияси ишлаб чиқилган.
IV. Тадқиқот натижаларининг жорий қилиниши. Юқори молекуляр массали термореактив фенол- формальдегид олигомерлар ва улар асосида пресс материаллар олиш технологиясини ишлаб чиқиш натижасида:
ФАВМФФО-1/80 юқори молекуляр массали термореактив фенол-формальдегид олигомери олиш технологияси «Акмал Умид Барака» МЧЖнинг «2025-2026 йиллардаги амалиётга жорий этиш бўйича истиқболли ишланмалар рўйхати»га киритилган («Uzeltexsanoat» уюшмасининг 2024 йил 19 июлдаги  04-3/1202-сонли маълумотномаси). Натижада, ППФАВМФФО-1/80Б маркали полимер композиция асоси - импорт ПФ2А2-131 маркали олигомерни тўлиқ алмаштириш икмонини беради;
ППФАВМФФО-1/80Б маркали полимер композиция олиш технологияси «Акмал Умид Барака» МЧЖнинг «2025-2026 йиллардаги амалиётга жорий этиш бўйича истиқболли ишланмалар рўйхати»га киритилган («Uzeltexsanoat» уюшмасининг 2024 йил 19 июлдаги  04-3/1202-сонли маълумотномаси). Натижада иссиқбардош электр буюлари ишлаб чиқариш ва импорт қилинувчи маҳсулотларни махаллийлаштириш имконини беради.